— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Dagbók - 9/12/05
Atvinnumissir

Hjálpi mér... ég fékk í bakið. Fyrirtækið sem ég vinn hjá gaf mér skýr skilaboð!

Það sem málið snýst um er að ég fékk fyrir 4 árum útbungun á brjóski í hrygg sem varð til þess að ég lagðist flatur 2 vikum fyrir brúðkaup mitt. Sjúkraþjálfara einum tókst að gera kraftaverk á mér og ég gekk upp að altarinu óstuddur og ekki haltrandi.

Fyrir viku síðan fékk ég verk í bakið sem hefur verið að ágerast og í dag fór ég til læknis eins og ég hef áður greint frá og hann sagði mér beinlínis að skipta um vinnu sem fyrst.

Ég skrapp til vinnuveitandans og hann sagði mér að fyrst svona væri komið þá ætti ég ekki að mæta til vinnu á meðan þetta ástand varði. Ég túlkaði það sem fyrirboða að uppsögn. Ég hef unnið hjá þessu fyrirtæki í mánuð og líkað vel. Bakinu mínu hefur hins vegar ekki líkað vel hjá því þar sem starfið er fólgið í að bera þunga hluti sem eru stundum ekki á þeim stað þar sem ákjósanlegast er að taka þá upp. Siðan er mikill akstur sem ekki er ákjósanlegur.

Það sem liggur fyrir mér núna er að finna mér vinnu við prentsmíðina sem ég lærði einu sinni eða einhverja þægilega innivinnu við tölvu þar sem ég get staðið upp reglulega til að rétta úr mér og lagfæra skrokkinn.

Ég vona að þeir Gestapóar sem lesa þetta sýni mér alla vega smá tillitssemi ef ég fer að verða afskaplega leiðinlegur og neikvæður.

   (128 af 287)  
9/12/05 02:00

Z. Natan Ó. Jónatanz

Hvað áttu við með ´ef ég fer að verða... ´
Finnst þér við semsagt ekki hafa sýnt þér tillitssemi svona dagsdaglega ?
Að grínislepptu - þá vil ég óska þér batnaðar & almenns velfarnaðar, hvortheldur á prentvellinum eður annarsstaðar.

9/12/05 02:01

Vestfirðingur

Mæli með hlutabréfabraski. Ráð um kauprétti og sölurétti færðu frá hakuchi. Eða gjaldmiðlabrask. Þá er hlebbi rétti maður að spyrja. Hann er með fingerspitzgefühl.

9/12/05 02:02

Kargur

Mig vantar vanan vörubílstjóra. Í boði eru skítalaun, skítsæmilegur sjúkratryggingapakki og frábær mórall á vinnustað. Vertu mættur um sexleytið í fyrramálið.

9/12/05 02:02

Ívar Sívertsen

emm... ég má ekki vera atvinnubílstjóri sko...

9/12/05 02:02

Kargur

Reikna þá með að þú nennir ekki heldur að djöflast á loftpressu?

9/12/05 02:02

Ívar Sívertsen

emm... nei

9/12/05 02:02

Kargur

Fjandans langskólagengnu eymingjar að sunnan.....

9/12/05 02:02

Lopi

Leitt að heyra Ívar, vona að þú finnir eitthvað gott starf. Annars er mér líka illt í bakinu. Vill einhver nudda á mér bakið?

9/12/05 02:02

Ívar Sívertsen

Eins og ég hef áður sagt þá þurfum við að stofna lbb (landssamtök bakveikra bagglýtinga)

9/12/05 02:02

Galdrameistarinn

Eða bara L.O.B.A.
(Latra Og Bakveikra Aumingja)

9/12/05 03:00

Ívar Sívertsen

Veistu... við getum stofnað öll þau félög sem við viljum... við erumhvort eð er algerlega gagnslausir hvort eð er...

9/12/05 03:00

Vladimir Fuckov

Hvernig væri að stofna Fjelag áhugafólks um stofnun fjelaga ?

9/12/05 03:00

Ívar Sívertsen

já, þú segir nokkuð... félagafélagið svona eins og milljónafélagið... það mætti nú alveg stofna það aftur... eitthvað sem er óborganlega fyndið við félagið gæti réttlætt að það væri kallað milljónafélagið...

9/12/05 03:00

Vímus

Farðu að mínum ráðum. Fáðu vottorð hjá lækninum ásamt slatta af verkjastillandi - taugaróandi- örvandi og vímugefandi töflum. Á vottorðinu skal staðfest að þú sért löggildur aumingi og líðan þín verður betri en þig hefur nokkru sinni dreymt um. Ég keyrði líkt og þú, allar gerðir af bílum. Strætó, sendibíla,vörubíla og lögreglubíla. Þar var ég víst bara farþegi. Sem löggildur aumingi fæ ég launin send heim og ég þarf aldrei að mæta þunnur í vinnu. (Það rennur reyndar aldrei af mér) Það er svo gaman að lifa að ég sef einu sinni til tvisvar í viku. Nægur er tíminn þegar í kistuna er komið. Skál og fimm í munn.

9/12/05 03:00

Jóakim Aðalönd

[Minnist flugnabitanna á dögunum]

Þér megið kalla mig aulabárð og ugluspegil hvenær sem yður þóknast...

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!