— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 2/12/05
Undankeppni Júgravisnunar 2006

Ég gæti skrifað félagsrit um hvert og eitt atriði í þessari útsendingu ríkissjónvarpsins en ég ætla að láta það nægja að hrauna hér í einu!<br /> <br /> P.S. ALLAR MYNDIR ERU STOLNAR AF RUV.IS

Ég vil byrja á því að óska meðlimum ritstjórnar Baggalúts til hamingju með glæstan sigur í spurningakeppninni Tíminn líður hratt og um leið þann verulega vafasama heiður að vera Evróvisjónspekingar Íslands 2006.

Fúlir brandarar, asnalegar kynningar og erfiðir viðmælendur. Þannig klára ég pakkann með kynnana og þeirra pakk. Það var reyndar einn sem stóð upp úr af viðmælendunum og það var Davíð nokkur Olgeirsson. Hann skellti blautri tusku framan í fullt af höfundum þegar það barst í tal að hann væri eini syngjandi höfundurinn í þessari keppni og hann sagði að jú, einhverjir höfundar hefðu ætlað að syngja lögin sín... en hvar væru þeir nú? Og svo var það Gísli Marteinn... AF HVERJU?

Lögin:
Ég ætla ekki að fjalla um þau í þeirri röð sem þau voru flutt!


Eldur Nýr er óttalega slepjulegt og eiginlega hundleiðinlegt lag. Söngkonan náði sér aldrei á strik og varð lagið fyrir vikið enn flatara. Hvorki fugl né fiskur sem sagt.


Mynd af þér fannst mér eiginlega ekki vera neitt lag. Þetta voru nokkrir frasar, riff og pælingar... en ekkert lag. Birgitta var ekki einu sinni að gera þetta neitt sérstaklega vel. Sem sagt BORING!


Lagið Á ég er vont! NEI ÞÚ ÁTT EKKI! Þegar ég sá þetta fyrirbæri fyrst þá datt mér strax í hug dansk-íslenski kynvillingurinn sem söng á hjólahælum fyrir dani hér um árið. Þessi söng ekki vel, var eins og misheppnað smjör í framan þegar hann söng og svo þegar hann brast í einhvern fáránlegan suðuramerískan samkvæmisdans við sjálfan sig varð mér um og ó. Mér fannst þetta leiðinlegt lag með afbrigðum!


Strengjadans fannst mér mjög líklegur kandídat til að vinna þessa keppni. Hér er komið lag sem maður hefði haldið að bræddi allar gellurnar frá Akranesi að Akropolis. Frábært lag og skemmtilegur flutningur en því miður hékk strákgreyið í tóninum hluta af laginu. Í undan-undankeppninni voru ekki þessir bévítans dansarar sem spruttu allt í einu upp í kvöld. Hvað var eiginlega með þá?!? Flott lag!


Dísella, litla systir Þórunnar Lárusdóttur, söng Útópíu. Mér fannst allan tímann að hvorki höfundur né flytjandi vissi hvert lagið ætlaði að fara. Upp eða niður eða áfram eða hreinlega aftur á bak. Úff...

Nú var sko ekki staður eða stund til standa á blístri og vera með einhverjar stiklur! Stundin, Staðurinn eftir elskaðasta sjónvarpsmann Íslands, Ómar Þ. Ragnarsson, er ekki lag í þessa keppni. Það er sæmilegasta lag og ef flutningur Edgars frá því í kvöld og flutningur Þóru frá því í undan-undankeppninni hefði verið lagður saman þá væri þetta flott. En eins og ég sagði, átti ekki heima þarna.


Ágæti lesandi. Frá því að ég heyrði fyrst í Friðriki Ómari (að því að ég man eftir) hefur mér aldrei líkað við söngstíl hans eða framkomu. Mér skilst að hann sé frá Dalvík og því ætti hann bara að sæplast heim til sín og vera þar. Lagið Það sem verður er lítil dægurfluga sem verður brátt lamin með dagblaði og gleymist strax. Þokkalegur slagari sem skilur ekkert eftir sig!


Guðrún Árný var Andvaka. OK, við skulum hafa tvennt á hreinu! Ég hef aldrei fílað Celine Dion! OG ég hef enn síður fílað Celine Dion eftirhermur. Lagið var skítóbæró en ekkert meira. Hefði þurft meiri vinnslu og aðra söngkonu. Köttur hefði gert betur!


Á stokk steig hún Heiða með lag sem heitir 100% hamingja. Þetta lag fannst mér alveg hreint ágætt og vel flutt. Það var kominn tími til að Æðólið skilaði af sér almennilegri söngspíru! Það sem skipti líka miklu máli í þessu lagi var að bakraddirnar sungu aldrei feilnótu. Kraftmikið lag sem ég hefði alveg getað hugsað mér á sviðinu í Aþenu.


Flottur karl Sæmi Rokk... jú, hann er það! En Magni og Magnararnir (hvaða fáviti ákvað það nafn?) eru hreint ekkert flottir. Reyndar áttu þeir mun betri flutning í kvöld en á undan-undanúrslitakvöldinu. En lagið steindautt og flutningurinn ekki til þess að hressa það við.


Sést það ekki á mér er prýðilegt lag. Matthías Matthíasson er prýðilegur söngvari. En Matti að flytja þetta lag var ekki alveg að virka... Þetta lag hefði þurft að vera með rifnum gítar, hetjugítarsólói og Sigurjón Brink (sem mér finnst reyndar vera með rödd eins og Eiríkur Hauksson) hefði þurft að syngja þetta. Það gengur bara betur næst...

Regína Ósk Óskarsdóttir fannst mér koma langbest út úr þessari keppni með lagið Þér við hlið. Öruggur söngur, frábært lag og að fá Voces Thules til að syngja bakraddir er náttúrulega ekkert nema helber og brakandi snilld! Flottur flutningur og glæsileg frammistaða! Ég vil að úrslitin verði endurskoðuð!


100% sem flutt var af Rúnu og dúettinum Snooze (ekkert vera að vakna fyrir hann sko) var eiginlega 100% óvissa um það hvað ætti eiginlega að vera að gerast. Svona 50's eða 60's swing sem umbreytist skyndilega í eitthvað skólarapp (sbr. einhverja skelfilega barnaplötuna þar sem sungið er: Rapp skólarapp) sem þar að auki var illa gert. Arfaslakt lag!


Eiríkur Hauksson... nei ég meina Sigurjón Brink söng lagið Hjartaþrá. Rödd hans er sláandi lík Eiríki Haukssyni og ætti hann að færa sig meira út í þyngra rokk Sigurjóninn sá arna. Lagið var þunnt en Sigurjón gerði því litla sem það var góð skil.


Til hamingju my ass! Enn og aftur sannar Þorvaldur Bjarni að hann kann markaðssetningu upp á sína 10. Sylvía Nótt er vinsæll karakter með attitude. Lagið er svo sem ágætt... en ekkert frábært. Toddi sagði eitt sinn að ef maður semdi lag sem manni fyndist maður hafa heyrt en kæmi því ekki fyrir sig þá væri það nánast pottþétt að það yrði vinsælt. Þetta er sú formúla sem hann hefur unnið út frá síðan. Er ekki kominn tími á að fá eitthvað frumlegt frá kappanum? Þá fyrst held ég að við ættum möguleika í þessari guðsvoluðu keppni!

Úrslitin komu hreint ekkert á óvart. Búið var að markaðssetja þetta svo vel, leka laginu út á netið, skapa mikla og heita umræðu, fá samúð vegna þess að þau sögðust ekki hafa gert þetta og hörmuðu þetta, textahöfundur kærði og þar fram eftir götunum. Ég vil enn að Sylvía Nótt verði rekin úr keppni og að Regína verði send til Aþenu með sinn frábæra flutning. Vonandi verða Hommi og Nammi með bullandi Tremma á sviðinu í Aþenu!!!

   (141 af 287)  
2/12/05 19:00

Offari

Til Hamingju Ísland. Ég horfði ekki á keppnina..En 6 ára dóttir minni líkaði best við Silvíu. Og nú vill hún mála sig eins.

2/12/05 19:00

Ívar Sívertsen

Almáttugur... komdu í veg fyrir það og það strax! Segðu henni að Sylvía sé færeyingur og borði mikið grænmeti... það ætti að slá á áhugann hjá barninu...

2/12/05 19:00

dordingull

Niður að Sæma Rokk get ég samþykkt flest. Lagið var als ekki steindautt. MM, að ekki sé talað um lagið voru hörmung. Restina get ég svo samþykkt með semingi.
Það lag sem að mínu mati skipar BOTN tíu á lista yfir þau lög sem send hafa verið til undankeppninar vann eitt árið. Ástæðan? Höfundur lagsins, Valgeir Guðjónsson, var í tísku um þær mundir, af sömu ástæðu vann S.N. nú.

2/12/05 19:00

dordingull

Gleymdi! Félagsrit þetta er bráðsniðugt og skemmtilegt framtak. SKÁL.

2/12/05 19:00

Lopi

Æ ég bara missti af þessu.

2/12/05 19:00

Heiðglyrnir

Herra Ívar Sívertsen þú misstir Riddarann þar sem kemur fram að þú hafir aldei fílað Celine Dion.. Hún sem er ein magnaðasta söng-diva samtímans, jahérnahér..!.. Annars bara fín úttekt Ívar minn..!..

2/12/05 19:00

Furðuvera

Ég hef nú aldrei verið mjög mikið fyrir Silvíu Nótt, en þetta er bara eina góða lagið í þessari keppni! Öll hin fannst mér væmin og blátt áfram leiðinleg. Silvía hefur einfaldlega bestu möguleikana á því að fá einhver stig í Aþenu.

2/12/05 19:01

Ívar Sívertsen

Herra riddari, ég verð að segja að (eins og sést á félagsritinu og ummælum þínum) þá erum við á öndverðum meiði hvað varðar hana Celine. Mér þykir það afar sorglegt hvernig menn hafa snúið út úr orðinu Díva í seinni tíð. Ég er ekki að saka þig um það persónulega riddari kær. Skilgreining á orðinu díva hefur í gegnum tíðina verið eftirfarandi skv. Grove Music online: Söngkona sem fer að komast á aldur eða er komin á aldur og er minnst fyrir stórafrek sín á óperusviðinu, helst dálítið verkleg að vöxtum og eftir því fyrirferðarmikil þó vöxturinn sé ekki aðalatriðið, oft nefndar prímadonnur. Sem dæmi um dívu má nefnia Maríu Callas. Á diskótímanum fór svo að bera á þessu orði í meðförum samkynhneigðra um söngkonur innan diskógeirans sem höfðu þykka og kraftmikla rödd sem náði djúpt niður og frekar hátt upp. En þetta hefur fram á síðustu ár verið einskorðað við þennan þjóðfélagshóp. Undanfarin ár hafa svo óprúttnir aðilar markaðssett íslenskar söngkonur undir merkjunum Íslensku Dívurnar. EF mér skjátlast ekki þá eru þær um 10 stk. þar sem í raun ein hefur þann möguleika að vera kölluð díva og það er hún Diddú. Hvort heldur sem er innan óperugeirans eða diskógeirans. Kæri riddari. Vissulega er hér um að ræða þitt málfar og ólíkan skilning á orðnotkun en ég vildi bara koma þessum skilaboðum áleiðis. Svo finnst MÉR Celine Dion ver óttaleg rembikerling svona svolítið eins og Kristján Jóhannsson (þegar hann rembist á efstu tónana má heyra rasskinnarnar smella saman þegar hann herpir þær saman) Annars takk fyrir álitið.

Og Furðuvera: Þú kannt bara ekki gott að meta!

2/12/05 19:01

hundinginn

Mjer er nú sljett sama hvernig þetta fer allt saman. Hallærislegt tilstand og vitleysa, en blessunin hún Silvía Nótt er passleg í hlutverkið. Ekkert að rembast við að vera eitthvað Gala fyrirbæri. Á næsta ári ættla jeg ekki að horfa á keppnina, sem endra nær, en mun örugglega lesa gagnrýni þína Ívar. Skemmtilegt! Vonandi fer hún úr að neðan líka, svo glitti í skuðið.

2/12/05 19:01

Stelpið

Eurovision er bara djók. Hvað gæti þá verið betra en að senda atriði sem er djók út í gegn, flott show, attitude dauðans, catchy og yfirdrifið af glimmeri?
Ég hlakka til að sjá hana á sviðinu í Aþenu, ó já...

2/12/05 19:01

Nornin

Sammála Stelpinu.
Þessi rússneska kosning sem Silvía Nótt fékk, sýndi mér bara að hið ómögulega getur gerst: Íslendingar hafa skopskyn!

Ég er ekki mikill aðdáandi Silvíu, finnst karakterinn of yfirdrifinn til að vera fyndinn til lengdar, en að við (já VIÐ, því ég horfði persónulega á Júróvísjón í fyrsta skiptið síðan ég komst til vits og ára og kaus hana Silvíu) höfum ákveðið að gera okkur að fíflum í Aþenu með að hafa Silvíu á sviðinu finnst mér DÁSAMLEGT. Hreint út sagt mögnuð úrslit.

Við höfum oft sent ömurleg lög í Júró og því ekki að ganga þá alla leið? Senda eitthvað sem er komið í hring og orðið töff aftur?
Ég held að Silvía verði frábært skemmtiatriði og þjóðin sem fílaði Ali G í tætlur (Bretar, fyrir þá sem ekki vissu) ættu að elska Silvíu Nótt, sérstaklega ef hún verður markaðssett í Evrópu eins og búið er að markaðssetja hana hér heima.
Júróvísjón er djók og við hljótum að vinna með þessu lagi [glottir]

Í fyrsta skiptið, síðan að Páll Óskar fór út, ætla ég að horfa á Júróvísjón í maí!

2/12/05 19:01

Galdrameistarinn

Ég get tekið undir 95% af því sem segir í þessu félagsriti hjá þér Ivar, en okkur greinir á 5%
ÉG nenni ekkert að útlista það hér og nú, en ræði það við þig í góðu tómarúmi.

2/12/05 19:01

Kondensatorinn

Þessi keppni er nú bara atvinnubótavinna fyrir fjölmiðlafólk og iðjuleysingja. Þeir sem kjósa í þessu eru mestmegnis 10-12 ára börn.
Mér fannst nú Bobbysokks flottasta atriðið í þættinum.
Hvað myndi nú gerast ef Silvíu yrði rænt af múslimskum öfgamönnum sem óttast léttklætt kvenfólk?
Hver myndi þá syngja ?
Kannski Bobbysokks.

2/12/05 19:01

Hermann Kurtsflamme

Ég er á því að keppnin sjálf í sinni heild hafi verið sú besta sem afstaðin er en langt frá því sanngjörn. Ég er sömu skoðunar og greinarhöfundur að Silvía nótt verði send úr keppni og Regína verði send til Aþenu. Ellegar er ég hræddastur um að textahöfundar muni ekki samþykkja þáttöku í forkepnni að ári né framvegis.

2/12/05 19:02

Nermal

Ég verð að lýsa stuðningi við orð Stelpsins og Nornarinnar. Júró er djókþ Allt í góðu að senda eitthvað svona glis og glimmer. Við prufuðum hérna um árið að senda "powerballöðu". Hin óendanlega slepjulega viðrinisviðbjóð Heaven með gerpinu honum Jónsa. Það kolféll. Vissulega get ég tekið undir að Regína Ósk er mergjuð söngkona sem hefur ótrúlega magnaða hátóna og væri frábær fulltrúi. En það má alveg djóka með þetta. Það gekk hjá Noregi og Moldavíu í fyrra, gekk hjá Austurríki hérna um árið, og flestir muna eftir hinu ísraelska Húbbe Húlle... Lifi kjánaskapurinn. Til hamingju Ísland!!

2/12/05 20:02

Jóakim Aðalönd

Sammála Nermal. Lifi kjánaskapurinn! Saûde!

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!