— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Dagbók - 2/12/05
Skroppinn í víking

Nú hygg ég á landvinninga til að geta aflað þekkingar og vopna til handa hinu Baggalútíska heimsveldi.

Á morgun held ég í svaðilför eina all mikla til Skrímslaborgar (Monster eða Münster eins og heima menn kalla það víst). Þar er áætlað að stunda njósnir vegna aukinnar framleiðslu í vopnaverksmiðjunni. Ég hef nú þegar orðið mér úti um leiðsögumann sem hyggst þiggja greiðslur úr sjóðum spillingaráðuneytis Baggalútíu við það að benda mér á hernaðarlega mikilvæga staði. Slóð mín áleiðis til skrímslaborga verður vandlega falin með því að fara í gegnum Stansted á Bretlandseyjum og fljúga þaðan með vél frá óvinunum til borgarinnar. Þegar þangað verður komið mun ég reyna eftir besta megni að skrifa pistil til að láta vita af ferðum mínum og til að gefa skýrslu um hvað ég hefi fundið. Komi ég aldrei aftur þá getið þið bókað að mér hefur verið drekkt í súrkálskeri af ófrýnilegum mönnum með yfirvaraskegg, sítt að aftan og í snjóþvegnum gallabuxum. Óskið mér góðs gengis því þessi fór verður aldeilis ekki hættulaus!

   (146 af 287)  
2/12/05 03:02

Offari

Vantar þig vanan Drekabana í lið með þér?

2/12/05 03:02

Krókur

Góða ferð. Þú hefur væntanlega safnað yfirvaraskeggi og sítt að aftan til að falla í kramið?

2/12/05 04:00

Ugla

Elsku Hexía mín...
Er hún þá á lausu?

2/12/05 04:00

Gísli Eiríkur og Helgi

Farðu í Guðs friði .

2/12/05 04:00

Ívar Sívertsen

Krókur: Ég hef safnað kleinuhring um kjaptinn og handföngin í hann eru að vaxa smám saman. Það verður dulargerfi mitt næstu daga.

Offari: Nei, drekabana gerist ekki þörf í þessari hættuför. Ég held að miklufrekar þyrfti ég timburmannabana, trésmíði ku vera almenn á þessum slóðum.

Ugla: Ég er nú ekki dauður enn... En hún verður heima með Prímadonnu og Dívu á meðan.

GEH: Þakka þér, ekki veitir af... hver og hvar sem hann nú er þessi guð... Hvern þeirra ertu annars að meina?

2/12/05 04:00

Jóakim Aðalönd

Góða ferð.

2/12/05 04:01

Galdrameistarinn

Færðu okkur fréttir reglulega meðan á för þinni stendur.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!