— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 10/12/05
Til hvers

Eins og flestum er kunnugt halda þeir sem einhvern snefil hafa af annað hvort kristinni trú eða markaðshyggju heilög jól innan skamms. Hvað er í gangi?

Ég hef látið mér nægja að kaupa lítilræði handa börnunum og konunni, smáræði handa foreldrum mínum og tengdaforeldrum, agnarögn handa ömmum og öfum og svo mætti lengi telja. Ég reyni að taka til ásamt fjölskyldu minni, þrífa íbúðina og hafa sómasamlegt um jólin.

Hvað er að fólki sem þarf fyrir hver jól að ráðast í það að skipta út eldhúsinnréttingu eða hreinsa út baðinnréttinguna eða endurmublera stofuna? Af hverju þarf þetta að vera árviss viðburður fyrir jólin? Af hverju má ekki gera þetta í miðjum september eða í júlíbyrjun?

Nýtt sófasett, flísaleggja bílskúrinn, marmaraklæða girðinguna... Nei, mér finnst tilgangur jólanna kominn langt norður fyrir öll velsæmismörk. Fólk er að teygja sig suður til andskotans með eyðsluna og situr svo í skuldasúpu í febrúar sem það sér ekki fram úr. Þá hefði kannski verið sniðugra að bíða með flatskjáinn, þráðlausa heilmyndafrumuhraðaverpilinn og gullsófann.

Meining jóla fyrir mér er ekki trúarleg, enda trúlaus með öllu á skurðgoð og ímyndaða vini. Ég trúi á það góða sem býr innra með okkur öllum, ég trúi á mátt mannsins til að bjarga sér sjálfur, ég trúi að saman getum við gert okkur lífið bærilegt. Því er ég að fagna á jólunum. Ég fagna með því að hitta ættingja og vini og borða góðan mat. Ég reyni að sækja hamingju í það sem ég á og þau sem ég á. Ég þarf ekki að sitja í gullsófa fyrir framan flatskjá og horfa á myndir af fólkinu mínu. Ég á mér líka líf í febrúar og get leyft mér eitt og annað þess vegna. Ég verð einn af örfáum sem telja sig hafa efni á því að bruðla í febrúar og fara einu sinni í bíó.

Lítum í eigin barm eftir því hvað veitir okkur hamingju, ekki veskið.

   (155 af 287)  
2/11/04 22:00

Herbjörn Hafralóns

Fínn pistill, Ívar. Eins og talað út úr mínu hjarta.

2/11/04 22:00

Rasspabbi

Sérdeilis prýðilegur pistlingur hjá þér. Æ, hvað er það við marga Íslendinga sem telja sig ekki sátta né menn á meðal manna nema að snúa húsinu á hvolf fyrir jól.
Svo loks þegar blessuð jólin ganga í garð eru allir svo örþreyttir og pirraðir að jólagleðin verður lítið annað en tilgerðarlegt bros því, eins og þú bentir á, þá situr landinn í skuldafeni upp fyrir haus og gott betur.

Viðurkenni það á mig að ég fór heldur framúr góðu hófi hvað varðar verðlag á jólagjöfum til systkina og góða ættingja... telur maður sig kannski ómeðvitað... hvernig á ég að segja þetta. Reyna að bæta sig í augum þess er gjöfina þiggur?
En svo er það kannski annað, vandaðir munir kosta sitt. Fór á flakk í Kringlunni (sá hryllingur) um daginn í jólagjafainnkaupaleiðangur og leit við í nokkrum búðum. Þeir munir sem ég sá og taldi vert að gefa einhverjum nákomnum kostuðu aldrei undir 5000 kr. Annað var bara bölvað pjátur og drasl!
Eru launin okkar orðin það há að 5000 krónur eru orðnar titlingaskítur?
Æ ég veit það ekki... [Dæsir mæðulega og lítur út um gluggann]

2/11/04 22:00

dordingull

Er það með heilmyndafrumuhraðaverplinum sem þér teks að afrita hugsanir mínar og gjörðir?
Þetta rit er fín jólagjöf. GLÐILEG JÓL.

2/11/04 22:00

Jóakim Aðalönd

Ég gæti ekki verið meira sammála þér Ívar. Megir þú og fjölskylda eiga góða hátíð með góða samvisku og feit veski eftir á.

2/11/04 22:00

Offari

Jólin eru til að bæta þá deyfð sem við flest lendum í á þessum árstíma. Þá er gott að taka til og gera eitthvað skemmtilegt fyrir hús sitt. Bruðlið er hinsvegar óþarft ef, farið er yfir mörkin, sumir eiga þó sjóð sem þeir hafa safnað, til að geta bruðlað fyrir Jólin. Takk fyrir og Gleðileg Jól.

2/11/04 22:00

Nafni

Þú ert öðlingur Ívar minn, takk fyrir þetta ágæta félagsrit.

2/11/04 22:00

Von Strandir

Jólin er ágætis endapunktur framkvæmda. Ef hlutirnir eiga ekki að vera klárir um jólin hvenær þá?

Sorrý, en mér finnst þetta bara röfl.

En gleðileg jól samt

2/11/04 22:00

Litli Múi

Ég er alveg sammála þessu, jólin eru tími sem maður á að eiða með fjölskyldunni. Maður á ekki að vera að eiða morð fjár í flottar og dýrar jólagjafir sem eru í tísku akkúrat núna. Frekar að kaupa eitthvað sem kemur frá hjartanu.

2/11/04 22:00

Galdrameistarinn

Dittó Ibbi.

2/11/04 22:01

albin

Ég tilbið Mammon og get aldrei eytt nóg um jólin.
En án gríns, þá verð ég að taka undir meðykkur flestum. Þetta er að verða full svæsið. Get ég kanski bara fengið frið á jörðu í jólagjöf þetta árið?

2/11/04 22:01

bauv

Mér var nú kennt að jólin væri til að fagna Jesús en ekki fæðingu hans þar sem þetta var eina eitthvað 6 kl. tíma kjaftæði!

2/11/04 22:01

fagri

Á þorláksmessu fer ég í fylgd konu og barns
í kringluna, stend fyrir utan tékkkristal og við
hristum höfuðin full vandlætingar þegar fólkið
kemur út með glingrið sitt.

2/11/04 22:01

Guðmundur

[Fær sýn af þrem kinkakolli Tröllum fyrir utan Tékkkristal að hrista hausinn] Nú verð ég að fara að sjá mynd af þér fagri, þú ert ekki ættaður frá Noregi er það? En hafið þið annars tekið eftir því að það er enginn svartur kristall í TéKKKristal? Hmmm.

2/11/04 22:01

Skabbi skrumari

Sammála þér kæri vinur...

2/11/04 22:02

Isak Dinesen

Sammála! Enda tek ég svo sannarlega ekki þátt í þessu stressi og mun aldrei gera.

2/11/04 23:00

Ívar Sívertsen

Fagri: Býrðu í Islandica (áður rammagerðin)? Þar hef ég séð fullt af svona kinkakollitröllum eins og Guðmundur bendir á. Og í framhaldinu datt Hexiu í hug gamalt og gott lag sem sungið var í Útvegsbankaauglýsingu hér um árið:

Hver er Trölli, hver er Trína,
hver er Hippó flóðhestur?
En öll við þekkjum Jóakim, æ það er satt,
hann er sá eini af okkur sem á hatt.
(og líklega sá eini af þeim sem á lögheimili á Gestapó)

2/11/04 23:00

Jóakim Aðalönd

Snilld! Ég á fínan hatt.

2/11/04 23:00

Von Strandir

Skinheilögu ángskotar!

2/11/04 23:01

Þarfagreinir

Ég er einnig hundheiðinn og lít ekki á jólin sem trúarhátíð, en finnst þau engu að síður merkileg og falleg. Eyðslurugl er þó aldrei fallegt, en sem betur fer þekki ég afar fáa sem stunda slíkt. Ég held að flestir Gestapóar séu ekki í þessum 'pakka' (ATH: viljandi orðaleikur) heldur; við erum allt of skynsamt fólk til þess.

Að þessu sögðu verð ég að tilkynna að þetta árið gef ég fleiri jólagjafir en nokkru sinni áður. Á móti kemur hins vegar að ég eyði mjög litlu í sjálfan mig eins og venjulega, enda reyni ég að kaupa aldrei það sem ég hef ekki efni á.

Já, og gleðileg jól!

3/11/04 00:00

Gísli Eiríkur og Helgi

Fínt og umhugsunarvert rit

3/11/04 00:00

Kondensatorinn

Sammála þér Ívar. Maður er manns gaman. Kannski er jólabruðlið aðferð hjá sumum til að friða samviskuna eitt augnablik.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!