— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Gagnrýni - 6/12/04
Lifað á fornri frægð

Ég skrapp með fjölskylduna í ferðalag um suðurland í gær og í dag. Við komum við í uppáhaldsáningarstað Íslendinga um árabil. Hann er ekki svipur hjá sjón.

Við Hexia skruppum austur í Miðhúsaskóg að heimsækja foreldra mína sem stödd voru ásamt börnum okkar í sumarbústað.

Á heimleiðinni í dag lá leiðin í Eden í Hveragerði þar sem upplifa átti liðna tíð og japla á ís. Það verður að segja eins og er að það er af sem áður var. Húsið er illa farið vegna málningarskemmda, innréttingar eru farnar að láta verulega á sjá sökum ágangs og aldurs og ekki má gleyma því að það er mjög langt síðan það taldist vera hallærislegt að vera með garðhúsgögn innanhúss sem samt eru enn í Eden. Svo er helvíts apaskrípið hann Bóbó enn að og það hefur enginn haft fyrir því að skipta út bröndurunum hans.

Við ákváðum að fá okkur sjeik í stað íss og þegar hann var afgreiddur fylgdi sú saga með að sjeikmaskínan væri eitthvað biluð og því þyrfti að blanda mjólk í sjeikinn. Mér fannst það eiginlega lofa góðu því ég hata hnausþykka sjeika sem maður þarf að borða með skeið. Sjeikinn var þykkari en steinsteypa og mér fannst hann ekkert sérstakur.

Ég gef Eden í Hveragerði eina stjörnu fyrir hvað það var gaman að koma þar sem barn. Það er ekkert gaman núna.

   (189 af 287)  
6/12/04 12:01

Þarfagreinir

Það er oft sem að sjarminn vill hverfa af hlutum sem manni þótti stórmerkilegir sem krakki.

En heitir apinn Bóbó? Það vissi ég ekki.

6/12/04 12:01

Tigra

BÓBÓ!
Ég elska Bóbó!
Allir á mínum aldri vita hver Bóbó er!

6/12/04 12:01

Ívar Sívertsen

ÉG HATA BÓBÓ!!!

6/12/04 12:01

Litla Laufblaðið

Maður fer ekki í Eden án þess að heilsa upp á Bóbó

6/12/04 12:01

Ívar Sívertsen

Það er greinilegt að fólk er bara farið að dásama bóbó! Ég held ég verði að skrifa annað félagsrit til að forða þessum ósköpum.

6/12/04 12:01

Limbri

Er þá aftur orðið flott að vera með garðhúsgögn inni ?

[Klórar sér í höfðinu]

-

6/12/04 12:01

Goggurinn

Kíkti á Bóbó um daginn og mataði hann með 100 krónum. Hann kallaði mig fífl.

6/12/04 12:01

Goggurinn

Bóbó gaf mér kanínu og á henni stóð: „Whatever, you moron.“

Vinur minn lék sama leik og fékk kanínu sem á stóð: „Hi, idiot.“ Bóbó er illmenni.

6/12/06 01:01

Gvendur Skrítni

Bóbó hljómar sem áhugaverður náungi. Kannski ég heilsi upp á hann við tækifæri, ég og herra pútter!
Áhugavert félagsrit, innblásturinn að Öpunum í Eden án vafa.
Vertu annars blessaður Ívar [Skálar]

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!