— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 5/12/04
Meint hatur

Hér hafa menn farið mikinn í hatri sínu á Söngvakeppni Evrópskra Sjónvarpsstöðva. Margir hafa bölvað Rúv fyrir skylduáskrift af þeim sökum.

Elsku dúllurnar mínar. Það er margt hægt að rita illt um téða keppni. En það verður að segjast eins og er að „Dallas-heilkennið“ er farið að gera vart við sig.

Hvað er „Dallas-heilkennið“? kann einhver að spyrja. Jú, það er þegar eitthvert sjónvarpsefni er þess eðlis að fólki finnst skömm af því að horfa á það og neitar því en horfir engu að síður á það til að geta verið með í umræðunni og þykir í flestum tilfellum gaman.

Þetta á vel við Evróvisjón söngvakeppnina. Af hverju erum við að blása okkur svona út við að hafna þessari ágætu skemmtun? Það er nefnilega ákaflega gaman að fylgjast með þessum sirkus og sjá alla „hommsana“ eins og Svavar Örn hárgeiðslumaður orðar það. Af hverju látum við þetta ekki bara vera áfram þetta furðulega sjónvarpsefni, lítum jákvætt á málið og hættum að blása eins og gamlir karlar sem sjá ekkert nema fýlu og neikvæðni í hverju horni?

Höfum það í huga að fulltrúar Íslands í Evróvisjón söngvakeppninni gætu hugsanlega átt sér líf hér á Gestapó og með svona umræðu er ekkert ólíklegt að einhver þeirra segi skilið við okkur.

Aðgát skal höfð í nærveru alteregóa!

Sjálfum finnst mér þetta hallærisleg keppni en hef gaman af því að sjá hvað er að gerast í tónlistinni í öðrum l0ndum. Sumt gefur skakka mynd en annað gefur alveg rétta mynd. Einnig finnst mér gaman að sjá hvernig fólk kemur fram fyrir þjóðir sínar og verð ég að segja að mörg lönd senda einhverja arfaslökustu meinta tónlistarmenn sem þeir eiga en þeir eru bara í klíkunni.

Þetta er og verður alltaf pólitískur sirkus, gleymum því aldrei. Og nú er austurblokkin orðin svo sterk að við eigum okkur ekki víðreisnar von í bili.

   (195 af 287)  
5/12/04 20:01

Limbri

En gættu þín að stimpla ekki fólk sem í raun réttri horfir ekki á Eurovision. T.d. hef ég ekki heyrt framlag Íslands og stefni ekki á að bera mig eftir því.

-

5/12/04 20:01

Kargur

Nokkuð til í þessu Dallas-heilkenni hjá þér. Ég man eftir ónefndum frænda mínum sem bölvaði keppninni árlega, en hélt svo júróvisjón-partí.

5/12/04 20:01

Ívar Sívertsen

Auðvitað stimplar maður fólk ekki fyrr en maður veit hvort það veit eitthvað. En það er ótrúlega mikið um það að fólk neiti að hafa horft en veit þó allt.

5/12/04 20:01

Sæmi Fróði

Ég horfði t.d. ekki á þetta í gær, en tókst samt að hrósa Noregi fyrir skemtilegan fluttning og hlægja að Moldovum!

5/12/04 20:01

Bubbi

Mér þykir þú einhæfur í skoðunum Ívar Sívertsen. Hvernig væri nú að sjá hina hliðina?

5/12/04 20:01

Ívar Sívertsen

Láttu ekki svona Bubbi.

5/12/04 20:01

Pollýanna

Hárrétt hjá þér Ívar.

5/12/04 20:01

Vímus

Stattu þig ívar! Sjálfur horfi ég alltaf á vissa hluta þessa efnis það er auðvitað frammistöða okkar manna, atkvæðatalningin og eitthvað smávegis þess á milli

5/12/04 21:00

Tina St.Sebastian

Limbri: [En gættu þín að stimpla ekki fólk sem í raun réttri horfir ekki á Eurovision. T.d. hef ég ekki heyrt framlag Íslands og stefni ekki á að bera mig eftir því.] Ég öfunda þig. Ég vildi að ég hefði sloppið við þetta bévítans garnagaul...annars hefur Júrósýn fullan rétt á sér sem afsökun fyrir drykkju, rétt eins og verzlunarmannahelgi og laugardagar.

5/12/04 21:02

Haraldur Austmann

Ég er Selma.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!