— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 5/12/04
Raunir Íslendinga erlendis

Nú er búið að sparka okkur úr júróvisjón þetta árið. Hvað klikkaði?

Nú hefst vafalaust mikil umræða um það hvað hafi klikkað hjá Selmu og stelpunum í Kænugarði. Ég veit hvað klikkaði. Það voru hinir! Allar hinar þjóðirnar voru hreinlega ekki að fíla það sem við höfðum fram að færa. Selma gerði sitt vel, stelpurnar með henni líka sem og allir þeir sem að atriðinu stóðu. Ég er reyndar sammála því að Noregur hafi átt að fara áfram og ég vona svo sannarlega að þeir taki þessa keppni og rassskelli hana! Fyrir þá sem ekkert fylgjast með júgravisnun þá eru þeir með níunda áratugs glamúr þungarokk. Það er skelfilega mikið að virka og ég held meira að segja að það eigi eftir að verða rosalegt trend núna. Réttir menn á réttum stað á réttum tíma. Gleðibankaheilkennið var gríðarlega áberandi í þetta sinn. Höfðum við ástæðu til þess? Jú, Þorvaldur Bjarni samdi All out of luck og Selma söng það, þetta átti að virka aftur. En Evrópa heldur áfram að þróast og tónlistarsmekkurinn að breytast. If I had your love var einfaldlega of mikið í sama stíl og All out of luck. Það var greinilega að virka að vera með eitthvað metal eða fullt af drasli á sviðinu til að lemja í. Ég held að á næsta ári verði að vera undankeppni. Það skapar stemmningu í samfélagið og svo fá lítt þekktir lagahöfundar smá möguleika á því að sýna sig. Svo legg ég til að ég fari næst í Júróvisjón fyrir Ísland og syngi eitthvað skrýtið! Þá kannski vinnum við!

   (196 af 287)  
5/12/04 19:02

Hóras

Sendum Papana!

5/12/04 20:00

Ívar Sívertsen

Sendum Spesa, Núma, Enter, Myglar, Kaktuz, Fannar og Herbert!

5/12/04 20:00

Tigra

Noregur og Moldavía fannst mér snilld!

5/12/04 20:00

Hakuhci

Þú varðst að draga upp Noreg og MOLDavíu, var það ekki? Kattaróbermið þitt, það væri réttast að geyma þig fyrir framan arininn hjá mér!

5/12/04 20:00

Tigra

Ég er ekki viss um hvort þetta hafi verið hótun eða þú viljir hreinlega leyfa mér að njóta hitans frá arninum.

5/12/04 20:00

Hakuhci

Æ, fyrirgrfðu Tigra mín, ég er bara eylítið hörundsár eins og er.
Svindl pakk þessir Evróapar.

5/12/04 20:00

Tigra

Ertu nokkuð Gísli Marteinn?
Hann var svo ofboðslega ósáttur áðan.

5/12/04 20:00

Afnám Þrælahalds

Áfram Noregur og Ungverjaland segi ég bara.

Selma var annars hræðileg, hana vantaði kraft og sönggæðin voru alls ekki nógu mikil. Svo var textinn of máttlaus líka, í ár var það "If I had your blablal " en þegar allt gekk að óskum sté hún sterk fram með "Don't sleep on a monday, don't.. eitthvað *æi man ekkert af þessum texta*" . Gýfurlegt magn aukaorða gerði textann í ár máttlausan (finnst mér).

5/12/04 20:00

Galdrameistarinn

Ég get varla tjáð mig um þetta mál vegna sífelldra hláturskasta. Mikilmennskubrjálæðissmáþjóðin norður í ballarhafi heldur virkilega að þetta handónýta lag hafi átt eitthvað erindi í þessa keppni.
Hverju um að kenna? Það segir sig náttúrulega sjálft ef fólk almennt nennir að hugsa.

5/12/04 20:00

Hakuhci

Það sem ég skil ekki er hvernig þetta gat gerst. Ölstofa í Bretlandi valdi þetta sem besta lagið! Hvernig dirfist Evrópa að ganga gegn áliti knæpu í Bretlandi?

5/12/04 20:00

Magnús

Það er náttúrulega ofboðslega fyndið að Selma hafi ekki komist áfram eftir allt sem gengið hefur á í sambandi við þetta lag og umræðuna í kring um þetta. Þetta lag hennar er frekar lélegt en það er hreinræktuð snilld miðað við sum lögin sem voru að komast áfram þarna. Ég er búinn að fá mig fullsaddan af Austurblokkinni og hennar hryllilega ömurlega tónlistarsmekk og euro-trash-stæla. Ég legg til að farið verði í stríð við þetta skítapakk sem eyðir heilu árunum í að skera hvort annað á háls en stendur svo saman í Evróvisjón af öllum hlutum.

5/12/04 20:01

kokkurinn

Góður Magnús. Sammála. Ég var einn af þeim sem hafði spáð Selmu góðu gengi. Lagið fjörugt og svo hefur Selma svo mikla útgeislun. Hefði sennilega átt að vera djarfari á sviðinu, þær voru það allavega margar af þessum stelpum sem kunnu sumar ekki að syngja en voru þeim mun betri í að vera kynþokkafullar. Í þeim hópi sem ég var þegar útsendingin fór fram voru menn að velta því fyrir sér hvaða þjóð yrði fyrst til að senda berbrjósta söngkonu í keppnina.

5/12/04 20:01

Ívar Sívertsen

SENDUM LEONCIE!!!

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!