— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 4/12/04
Friðargæsla og viðvera

Nú hefur komið upp mikið þrætuepli innan Baggalútíska samfélagsins á Gestapó, nefnilega pólitík kjötheima.

Ástæðu þessara skrifa vita líklegast flestir þeir sem fylgst hafa með undanfarnar klukkustundir. Hinn ágæti gestur Gröndal opnaði þráð á Baggalútíu þar sem farið var fram á stuðning við frambjóðanda til formannskjörs í Samfylkingunni. Undirritaður ásamt öðrum friðargæsluliða fórum þess á leit við ritstjórnarmeðlim að þræðinum yrði lokað þar sem okkur fannst slíkur þráður óviðeigandi á Gestapó. Eftir að hafa litið á rök í málinu þá hefur skoðun mín breyst örlítið og get ég verið sammála þeim sem telja hann eiga heima á þráðasafninu Efst á baugi.
Friðargæsluliði Baggalútíu hefur hins vegar lítið verið á ferli undanfarið og því erfitt um vik að fá hann til að sinna sínum störfum. Þess vegna finnst mér að bæta þurfi við friðargæsluliða á Baggalútíu til að við þurfum ekki að ónáða ritstjórnina með svona kvabbi og kveini heldur gera þetta bara sjálf. Ekki ætla ég að fara að leggja til hver ætti að fá lyklavöld að Baggalútíu en ljóst er að það verður að vera einhver sem er hér tíður gestur og sækir Baggalútíu oft.
Einnig finnst mér vanta sárlega ráð til nýliða eða reglur vegna notkunar Baggalútíu. Slíkt finnst á Almennu spjalli, Efst á baugi og á Lygilega vinsælum leikjum. Ekki þarf að setja svoleiðis reglur á Undirheima en vissulega má skella upp slíkum leiðbeiningum á Vísindaakademíuna og Sögur, gátur, leikir og dægradvöl. Enn fremur má setja upp reglur varðandi Kveðist á þar sem einnig koma fram algengustu bragfræðireglur.
Einhvern tíman nefndi ég við ritstjórnarmeðlim að það gæti verið gott fyrir þá sem sinna friðargæslu að hafa einhvers konar aflokað svæði til að ræða álitamál sem upp koma. Eitthvað virðist það hafa annað hvort fallið í grýttan jarðveg ellegar gleymst. Mér finnst að friðargæslan eigi að hafa sína Sixtusarkapellu til að bæði greiða atkvæði um framkvæmdir sem og ræða þau mál á jafnréttisgrundvelli svo ekki þurfi að koma til einræðistilburða að einhverra mati. Þar myndi ritstjórn einnig hafa óheftan aðgang og vera friðargæsla með því svæði.
Ég vona að hér eftir sem oft áður getum við lifað í sátt og samlyndi. Skoðanir manna eru misjafnar og við verðum öll að sætta okkur við það.

   (203 af 287)  
4/12/04 19:01

Frelsishetjan

Væl!

4/12/04 19:01

Golíat

Já á að fara að búa til reykmettuð bakherbergi til makks og einkavinavæðingar hér á lútnum?
Er ekki tilvalið að menn horfi aðeins á ketheimana og reyni að læra af þeim?

4/12/04 19:01

Júlía

Auðvitað ætti að hafa aukafriðargæsluliða á Baggalútíu. Legg til að Hakuchi og Hilmar Harðjaxl varakeisari taki það verkefni að sér. Þeir eru báðir hérna öllum stundum.
Annars er þetta óskapleg hysteria yfir engu - þráðurinn hans Gröndals er bráskemmtilegur og á fullt erindi hingað.

4/12/04 19:01

Hakuchi

Jámms. Ys og þys út af engu.

4/12/04 19:01

Vladimir Fuckov

Já, þetta er bara stormur í vatnsglasi, það er einmitt mjög gaman hjer núna af mörgum ástæðum. En það er rjett að það vantar varafriðargæsluliða í Baggalútíu og líst a.m.k. oss vel á þær tillögur er komið hafa fram í því sambandi.

4/12/04 19:01

Von Strandir

Auk þess legg ég til að formúluakstur verði bannaður!

4/12/04 19:01

Skabbi skrumari

Góðar tillögur og þörf umræða.. skál

4/12/04 19:01

Haraldur Austmann

Ég sé bara ekki að nokkur ófriður hafi verið á þessum þræði. Ef fólk ekki þolir eða vill lesa það sem er skrifað á einstökum þráðum, á það bara að líta framhjá þeim. Sé ekki þörfina á friðargæslu vegna þessa.

4/12/04 19:01

Skabbi skrumari

Jamm, líklega rétt hjá þér... ég las reyndar ekki þennan þráð fyrr en eftir að hann var lokaður, einfaldlega vegna þess að ég fer eitthvað minna á Baggalútíu svæðið en önnur svæði... en það er bara ég... ég hefði líklega bara horft framhjá þessu eða ruglað aðeins í þessu ef ég hefði tekið eftir honum í tíma... nú nenni ég því ekki...

4/12/04 19:01

hlewagastiR

Lítill sanda
lítilla sæva
lítil eru geð gæzluliða

4/12/04 19:01

Skabbi skrumari

Brosir tófa
broshýra skrugga
brosir oft vegna annars vanda

4/12/04 19:01

Smábaggi

Ég legg til að ég verði friðargæsluliði. Eða jafnvel yfirgæsluliði. Eða að mér yrði bara gefinn Baggalútur yfirhöfuð. Hvernig litist ykkur á <i>Smábaggi - eigandi ritstjórnar</i>?

4/12/04 19:02

Jóakim Aðalönd

Hvað sem öðru líður, mætti taka til fyrirmyndar fyrirkomulagið á leikjaþráðunum. Þar erum við Ívar og Sverfill 3 með lykla af 2 þráðum. Gera mætti slíkt hið sama við fleiri, til að auka líkurnar á því að einhver sé inni ef eitthvað óskemmtilegt á sér stað.

4/12/04 20:00

Skabbi skrumari

Þú meinar þið eruð þrír með tvö svæði... er það ekki?

4/12/04 20:00

Sverfill Bergmann

Hann meinar það jú...

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!