— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 3/12/04
Um Ríkisútvarpið

Mikið hefur verið ritað og rætt um hlutverk Ríkisútvarpsins upp á síðkastið og sitt sýnist hverjum. Sumir vilja selja, aðrir vilja hafa óbreytt og enn aðrir vilja breyta en samt leyfa ríkinu að eiga. Ég er sammála því að breyta þurfi rekstrinum á RÚV en það má alls ekki selja það einkaaðilum! Hvers vegna? jú, skoðun mín fer hér á eftir.

Ríkisútvarpið hefur mikilvægum skyldum að gegna. Fyrst ber að nefna öryggishlutverkið. Þegar þetta er nefnt þá fara andstæðingar Ríkisútvarpsins að tala um 17. júní 2000. Þá brást stofnunin öryggishlutverki sínu, hefur viðurkennt það og hafa hlutaðeigandi aðilar iðrast þess. Þegar fólk er beðið að nefna annað dæmi þá rekur það í rogastans og reynir að babla sig út úr umræðunni með því að segja „Er það ekki andskotans nóg?“ Nei! það er ekki nóg! Ríkisútvarpið hefur í gegnum áratugina látið vita af öllum hugsanlegum hamförum og óveðrum. Ég minnist þess að fyrsti aðilinn til að nefna snjóflóð á vestfjörðum 1995, hvort heldur var Flateyri eða Súðavík, þá var það Ríkisútvarpið sem flutti stöðugar fréttir frá nánast fyrstu stundu. Þeir sendu frétta- og myndatökumenn og tóku mjög faglega á málunum. Þegar snjóflóðið féll á Súðavík sendi Stöð 2 sinn mesta æsifréttamann á staðinn og hann var ótrúlega óforskammaður og frekur. Ríkisútvarpið tók á málunum af nærgætni og fagmennsku og hélt uppi stöðugu upplýsingaflæði.

Annað hlutverk Ríkisútvarpsins er að standa vörð um menninguna í landinu. Stofnunin hefur verið að sinna sínu hlutverki vel hvað það varðar. Á rás 1, rás 2 og í sjónvarpinu vil ég nefna nokkur atriði sem myndu hverfa ef Ríkisútvarpsins nyti ekki við.

Útvarpsleikrit
Lestur útvarpssögu
Klassísk tónlist af öllum toga
Sjónvarpsleikrit, gömul og ný
Íslensk popptónlist sem ekki er flutt eingöngu af Írafári eða Í svörtum fötum
popp- og rokktónlist sem hvergi annars staðar fær spilun
Gettu Betur
Vandaðir fréttaskýringaþættir
Spaugstofan
Myndir og sjónvarpsþættir frá öðrum löndum en enskumælandi löndum
og svo mætti lengi telja!

Á miðlum 365-ljósvakamiðla er eingöngu hugsað um að selja ákveðið efni til ákveðins markhóps, annað ekki. Ríkisútvarpið er hins vegar síst að hugsa um þá hlið málanna. Ef Ríkisútvarpið verður selt þá verður allt á sömu bókina lagt, allir hugsa um að þóknast markhópi og ekkert óvenjulegt má gera. Þá hverfur allt sem frumlegt getur talist úr okkar samfélagi og verður steingelt í eðli sínu. Viljum við það? Ég held ekki! Og okkar sérstæði í menningu og listum hverfur alveg.

Stöndum vörð um Rúv og leggjum hart að stjórnvöldum að efla hag þess og auka við úrvalið en að skera það niður.

   (214 af 287)  
3/12/04 23:01

Z. Natan Ó. Jónatanz

Heyr, heyr!

3/12/04 23:02

Jóakim Aðalönd

Jú, mikið rétt hjá þér Ívar minn, en það þarf samt að stinga á ýmsum kýlum.

4/12/04 00:00

Haraldur Austmann

Tökum bara BBC til fyrirmyndar. Þá verður þetta allt í lagi.

4/12/04 00:00

Ívar Sívertsen

Kýlin eru mörg en þau eru yfirstíganleg án sölu stofnunarinnar.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!