Riddarinn okkar kom með símaatssögu en ég ætla að segja frá einhverju sem ku vera satt.
Síminn hringdi á lögmannsstofu einni og ritarinn svaraði.
persónur: r= ritarinn s= símaröddin
r: jón, jón, jón og síra jón góðan dag
s: já, góðan dag er síra jón við?
r: nei, hann er nýlátinn.
s: þakka þér fyrir [leggur á]
þetta gekk svona þrisvar til fjórum sinnum á dag í nokkra daga. En svo kom þó að ritarinn fékk nóg og símtalið breyttist.
r; jón, jón, jón og síra jón góðan dag
s: já, góðan dag er síra...
r: Nei heyrðu nú mig! Nú ertu búinn að hringja hingað upp á hvern dag í nokkra daga og meira að segja nokkrum sinnum á dag! Ég er búinn að segja þér að mannfýlan er nýlátinn, farinn á vit feðranna, kominn sex fet oní jörðina, dauður, muerto, gestorben, död! Hann er látinn og verður ekki aftur við! Aldrei!
s: já, ég veit það... mér finnst bara svo gaman að heyra þig segja þetta...
Skemmtilegur símahrekkur við mjög (ó)viðeigandi aðstæður.
Herra ívar Sívertsen sagan mín er 100% sönn, alveg ótrúlegt af yður að gefa annað í skyn, í upphafi sögu yðar að því er virðist ekki til neins annars en að upphefja yður og sögu yðar á minn kostnað, það á einnig við um titil sögunar. Hvað gengur yður til ágæti herra, þetta er algjörlega óviðeigandi, og kennslubókardæmi um hverning á ekki að haga sér í mannlegum samskiptum. Vinsamlegast lagfærðu þetta.
ÉG gaf aldrei í skyn að þín væri ósönn. Ég hins vegar áréttaði að mín væri líklega sönn. Ég í raun kastaði meiri rýrð á trúverðugleika minnar sögu heldur þinnar með því að segja „ku vera sönn“ en ekki ER 100% SÖNN. Það fer fjarri að ég vilji upphefja mig á þinn kostnað og vil ég því biðja þig að hafa þig hægan og biðjast afsökunar ellegar hljóta bágt fyrir.
Svona hljómar þetta snúið upp á þig.
.
ívar okkar kom með athugasemdir en ég ætla að segja frá einhverju sem ku vera satt.
.
Vertu ekki með neitt barnalegt hótana bull Ívar, það er bara annað dæmi um hvernig á ekki að haga sér í mannlegum samskiptum.
.
Þetta er mín skoðun á þessu máli, svona les ég úr þessu, hef bent yður á það, beðið yður vinsamlegast að lagfæra það, og málið er dautt af minni hálfu.
Þetta mál er frá upphafi allt hið kjánalegasta. Ég gerði engar atlögur að því að þín saga væri ósönn Heiðglyrnir! Ég ítreka það ég meira að segja rýrði gildi minnar sögu. Þú virðist taka þetta mjög mikið inn á þig. Getir þú ekki staðið undir svona ágangi sem síður en svo hallar á þig þá ættir þú ekki að sækja vefi á borð við Gestapó og það viljum við ekki, allra síst ég. Ég legg til að þú hættir að svekkja þig á því að ég kom líka með góða sögu.
Heirið þið þarna tveir! Þið eruð alltof miklir heiðursmenn til þess að vera gera ykkur að svona miklum fíflum að óþörfu! - Ég er einn í fávitadeildinni og vil vera það áfram...
Riddarinn hefur við þetta að bæta, að hann sendi í framhaldi af uppákomu þessari sáttarboð m/ nánari útskýringum og afsökunarbeiðni til Ívars í einkapósti, því sáttarboði var tekið stórmannlega af hálfu Ívars, og er hann maður að meiri fyrir vikið, að áliti Riddarans. Ekki er Riddarinn að tala fyrir hans hönd heldur aðeins sína, þegar hann biður Baggalút velvirðingar á þessari uppákomu.
Í samfélagi eins og okkar hér á Baggalút er borin von að menn séu alltaf sammála og deilur geta risið, hafa gert og munu gera. Mestu skiptir þá bæði fyrir deiluaðila og samfélagið í heild, að deiluaðilar ali ekki á ósætti sínu, "sem að oft endar með óvild og beiskju, hvorki þeim er á ala eða öðrum til skemmtunar." Heldur taki á sínum málum og leysi þau eins og heiðursmenn.
Ívar er heiðursmaður, ekki erum við alltaf sammála en Riddarinn ber virðingu fyrir honum og því sem hann vill standa fyrir hér á Baggalút.
.
Við þá er komu hér að okkar deilum, vil ég segja, eins og oft áður kemur innræti manna í ljós þegar í harðbakkan slær. Hundingi, Nafni, Finngálkn og Jóakim þakka ykkur fyrir það.
Þakka þeim er hlýddu... góðar stundir! Já og ég vil líka þakka riddaranum þá hugleiðingu er hann sendi mér. Máske var þetta þörf framkvæmd og held ég að við getum þá a.m.k. skálað sáttir í Ákavíti ef við hittumst einhvern tíman í kjötheimum. SKÁL!