— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Gagnrýni - 2/11/03
Hjálmar og KK

Hreint stórkostlegir tónleikar í gærkveldi!

Ég fór á tónleika í gær.
Við fórum að sjá Reggaesveitina Hjálma og KK.
Það var gaman.

Svona hefði ég skrifað þegar ég var 8 ára. En núna segi ég: Djöööööfulli var hriiiiiiiikalega gaman á tónleikunum í gær! Hjálmar er eitt þéttasta band sem ég hef heyrt í lengi og KK viðbótin var ekkert slor. Fyrir hlé var prógrammið blanda af lögum Hjálma og KK en eftir hlé var hlutfallið hærra KK megin. Hjálmar eiga reyndar ekkert mörg lög en það safnast í sarpinn. Síðasta lag fyrir hlé var KK-lagið Englar himins grétu í dag og var þar um að ræða útgáfu sem gerði útgáfuna á plötunni að hjómi einu, slíkur var krafturinn! Í Hjálmum eru prýðis spilarar og greinilegt að engir viðvaningar á ferð. Að minnsta kosti tveir Hjálmanna eru úr Fálkum frá Keflavík en þó veit ég það að bassaleikarinn [sem hafði nánast samfarir við bassann sinn á sviðinu, þvílíkur var fílingurinn] er sænskur... og mikið djööööfulli var hann góður! Bakraddasöngkonan sem kom fram með þeim í gær minnir mig að heiti Esther Jökulsdóttir. Þar er á ferð alveg svakalega kraftmikil og góð söngkona. Hún átti eitt sólólag sem ég þekkti ekki en hún gerði það vel!

Í heildina var efnisskráin frekar hæg og því skapaðist þægileg stemmning meðal gesta. Einnig var talsvert um að lög væru lengd vegna gífurlegra einleikskafla þar sem tónlistarmennirnir sýndu hæfni sína. Á milli laga var ekkert verið að stressa sig viðað telja í næsta heldur var spjallað við gesti á gamansömum nótum og allt gekk fyrir sig meira eins og á æfingu en á tónleikum hvað það varðar en lögin voru vel flutt.

Sem sagt: Stórkostlegir tónleikar!

   (241 af 287)  
2/11/03 17:01

hundinginn

Ætti þetta ekki að flokkast undir gagnrýni Ívar minn, með stjörnugjöf og allt?

2/11/03 17:01

Ívar Sívertsen

Úps

2/11/03 17:01

Ívar Sívertsen

svona... búinn að laga

2/11/03 17:01

hundinginn

Það var nú gott. Treysti því að svona gerist ekki aftur.

2/11/03 17:01

Heiðglyrnir

Þessu var vont að missa af, er fyrirhugað framhald af þessum tónleikum Ívar minn, gaman væri að heyra um það og þá hvar, hvenær.

1/12/04 04:01

Trommudruslan

Svo skemmtilega vill til að í febrúar 2005 er vona á öðrum tónleikum með KK og Hjálmum. Nánari upplýsingar verður að finna á www.hjalmarmusi.com þegar nær dregur

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!