— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Dagbók - 10/12/05
Næstum gefið á kjaftinn

Helvítis jakkafataveiðimenn!

Ég fór í sakleysi mínu í verslunarmiðstöðina Fjörð í Hafnarfirði í dag. Þar rak ég augun í þrjá unga menn sem allir voru jakkafataklæddir, með neðstu töluna fráhneppta og bindið lafandi þar niður undan. Þeir gengu að öllum og spurðu hvort búið væri að ganga frá séreignarlífeyrisskuldbindingagreiðslupakkaeinhverju og reyndu svo að fá fólk í viðskipti við sig. Ég gekk nokkrum sinnum fram hjá og blessunarlega losnaði ég við þá þar til einu sinni þegar ég var að flýta mér (og það var í eina skiptið sem ég var að flýta mér) þá kom einn af þessum jakkafatasmábörnum að mér og spurði hvort ég kynnt mér eitthvað tengt þessu séreignarlífeyrisskuldbindingagreiðslupakkaeinhverju og ég sagðist hafa kynnt mér pirring fólks sem er ráðist á saklaust á göngum verslunarmiðstöðva. Hann gafst ekki upp og spurði hvort ég væri búin að ganga frá þessu séreignarlífeyrisskuldbindingagreiðslupakkaeinhverju og ég gargaði fúll JÁ! Ég get svarið það að eins friðsæll og ég er þá var ég að því kominn að reka þessum jakkafatasmábarnaaumingja einn duglegan á gúmmorenn... eða eins og við segjum hér á Íslandi þá var ég við það að heilsa honum að sjómannasið!

   (245 af 287)  
2/11/03 12:00

Nornin

Þeir læddust upp að mér í hagkaup um daginn helvískir og gerðu mér svo bilt við að ég öskraði á einn þeirra.
Ég held þeir séu útsendarar hins illa þessir menn.
Það á enginn að ganga í jakkafötum utan stórhátíðisdaga sértrúarsöfnuða.

2/11/03 12:00

Dillinger

Ég sá einu sinni svona drengi, en ég hljóp í burtu. Þannig ég slapp.

2/11/03 12:00

plebbin

"þá var ég að því kominn að reka þessum jakkafatasmábarnaaumingja einn duglegan á gúmmorenn.."

Þú ert svo ágætur Ívar

2/11/03 12:00

Vímus

Eitt ráð hefur oftast virkað vel hjá mér í þessari stöðu. Það líka óvenju skemmtilegt. Ég þykist hlusta örskamma stund en spyr svo skyndilega hvar fyrirtækið sé til húsa. Aha eruð þið þá hjá Securitas með gæslu? Á hvaða hæð er fyrirtækið? Hvað segirðu? 1. hæð. Er ekki rólegt þarna að næturlagi?

2/11/03 12:00

Vímus

Það fer að vísu oft lengri tími í þetta en færi í að svara spurningum þeirra, en það er ótrulega gaman að sjá gerfibrosið hverfa og vandræðasvipinn se tekur við
Geri þetta einungis þegar skapið er gott. Hin aðferðin sem er mun skjótvirkari er svona.
Haltu kjafti helvítis skítseiðið þitt. Bæjarleyfið mitt er útrunnið og mig langar til að gera eitthvað geðveikt.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!