Breytinga er þörf!
Eftir að hafa séð það sem gerðist í félagsritunum í dag þá er manni það ljóst að breytinga er þörf. Ákveðinn notandi hellir úr skálum fávisku sinnar og reiði yfir okkur saklausa notendur sem í makindum okkar erum að skemmta okkur sjálfum.
Ég ætla ekki að vera langorður en legg fram þá tillögu að sú breyting verði gerð að þegar notandi hefur náð ákveðnum fjölda innleggja þá öðlist hann rétt til að rita félagsrit.
Enn fremur legg ég það til eins og margir aðrir hafa orðið til að stinga upp á að friðargæsluliðar verði settir yfir félagsritin og þá tveir eða þrír og verði þeim þá heimilt að ritskoða félagsrit eða jafnvel eyða þeim.
Enn eitt sem ég hef til málanna að leggja og er það á þá lund að gerist menn brotlegir við almennar reglur hér á Baggalúti og jafnframt lög um meiðyrði eða níð að þá hafi friðargæsluliðar leyfi til þess að svipta menn ákveðnum fjölda bauna og réttinum til að rita félagsrit í ákveðinn tíma.
Mér finnst aðgerða þörf!
Ég er ekki viss um að ég sé sammála þér, Ívar. Ég hef séð margt ljótara en það sem Drýsildjöfullinn var að rita hér í dag. Fyrst og fremst kemur mér á óvart hversu duglegt fólk var að rífast við þennan amlóða, sem olli því að metfjöldi svara náðist við þessu umrædda félagsriti. Ef menn myndu bara hundsa svona sorglegt rugl þá væri þetta afar lítið vandamál.
Að það þurfi ákveðinn fjölda innleggja til að mega rita félagsrit er eigi lausn á þessu því þá er einfaldlega hægt að rita fjölda eins orðs innleggja. Sú hugmynd að hægt væri svipta einstaka gesti réttinum til að rita félagsrit er hinsvegar athyglisverð.
En stærsti gallinn við Ný félagsrit er að nú er hægt að setja hvaða sora sem er þar inn án þess að hægt sé að grípa inn í - eina leiðin í slíkum tilvikum er að hafa samband við ritstjórn.
Mér fannst flestir hundsa þetta á málefnalegan hátt hvort sem það var svar eða ekki.
Já, það er kannski góður punktur. Ég efast um að Drýsillinn muni endast þolinmæði í aðra svona syrpu.
En sú staðreynd að friðargæsluliðar geti ekki haft hemil á félagsritum er auðvitað í eðli sínu áhyggjuefni. Ég er sammála Vlad í því að endurskoðun í þeim efnum er nauðsynleg, almennt séð.
Hmm, hér á undan gerði ég beygingarvillu sem mér verður vonandi fyrirgefin. Skorturinn á möguleika á því að breyta athugasemdum við félagsrit er líka umkvörtunarefni.
Voðaleg viðkvæmni er þetta. Ég er alveg viss um að það er Enter sjálfur sem er þessi Drýsill.
Athyglisvert að þótt fyrirsögnin sé „Um félagsrit, notendur og baunir“ þá er hvergi minnst á baunir.
Eins og ég reit í fjórðu málsgrein „...þá hafi friðargæsluliðar leyfi til þess að svipta menn ákveðnum fjölda bauna...“
Jú, þar var talað um baunir.
Mér leiðist ógurlega að það sé alltaf verið að tengja orðin "viðkvæmni", "hörundsár" og "væmni" við það að maður vilji ekki þurfa að lesa leiðindi og skítkast. En hvortveggja er óumflýjanlegt þegar menn vaða uppi með óþverra og almenna ókurteisi. Eins og ég hef sagt annarsstaðar hér á Baggalút þá stend ég ekki í þessu til lengri tíma. Ég hef grun um að fjöldi heimsókna flestara á heimasíður snúist um hversu gaman þeim finnst að skoða þær. Skemmtanagildið hrynur niður þegar óþverrinn fær að njóta sín.
-
Margt til í mörgu hjá ykkur. Hins vegar verð ég að segja Ívar að það hafa engin meiðyrðalög verið brotin. Slíkt er erfitt að sanna og tekst sjaldnast auk þess sem hér var bara um að ræða illa uppfræddan krakkakjána sem er með tilgangslaust skítkast út í allt og alla. Hommi ! Hommi! eru ekki meiðyrði - það er bara heimska ! En það er rétt að félagsritin eru það fyrsta sem þeir sem hingað kíkja reka augun í - stundum kemur svona ósómi en svo kemur nú líka stundum óttalegt rugl og tilgangslaus félagsrit frá okkur sjálfum. Það væri gaman ef einhver tæki til í félagsritum þannig að einungis þau frambærilegri væru sýnileg ! Vil svo að lokum segjaað mér fannst viðkomandi kannski ekkert svo meiðandi - aðallega bara heimskulegur. En það verður spennandi að sjá hvort hann lætur sjá sig aftur...
ÉG ætla rétt að vona að þessi drýsildjöfull [eins og á að skrifa það] láti ekki sjá sig hér aftur.