— GESTAPÓ —
Í uppáhaldi:
Félagsrit:
Ívar Sívertsen
Friðargæsluliði.
Heiðursgestur og  skáldjöfur.
Pistlingur - 1/11/03
Miðlunartillaga

Hvað gera deiluaðilar nú?

Ég var að velta því fyrir mér í nótt hvað gæti falist í miðlunartillögu Ríkissáttasemjara. Einhver stakk upp á „Farið að vinna helvítis aumingjarnir ykkar, þið fáið hvort eð er ekkert meira“. Mér fannst þarna vegið full hart að kennurum. Það eru þarna ákveðnir menn sem virðast ekki þola hvorn annan og því ekki mikill samingsgrundvöllur fyrir hendi. Eiríkur kennari og svo þessi þarna með skeggið frá sveitarfélögunum komu fyrir all n0kkru í Kastljósið og ég er ekki frá því að það hafi hrímað all hressilega á milli þeirra. Umsjónarmaðurinn var kominn í kraftgalla og linsan á myndavélinni hélaði. Hvað getur miðlunartillaga Ása í Karphúsinu gert meira en að þvinga kennara til að fá minna en ráðgert var og þvinga sveitarfélögin til að fara enn meira á hausinn? Boltinn er, verður og hefur alltaf verið hjá ríkinu þar sem peningarnir til rekstrar grunnskóla koma þaðan. Við sem eigendur ríkisins eigum að rísa upp og láta í okkur heyra með það að skólarnir eigi að fá hærri fjárveitingar frá yfirvöldum! Það erum við sem höfum hag af því að börnin okkar fari í skóla. Höfum það hugfast að börnin okkar eru framtíðin og því ber okkur að uppfræða þau um lífsins gagn og nauðsynjar en ekki láta þau ganga sjálfala og reka sig á veggi! Ef Ási hefði ekki komið með þessa sáttatillögu þá hefði ástandið orðið líkt og maður sér í framtíðarmyndum frá ca. 1990 þar sem árið 2010 er allt orðið grátt og ógeðslegt eftir kjarnorkustyrjöld og glæpamenn réðu landinu. Reyndar eru það nú óttalegir glæpamenn sem ráða hér ríkjum en allt annars konar en þeir sem eru í bíómyndunum. Beitum kennara og sveitarfélög þrýstingi og krefjumst þess að þeir samþykki miðlunartillöguna. Við verðum nefnilega að hafa það hugfast að það þurfa báðir aðilar að samþykkja tillöguna til að hún verði að veruleika.

   (262 af 287)  
1/11/03 05:01

Þamban

Skóli. Bætur. Bjór.

1/11/03 05:01

Ívar Sívertsen

útskýrðu mál þitt nánar kæri þamban

1/11/03 05:01

Þamban

Rökrétt þróun mála.

1/11/03 05:01

Ívar Sívertsen

mér finnst þú vera að snúa út úr fyrir mér!

1/11/03 05:01

Vamban

Hlustaðu ekki á hann Ívar minn.

1/11/03 05:01

voff

Syngist við alþekkt lag um Stjörnusambandsstöðvar: ♪♪♪Hvenær munu, hér á Íslandi, koma kennsluvélmenni♪♪♪

1/11/03 06:01

Haraldur Austmann

Ég er alveg sammála þér, Ívar Sívertsen. Láttu svo útúrsnúninga smælingja sem vind um eyru þjóta.

Ívar Sívertsen:
  • Fæðing hér: 11/8/03 12:21
  • Síðast á ferli: 22/6/23 12:25
  • Innlegg: 12356
Eðli:
Ákaflega fagur ungur maður með mikinn metnað og kann sig á allan hátt. (hann lærði það á kvöldnámskeiði hjá Bréfaskóla SÍS)
Fræðasvið:
Ég veit allt, get allt og kann allt en fer rosalega leynt með það og kann að fela það vel.
Æviágrip:
[i]Fæddur að handraðanesi á sóðbrókarströnd í Ristilfirði. Lést skömmu síðar. Reis upp frá dauðum eftir korter og bað um brauð. Eftir það var ekki aftur snúið. Hann hefur síðan verið ánetjaður Baggalúti og virðist ekkert vera að skána.Hann fékk sér fæðingarblett á kinnina skömmu áður en hann lét taka hann af sér. Hann hló skömmu eftir það. Ívar hefur nú hafið búskap á Eyðibýli á Auðkúluheiði. Hann hefur aldrei verið við kvenmann kenndur en hann er all oft kenndur. Sívertsenættin hefur lýst hann útlægan og krafist þess að hann afsali sér ættarnafninu og taki upp nafnið Nestrevís en hann hefur margsinnis hafnað því. Ef þú ert að lesa þetta ennþá þá ert þú líklega jafn skemmdur og Ívar... ef ekki skemmdari barasta. Ertu enn að lesa? Nei nú læt ég leggja þig inn á geðdeild! Það er ekki heilbrigt að lesa svona langt! Viltu hætta þessu! HÆTTU SEGI ÉG!!! Ef þú ert enn að lesa og finnur ekki fyrri vott af þreytu þá skal því bætt við að þegar Gestapó var opnað í árdaga þá gerðist Ívar fastagestur hið snarasta. Hann hefur æ síðan verið einn virkasti gestapóinn og ritað mikið. Hins vegar er ljóst að hann kemur til með að auka viðveru sína á Gestapó á komandi árum því nú hefur hann komið sér í innivinnu við tölvu. Ertu enn að lesa þetta? ÉG held svei mér að þú ættir í alvöru að leita þér hjálpar. Ég er löngu hættur að lesa þetta... ég veit ekki einu sinni hvað stendur eftir línu þrjú. En hvað um það. Síðan hafa mörg vötn runnið til sjávar og eiginlega svo mikið að það er ekkert salt eftir í sjónum, það lagði á flótta upp í ár og stöðuvötn þannig að nú er sjórinn pakkfullur af ferskvatnsfiskum og ferskvatnshvölum. En það bar til um þessar mundir, að boð kom frá Megasi keisara, að skrásetja skyldi alla drykkina. Þetta var fyrsta skrásetningin og var gjörð þá er Gylfi Ægisson var blandstjóri í Stúdjó Sýrlandi. Fóru þá allir til að láta stjaksetja sig, hver til sinnar borgar. Þá fór og Rúnar Þór úr Litlu Hraunum frá Hótel Borg upp í Morgunblaðshús, til borgar Davíðs, sem heitir Hádegismóar, en hann var af ætt og kyni Davíðs,að láta skrásetja sig ásamt Maríu hjákonu sinni, sem var þung. En meðan þau voru þar, kom sá tími, er hún skyldi verða léttari. Ældi hún þá bjór sinn frumdrukkinn, sagði hann vondan og lagði hann í fötu, af því að eigi var romm handa þeim í gistihúsi. En í sömu byggð voru barþjónar úti í haga og gættu um nóttina drykkja sinna.Og vörður laganna stóð hjá þeim, og dýrð Áfengis ljómaði kringum þá. Þeir urðu mjög fullir, en löggimann sagði við þá: Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag afréttari færður, sem er Hristur og hrærðu, í Mogga Davíðs.Og hafið þetta til marks: Þér munuð finna gubb vont, lagt í fötu. Og í sömu svipan var með löggumanninum fjöldi himneskra hljómsveita, sem lofuðu stuð og sögðu: Dýrð sé stuði í Hádegismóum, og fiður á Davíð og mönnum sem hann hefur velþóknun á. Þannig hljóðar hið heilaga stuðspjall. Og þegiðu svo!