Þessa dagana hefi ég haft meira aðgengi að kassa þeim er við imba er kenndur. Það hefur haft þær afleitu hliðarverkanir að æ meiri tíma er eytt við fyrr nefndan kassa. Og það á kostnað gæðamiðla á við þennan.

Á þessu glápi hefur óneitanlega orðið vart við hve margir dagskrárliðir snúast um kynlíf.

"The L word" Ég hugsaði mér gott til glóðarinnar og hlakkaði til að horfa á málvöndunarprógam eða tungumálakenslu. En nei. Þarna var hvorki um málvöndunar þátt að ræða né tungumálakenslu, þótt að tungumál sé hátt skrifað í þessum þætti, að vísu á lægra plani en ég gerði ráð fyrir.

"Mile High" Ok... þurfti kanski ekki að koma mér á óvart, þar sem þetta er einnig nafn á "klúbbi"
Þetta er þáttur um "starfsfólk" flugfélags, en eins og svo margir þættir, þá er flugfélagið bara skálkaskjól. Minnir mig á ódýra klámmynd því söguþráðurinn er styttri en kynlífið hjá þeim.

"Nip/Tuck" Ég hélt að hér væri um að ræða fræðslumyndband um lýtaskuðlækningar. Það var að litlu leiti rétt. Visslega koma þær við sögu, en læknunum er þykir áríðandi að stunda náttúrunar glímutök við skjólstæðinga sína.

Þetta er bara brot af öllum dagskrárliðum sem eru í gangi, en af þessu að dæma selur kynlíf ágætlega. Greinilega er auðvelt að gera lélega þætti spennandi með því að krydda þá aðeins með holdi og réttum hreyfingum, já og á réttu "tungumáli".

Hvað með aðra þætti, nóg er af lélegum þáttum. Myndi smá kynlíf bæta þá (Þá á ég ekki við að stunda kynlíf í staðinn fyrir að horfa á þáttinn, sem er augljóslega betra) Það mætti velta því lengi fyrir sér, en ég ætla að sleppa því. Þess í stað eru hér nokkrir þættir sem ég held að kynlíf gæti ekki bjargað.
[listi]
[atriði]Innlit útlit. *hrollur* [/atriði]
[atriði]Bingó með Villa. [/atriði]
[atriði]Sirrý [/atriði]
[atriði]Lífsaugað [/atriði]
[atriði]Tvíhöfðafréttir [/atriði]
[/listi]