Hvað hefur nú drengurinn ég gert af mér í gær þegar ég slysaðist óvart til að klára 3 flöskur af kláravíni? Ég sá ekki betur en Sveinki væri með eina tylft af kartöflupokum og væri að burðast með þá alla í skóinn minn (sem ég geymi fram á gangi sökum eigin fótafnyks). Það er þó lán í óláni að nú þarf ég ekki að kaupa í matinn næsta mánuðinn. Írara gátu jú lifað á kartöflunum í marga ættliði svo ég ætti að geta það í nokkra mánuði. Ég verð líklega að gefa einhverjum illþefjandi eymingjanum, sem er nýbúinn að velta sér upp úr rusli gærdagsins, hangilærið mitt sem hugsað hafði ég til jólanna. Ég hengi það kannski upp í skammbitann handa honum Kjetkróki. Ekki læt ég kartöflurnar fara til spillis.
Annars finnst mér að Sveinki gæti nú alveg þvegið kartöflurnar fyrir mig og jafnvel skrælt þær eitthvað smávegis. Jafnvel væri vel þegið að ef hann léti smá kartöflumúsartetur leka í skóinn líka svona til að mýkja gangverkið í skónum.