Villi Vill er gamli góði ættarhöfðinginn, gamall í hettunni og meinar vel, en virðist vera illa haldinn af Alzheimer svo að allt snýst í höndunum á honum.
Dagur er klár strákur og sauðmeinlaust grey sem öllum vill vel, en ákvarðafælni og almennur þumbaháttur valda því að hann nær ekki að blómstra.
Góði sonurinn Gísli Marteinn á sér leyndarmál. Hann vill gera allt til að bola Villa föður sínum frá, en þó án þess að styggja nokkurn eða missa góðustrákastimpilinn.
Skuggahliðin á vonarstjörnunni Binga kemur betur í ljós með hverjum þætti og er hann nú einn sá hataðasti í seríunni.
Ólafur F. var jarðsettur í síðustu seríu. Nýlega kom í ljós að dauði hans var settur á svið og hann kemur nú tvíelfdur inn aftur.
Margrét var einu sinni önnur í fegurðarsamkeppni í smábæ, og lifir á fornri frægð. Hún er systir Ólafs, en við endurkomu hans verður hún líklega skrifuð úr þáttunum.
Svandís er tíkin sem öllu við ráða en enginn nennir að hlusta á.

Aðrir hafa minni hlutverkum að gegna, en eins og í öllum góðum sápum eru nýjar persónur stöðugt að koma og fara, án þess að við fáum rönd við reist. Viðhorfskannanir eru á 4 ára fresti þar sem allir sýna sínar bestu hliðar. Þegar niðurstöðurnar liggja fyrir er leiðinlegustu karakterunum er fleygt út og nýir koma í staðinn, en ekkert breytist í rauninni.
En ólíkt öðrum sápum er ekki nóg að slökkva bara á sjónvarpinu. Við þurfum að horfa upp á þessa vitleysu á hverjum degi það sem eftir er...