Svefn.... Himnesk sæla.... Algjör slökun.... Ljúfir draumar...........

RRRRRRRRRRRRIIIIIINNNNNNNG!!!! Það er kominn morgunn!
Morgunn! Hverjum datt þetta eiginlega í hug? Hvað gekk honum til?. Af hverju má ekki bara byrja daginn þegar það er kominn dagur?
Sumt fólk hefur náð að telja sjálfu sér trú um að á morgnana sé það ferskast. Að morgunninn sé besti tími dagsins. Þetta stenst að sjálfsögðu ekki, því morgunn er ekki dagur. Ef morgunninn væri dagur þá héti hann ekki morgunn heldur dagur! En burtséð frá því þá hef ég ekki ennþá séð nokkurn mann sem er ferskastur á morgnana. Eða hvað? Ef þeir sem keyra eins og fífl, úrillir, stressaðir, allt of seinir, á leið í vinnu sem þeir eiga að mæta í eldsnemma á morgnana (klukkan 9 eða jafnvel klukkan 8! (sumir á enn fáránlegri tímum!!!!)) eru ferskir, þá hef ég misskilið einhver hugtök. Varla teljast nemendurnir sem í þunglyndiskasti á morgnana sofna fram á borðin í skólanum mjög ferskir. Eða börnin sem eru dregin grátandi í leikskólann á morgnana! Hvers konar fíflagangur er þetta eiginlega?
Ég sé bara eina lausn á þessu: Afnemum morgnana, þennan sora sólarhringsins.

Ég þakka þeim sem hlýddu.

Skammkell