Það er engum vafa undirorpið að hér á Bagglúti er ekki þverfótað fyrir skáldum, sei sei nei. Reyndar held ég bara allir sem hér slá niður lyklum (í það minnsta þeir sem binda mál sitt í rím með stuðlum, höfuðstöfum og réttri stafsetningu) séu talandi skáld, hvorki meira né minna.

Skáld eru salt jarðar þótt sjaldan vinni þau fyrir salti í grautinn enda þolendur vanþakklætis og eineltis, háðs og spotts og lítillar sölu.

Ég lýsi yfir vanþóknun minni á árásum smámenna á skáldin okkar; megi þessi rætnu kvikindi hvergi þrífast.

Smámennin altsvo.