Mikið er ég sammála þér Haraldur.
Það er alveg ónýtt þegar er verið að skemma fyrir manni upplifun í sjónvarpi með artífartí tilþrifum.

Mér finnst alltaf þegar er verið að klippa viðtöl inn í lög í svona þáttum, að það sé verið að reyna að troða ofan í mig afgöngum sem áttu að gefa mér sýnishorn af hversu góð aðalmáltíðin var.

Og mikið vildi ég að það væri hægt að segja RÚV upp.

Mig langar að stofna Klezmer hljómsveit!

Þetta er náttúrulega svívirða... Skál Halli, það er ekkert við þessu að gera annað en að drekka sig út úr þessum vanda...

Það er rétt gamli. Skál!

Vjer sáum þetta og höfðum á tilfinningunni að verið væri að reyna að troða hallærislegri landkynningu inn í þátt þar sem slíkt passaði mjög illa. Bara eitt við þessu að gera... skál ! [Sýpur á fagurbláum drykk]

Drekkum okkur full. Skál!

Að skella íslenskri landkynningu með svona tónlist er eins og að skella bernessósu á súkkulaðitertu!

Skýringin hlýtur að vera skortur á einhvers konar leti eða fum. Hvern fjandann varðar mig um það? Svo sem allt í lagi. Maður sér Austmann fyrir sér sitjandi hálf skelkaðann úti í sófahorninu á meðan Klezmer Nova létu eins og góðglaðir vitleysingar í skólaferðalagi með nefið upp í hvers annars rassi. Fyrir utan Austmann og gimlé er ekki hægt að hugsa sér meiri jaðarhóp en Kvenfélag Sinfóníustjórnenda.

Hjartanlega er ég sammála þér, Haraldur.
Ég var hinsvegar svo heppinn að vera staddur á sjálfum tónleikunum í sumar, það var fjör. Furðulegt að þessu sé ekki sjónvarpað í heild sinni - einhvernveginn minnir mig að hvert einasta föstudags- & laugardagskveld sem ég er heimavið & ætla mér að líta í imbakassann, sé sýknt & heilagt verið að sýna drepleiðinlega popptónleika frá útlandinu.
Fyrst Rúv-ararnir voru á annaðborð mættir með tökuvélarnar á Klezmerkonsertinum, ættu þeir að geta lúskrast tilað nota efnið til annars en uppfyllingar í eitthvað ekkisens grafíkföndurhorn með hádújúlækÆslandGullfoss&Geysiskjaftæðisívafi.

Væri ekki ráð að bæta Bagglýtingum þetta upp og setja saman Klezmersveit fyrir árshátíðina?

Á hvað spilar þú Ívar minn?

ég get spilað á sjálfan mig... þ.e.a.s. ég þyki á stundum liðtækur söngmaður einnig hef ég slegið bassagítar mér til dægrastyttingar.