— GESTAPÓ —
Nykur
Nýgræðingur.
Saga - 9/12/04
Vegna ótrúlegs fjölda tilmæla, óska símtala o.þ.h.

Hef ég Nykur ákveðið að endurútgefa, nú nánast ófáanlega og hafið yfir alla gagnrýni félagsrit vort og tímamótaverk, ÁSTIR OG RAUNIR FORSÆTISRÁÐHERRANS Á NYKURVÖLLUM.

Ástir og raunir forsætisráðherrans á Nikurvöllum

Leikstjóri: Nikur
Aðalleikari: Nikur
Áhættuleikari fyrir Nikur: Mikill Hákon

Nikur-stelpur: Nikur
Áhættuleikari fyrir Nikur stelpur: Mikill Hákon

Framleiðandi Nikur/Kvikmindaakademía Baggalútíu

Þess má geta að tökur á Stórmindinni Ástir og raunir forsætisráðherrans á Nikurvöllum hófust í gær í og firir utan ráðherrabústaðinn Heiðmörk. Eftirfarandi er brot úr þessu ótrúlega dramatíska og dapurlega en jafnfram æsispennandi atriði.

[ Leia prinsessa hleipur niður stigann af tröppupallinum í áttina að hliðinu að ráðherrabústaðnum Heiðmörk. ]
Leia Prinsessa: Nikur bíddu eftir mér, bíddu eftir mér! Nikur!
[ Leia Prinsessa kemur hlaupandi í gegnum þokuna í átt að ráðherrabústaðnum. ]
Leia prinsessa: Nikur!
[ Leia prinsessa, móð og rjóð í kinnum, með tárin í augunum. ]
Leia prinsessa: Nikur!
[ Nikur snýr höfðinu og horfir á hana. Hún gengur í átt til hans. Útidyrahurðin er opin ]
Leia prinsessa: Nikur.
Nikur: Kom inn.
Leia Prinsessa: Nikur...
Nikur: Sirrí - hún er... [ (Leia prinsessa kinkar kolli) ] jæja...guð blessi hana. Hún er eina algóða manneskjan sem ég hef þekkt. Fín kona. Mjög svo fín kona. Svo hún er látin. Það kemur sér vel fyrir þig, er það ekki?
Leia prinsessa: Ó, hvernig getur þú látið svona útúr þér! Þú veist að mér þótti vænt um hana, í alvöru!
Nikur: Nei ég var grunlaus um það. En það reiknast þér þó til tekna, að þú kunnir að meta hana undir lokin.
Leia prinsessa: Auðvitað kunni ég að meta hana. Hún gaf sig að öllum nema sjálfri sér. Hennar síðustu orð voru um þig.
Nikur: Hvað sagði hún?
Leia prinsessa: Hún sagði vertu góð við Nikurinn, hann elskar þig svo heitt.
Nikur: Sagði hún eitthvað annað?
Leia prinsessa: Jú hún gerði það, hún sagði mér að skila því til þín að þér Nikur væruð fallegasti, gáfaðasti og jafnframt herðabreiðasti elskhugi sem hún hefði átt.
Nikur: Já mig grunaði það.
Leia prinsessa: Ég veit aðeins að ég elska bara þig.
Nikur: Það eru þín óheilindi.
[ Leia prinsessa stendur í andirinu og horfir upp stigann. Nikur gengur upp stigann. Leia prinsessa horfir á hann grátandi. ]
Leia prinsessa: Ó, Nikur.
[ Leia prinsessa, ennþá grátandi. ]
Leia prinsessa: Nikur!
[ Leia prinsessa: hleypur upp stigann. ]
Leia prinsessa: Nikur! Nikur!
[ Leia prinsessa kemur á æðandi siglingu inn í koníaksstofu ráðherrabústaðsins Heiðmörk, allir veggir eru viðarklæddir á sérlega smekklegan hátt og Cesterfield sófinn er mjög glæsilegur svona á miðju gólfinu. ]
Leia prinsessa: Nikur! Ef þú ferð, hvert skal ég fara? Hvað skal ég gjöra?

Nikur: Í hreinskilni, mín kæra, þá gef ég dauðann og djöfulinn í það.
[ Nikur fer út á svalir kveikir sér í cohiba vindli. Stekkur svo fram af svölunum sem eru á fjórðu hæð eins og ekkert sé og hverfur í þokuna. (áhættuatriði Mikill Hákon) ]

Þess má geta að allt atriðið var tekið upp í Teknókolor og skrifað er ég þjáðist að kvilla einum sem kenndur er við Dr. Zoiderg sem gerði mér illmögulegt að nota ypsilón, til allra hamingju er ég alveg komin ifir þetta í dag.

   (1 af 4)  
9/12/04 06:01

Gísli Eiríkur og Helgi

Shakespeare hentu þér í veggin.
Tær snild

9/12/04 06:01

Hakuchi

Þetta vekur upp gamlar og góðar minningar.

9/12/04 06:01

bauv

Humm. athyglisvert atriði, hugsa að ég geti tekið þetta uðð eftir að ég er búinn að klára myndinna.

9/12/04 06:01

Rósin

Er Nikur semsagt einhver annar en Nykur?

9/12/04 06:01

bauv

Sem sagt allt handritið er ég að tala um, með leyfi hjá Nykri ( Eftir að fá)

9/12/04 06:02

Vladimir Fuckov

Það þarf að semja fleiri handrit að ódauðlegum stórmyndum hjer á Gestapó [Ljómar upp]. Þetta vekur sannarlega upp skemmtilegar minningar frá árdögum Baggalútíu.

9/12/04 07:01

Hilmar Harðjaxl

Snilldarleg viðbót við fyrri skrif Nykur. Nú er stutt í tökur.

1/11/07 12:01

hvurslags

Hammó með rammó.

1/11/07 12:02

Álfelgur

Hammóramm!

1/11/08 12:00

Regína

Það er alltaf jafngaman að lesa þennan handritsbút.

Nykur:
  • Fæðing hér: 12/11/03 12:59
  • Síðast á ferli: 1/1/12 02:51
  • Innlegg: 0
Eðli:
Nykur er bæði í ám og stöðuvötnum og jafnvel á sjó. Hann er líkastur hesti að öllu skapnaðarlagi, oftast grár að lit, en þó stundum brúnn, og snúa allir hófarnir aftur, hófskeggin öfugt við það sem er á öðrum hestum; þó er hann alls ekki bundinn við þessi einkenni; hitt er honum eiginlegt að hann breyti sér snögglega á ýmsa vegu að eigin vild. Þegar sprungur koma í ísa á vetrardag verða þar af dunur miklar; segja menn þá að nykurinn hneggi. Hann kastar fyli eins og hestar, en allt í vatni, en þó hefur það borið við að hann hafi fyljað hross manna. Það er einkennilegt við alla þá hesta sem undan nykur eru að þeir leggjast niður hvort þeim er riðið eða þeir bera bagga yfir vatnsfall sem vætir kvið þeirra, og hafa þeir þá náttúru af nykrinum því hann heldur sig á landi við ár og vötn sem eru ill yfirferðar; er hann þá spakur og tælir menn til að ríða sér yfir. Þegar það hefur borið við að menn hafi farið honum á bak hleypur hann óðar út í vatnið og leggst þar og dregur þá með sér, er á honum sitja, niður í vatnið. Ekki þolir nykur að heyra nafn sitt eða nokkurt orð er því líkist, þá tekur hann viðbragð og hleypur í vatnið.
Fræðasvið:
Kvikmyndagerð, Hlöðuvíkurdraugurinn, bjarndýr, Suður-amerískir dansar.
Æviágrip:
F. Í Kumburtjörn hjá Skarði undir Skarðsfjalli í Landsveitá 1. nóv. 1868, For.: Grár graðhestur frá Kumburtjörn (f. 1. sept. 1835, d. 20. feb.1905) og Guðrún Jónsdóttir (f. 9. apríl 1848, d. 1. nóv. 1868) húsmóðir að Skarði undir Skarðsfjalli í Landsveitá. Ólst upp bæði að Skarði og í Kumburtjörn. Fór utan til náms og las tvo áfanga um farfugla í Hafnarháskóla 1884-88 en tók ekki próf. Var við verklegt nám í gróðrarstöðinni Alaska vorið 1889. Lauk stúdentsprófi úr Frúarskólanum í Kaupmannahöfn 1892. Gerðist 1. maí 1892 lögregluþjónn í NUUK, Grænlandi. Varafulltrúi fulltrúa bæjarfógetans í Reykjavík 1893. Sýslumaður í Suður-Mýrarsýslu 1894—1911, sat á Eskifirði þar til Eskifjörður gafst upp og gegndi þá um hríð stöðu umboðsmanns erlends tryggingafélags nóv. 1912 — des. 1912 í báðum Mýrarsýslum. Fluttist til Reykjavíkur og varð yfirburðamálaflutningsmaður fyrstur sinnar tegundar og "laungu á undan sumum" (1913) jafnframt því að vera formaður Félags róttækra stúdenta og erindreki í Fjárkláðamálinu mikla 1913—1939. Fararstjóri í för föðurbróðurs stjúpsystur Friðriks konungs VIII austur í sveitir (1915). Ræðismaður Páskaeyja frá jún. 1916 - okt. 1916 eða þartil eyjan brann til kaldra kola í miklum sinubruna 1916. Samdi ferðabók (yfir Páskaeyju og niður hinum megin) (1919).: Þar sem hann kom m.a. með þá umdeildu og fyrir margar sakir stórmerkilegu kenningu að hinar margrómuðu styttur eyjarinnar væru í raun stór útigrill, sannaði hann næstum tilgátu sína á eftirminnanlegan hátt haustið 1916 þegar hann gerði tilraun til að heilgrilla nautskrokk í einni af styttunum. Á árunum 1918-68 gerðist hann mikill talsmaður Esperantó og samdi m.a. margar esperantóorðabækur, m. a. Esperantó til lestrar í heimahúsum og Esperantó og þú. Samdi rit á ensku um mikilvægi norrænnar tungu sem aldrei var gefin út (1968) "Vegna skrópagemlinga, afturhaldssinna og helvítis hálfvita hjá Almenna Bókafjelaginu" Að sögn höfundar. Skrifaði bókina Nykur og aðrir síður þekktari samtíðarmenn hans (1968). Kosinn 1969 í neyðarráðstafananefnd vegna Stóra karftöflusvindlsins sem varð til þess að þáverandi Forseti Íþróttasambands Íslands og Skátahöfðingi Íslands þurftu að segja af sér embættum. Um hann er bókin (Býr Nykur hér) eftir Hannes H. Gissurarson (1995) Skrifaði handrit að, lék í og leikstýrði stórmyndinni og epísku þjóðfélagsádeilunni, sem var í senn hádramatísk og afarspennandi erótísk ástarsaga með gamansömu ívafi á rólegu nótunum: Ástir og raunir forsætisráðherrans á Nikurvöllum.(2004) Tók við embætti Forsætisráðherra Baggalútíu eftir byltinguna (2003) og gegnir því starfi til æviloka.