Besta bensínverðið í bænum! Aðeins 163 kr. lítrinn*. Hlebbaolía.

Ódýrustu 18" pizzurnar í bænum! Aðeins 800 kr.** Heimsending innifalin.*** Hlebbapizzur.

Bónum bílinn þinn fyrir aðeins 900 kr! **** Hlebbabón.

Ódýrasta ADSL-tengingin. 16Mb á sekúndu fyrir aðleins 7190kr. ***** á mánuði. Hlebbasími.

* Allt að því einn lítri við bestu skilyrði þegar lítið er að gera en að öllu jöfnu þetta 40-200 ml fyrir hverjar 163 kr.

** Allt það því 18 tommur fyrir 800 kallinn við bestu skilyrði þegar lítið er að gera en að öllu jöfnu þetta 3-5 tommur, yfirleitt íbitnar. Verðið er samt kr. 800.

*** Keyrum pizzuna allt að því heim til þín við bestu skilyrði þegar lítið er að gera en að öllu jöfnu skutlum við henni eitthvað áleiðis, t.d. út á næstu strætóstoppistöð. Samt innifalið!

**** Bónum allt að því allan bílinn við bestu skilyrði þegar lítið er að gera en að öllu jöfnu bara annað frambrettið og stundum líka húddið. Verðið er samt alltaf kr. 900.

***** Hraði allt að því 16Mb/sek við bestu skilyrði þegar lítið er að gera. Hins vegar er alltaf brjálað að gera og hraðinn hefur aldrei í sögu fyrirtækisins farið yfir 0,7Mb/sek. Oftast er hann þó 0,3Mb/sek, en hei! það eru 300.000 baud og það hefði nú einhvern tímann þótt gott! Ég á t.d. gamalt módem niðri í geymslu sem er bara 14.400baud. Reyndar dettur hraðinn okkar oft niður fyrir það þegar mest er að gera. Þú getur samt alltaf stólað á verðið, það er alveg ósvikið sko, kr. 7.190 á mánuði.