Þetta er frábært kvæði um þennan góða vin minn!
Hafðu þökk fyrir þetta Hlégestur!!

Já, ég sé að þetta var merkismaður, Er hægt að ná sambandi við hann með tímavjelinni?

Ljúfur jafnan leysti brot,
löngum fann hver átti skot.
Dugmikinn þó dró í þrot,
Derrick jetzt ist selber tot.

Er Hlebbi byrjaður að evrópuvæðast? Ég hafði líka gaman af Derrick

Detti mér allar dauðar lýs úr höfði! Þetta er sorgarfregn.

Derrick deyr aldrei. Ekkert frekar en Elvis eða Chuck Norris. Ég neita öðru!

[Brestur í grát]

Ég vildi óska að ég gæti ort.

Ach! Au weia! Wer ins ganze Welt kann jetzt die angreifungswikinger fangen und zum hinrechtung bringen?

Ég sendi fjölskyldu hans og Fritz Wepper mínar samúðarkveðjur. Derrick var af gamla skólanum og leysti málin með hyggjuvitinu ekki með einhverjum flóknum tækjabúnaði og þessháttar. Hsnn var mest töff löggukall veraldar.

heh, ég sá hann meira segja einu sinni í eigin persónu á Geysi.
Hafði ágætt gaman af Derrick, sérstaklega þegar ég var að basla við að læra þýsku í Fjölbraut. Derrick hjálpaði mér mikið þar.

Þetta er brilliant. Nú hló ég upphátt.

[fellir tár]

Sorglegar fréttir... en frábært kvæði til minningar um þennan merka mann... salút

Þökk sé þér Hlebbi, þú mælir fyrir munn okkar allra, Íslendinga.

Að hætti sannra Bagglýtinga hefur þú með þessu dýra erfiljóði, reist hinum mikla meistara óbrotgjarnan minnisvarða sem hvorki mölur og ryð fá nokkru sinni grandað. Haf þökk fyrir hlewagastiR

Þakka öllum góð orð og þó einkum Regínu fyrir frábæra viðbót. Ef einhverjir fleiri vilja bæta við vísum til heiðurs höfðingjanum þá má gjarna lauma þeim í orðabelg, helst samt undir sama bragarhætti svo að vel fari á safninu sé það flutt sem flokkur.

Vel eru hér orkt eftirmæli um sannkallað stórmenni. Derrick var löggan sem allar aðrar löggur þrá að verða. Maðurinn sem leysti málin með hyggjuvitið eitt að vopni. Nú er hann gegninn á vit feðra sinna og eftir sitjum við og söknum hetju í stað. Hafðu þökk fyrir framtak þitt, Hlégestur.

Aldrei birtist aftur hann
sem allar gátur leysa kann
og glæpona í fjöru fann
auf Friedhof liegt der grosse Mann.

á ég að skilja þetta sem svo að Horst Tappert sé látinn?

Mér finnst fyrstu 3 línur vísnanna skemmtilegar, en finnst eins og ég sé að missa af einhverju í 4 línu þeirra, hvar eitthvað ókennilegt mál er notað.

Derrick! Alþjóð dáði hann!
Dáðasnáði var með sann!
Vísur um hann kveða kann!
Klugheit beschreibt diesen mann!

Krossgata, án þýskukunnáttu ætla ég að þýða:
Ofurmenni og stórmeistari
Hafði handsamað Zimmer
Glæpa(rannsóknar)lögreglumaðurinn
Lítil ein næturmúsík
Áttu Móseld(dals)vín?
Snapps, var hans síðasta orð
Regínukvæði:
Derrick nú er sjálfur dauður
Vatne:
Í Friedhof liggur sá stóri maður
Gúndi:
Klókheit einkenndu þennan mann.
(með fyrirvara um misskilning)

Kífinn: Hat das Zimmer bettlaken er upp úr heimskulegum frasalista fyrir ferðamenn. Það þýðir: er þetta herbergi með sængurfötum.

Kífinn: Friedhof er kirkjugarður þannig að lína Vatnes þýðir:
Í kirkjugarði liggur hinn stóri (mikli) maður.

Ja hérna, Texi, þetta vissi ég ekki. Það háir manni verulega við að semja þýskhendur að kunna um það bil ekkert í þýsku og burðaðist þó Arndís mín Björnsdóttir sællar minningar við að kenna mér það fjóra vetur í röð. Margt man ég eftirminnilegt úr þeim tímum - nema þýskuna. Ég held ég hafi lært meira á kvöldstundarbroti í vetur hjá þeim Galdra og Zimmermann á opinberum Lystarhittingi heldur fámennum.

Ég sem hélt að hann væri löngu dáinn.

Derrick er órjúfanlegur hluti af æskuminningum mínum ... [Þerrar tár úr auga]

Derrick greip glæpa-Larrý,
því gólfinu heyrð'ann marr'í
(á meðan hann mallaði karrí)
mittlerweile, was tut Harry?

Vá! Þetta eru einkar góðar vísur hjá þér hlewagastiR. Mikið væri gaman að geta kveðið svona.

Farinn er veraldar vegs,
vitrænn maður laus við pex.
Mér kyrfilega í augum vex
Kommissar Rex.

Sakamálin leysti' af list
löggumann, sem þekkti Krist.
Góðan höfum gæðing misst.
Guter Mann gestorben ist.

Elsku Guð, hvað get ég sagt,
gráan slæ ég sorgartakt.
Spyrjum þann, sem var á vakt:
Wer hat Derrick umgebracht??

Á mig komið er nú fát,
eru mínar vísur mát?
Einsemdin er óréttlát.
<óstöðvandi brast í grát>

Vísnabálkurinn ásamt úrvali úr orðabelgjum er í vísnahorni moggans í dag. <Íhugar að hætta við að segja upp mogganum>