Merkir atburðir hafa nú gerst í okkar góða sæluríki. Í ljós hefur komið að konungur vor, Hakuchi, og heiðurskvinnan Feministi eru í raun ein og sama veran. Þannig er Hakuchi innst inni óþreytandi talsmaður kvenréttinda og aukins jafnréttis en Feministinn argasta karlremba, ef að er gáð.

Önnur og óhugnanlegri skýring á samruna þeirra (sem sjá má í Coke umræðunni á Nýals-þræðinum) er sú, að hinn nýi Baggalútur byggi á ótraustum undirstöðum. Óprúttnir tölvuþrjótar gætu nýtt sér glufur í systeminu og hrært okkur öllum í einn ólystugan graut.

Blástakkur verður besti vinur barnanna, Frelsishetjan forðast alla áreitni, Vamban verður að óspennandi afdaladurg, Vladimir að vitgrönnum gelgjupésa, Skabbi ófriðarseggur og Barbie afhuga Dio sínum. Verum á varðbergi og verndum okkar innri mann, öll sem eitt!