Baggalútur

— GESTAPÓ —

Félagsrit:

Mikill Hákon

Óbreyttur gestur og skriffinnur.

Dagbók - 2/12/04

Skylmingaþrælar nútímans

Ógeðfellt.

Við búum í mjög andlegum heimi. Vinna margra er einungis andleg áreynsla, fólk rökræðir frekar en að slást, menn brjóta hvern annan niður með orðum en ekki vopnum.
Nú er komið að því að við tökum 32 manns, hendum þeim á eyðieyju og látum þau brjóta hvort annað niður andlega til þess að vera þau einu eftir á eyjunni á meðan við sitjum heima - hlæjandi.
Þetta minnir mann afar mikið á ákveðna staði sem notaðir voru á svipaðan hátt á tímum Rómverja. Þar voru mismunandi mörgum mönnum hent inn á leikvang og þeir látnir berjast til dauða meðan múgurinn sat uppi í stúku - hlæjandi. Þetta var hin mesta skemmtun, enda snerist heimurinn meira um líkamleg átök.

Ég spyr ykkur, lesendur góðir, hvar þið finnið mun í þessu. Skylmingaþrælarnir sem fóru í Colosseum í forðum fóru þangað flestir sjálfviljugir í tvö ár og komu svo úr þessu (ef þeir lifðu af), afar vinsælir og brátt afar ríkir. Fólkið sem fer í raunveruleikaþættina fer þangað sjálfviljugt og kemur svo hlaðið peningum og vinsældum til baka (ef það hefur ekki misst vitið eða alla virðingu)
Skylmingaleikarnir í Colosseum samræmast raunveruleikaþáttum nútímans algerlega miðað við hvernig heimurinn hefur breyst.

(4 af 58)

2/12/04 02:02

Limbri

Heyr heyr, og ég vil meira af þessu. Enda er ég sálarlaus skepna sem ber ekki virðingu fyrir tilfinningum annara.

Colosseum á hvert heimili !

2/12/04 03:00

Heiðglyrnir

Athygliverður samanburður Herra Mikill Hákon, eða eigum við að hafa það Mestur Hákon svo ekkert fari á milli mála, fínn pistill.

2/12/04 03:00

Kuggz

Þarna lékstu af þér herra Hákon. Það var nefninlega ekki algengt að menn létu lífið í Colosseum eða á öðrum slíkum völlum. Það voru helst til þeir allra aumingjalegustu sem múgurinn sá ekki ástæðu til að púkka uppá sem sukku í sandinn í den. Hvað varðar svona raunveruleikasjónvarp, erum vér hér í evrópu ásamt norður-ameríku öld á eftir Jöppunum, þeir kunna þetta.

2/12/04 03:00

Lómagnúpur

Einar, mágur Lóu systurdóttur Bessa múrara, kann að skeina tapírum með olnbogunum. Já, hann kann þetta hann Einar.

2/12/04 03:01

Mikill Hákon

Kuggz, ég sagði aldrei að það hafi verið algengt að þeir hafi látist.
Þarna lékst þú af þér, Kuggz.

2/12/04 03:01

feministi

Merkilegt nokk, ég er sammála þér Hákon.

2/12/04 03:01

Kuggz

Jæja, svo vitnað sé í því "(ef þeir lifðu af)" herra Hákon... rétt væri að segja "(ef þeir lifðu ekki af)", þar sem það var undantekningin á reglunni. Skák... herra Hákon... skák.

2/12/04 03:01

litlanorn

sammála. manneskjan hefur gaman af því að sjá fólk berjast fyrir "lífi " sínu, hvort heldur sem er í hasarkvikmyndum eða raunveruleikasjónvarpinu . ég játa á mig áhorf á nokkra slíka þætti.

2/12/04 04:00

Z. Natan Ó. Jónatanz

Ekki svo galin hugleiðing.

Mikill Hákon:

Fæðing hér: 8/8/03 20:07
Síðast á ferli: 25/6/09 11:12
Innlegg: 97

Eðli:

Ógeðslegur maður.

Fræðasvið:

Keisurun, Fuglaskoðun

Æviágrip:

Fæddist sextugur að aldri, gerðist einn af upphafsmönnum Baggalútíu sem tók völdin í Alþingishúsinu seinnihluta ársins 2003 og hefur síðan háð margar styrjaldir til þess að þóknast þeim réttlátu.Var nýlega sleppt af brjáluðum lækni sem hélt honum föngum á ofskynjunarlyfjum.