Gamall Borglingur ? Hvað er Borgarholtsskóli gamall ? Vertu ekki svona neikvæður, "bakþankar" eru ekki fréttir heldur skoðanir, þetta eru eiginlega blogg blaðamans.
Auðvitað er bjánalegt að mæra sitt lið í dagblaði en fólk lítur upp til MR, það er vissulega merkilegt að leggja þá. En ég held ekki að nokkur maður haldi að Borgarholtsskóli sé að fara að taka við sem besti skóli landsins.

ÁFRAM MR.

-

Þegar ég tala um gamall Borglingur er ég að meina að hún hafi væntanlega verið í Borgó og sé útskrifuð.
Svo skrifaði ég þennan pistil með það í huga að þetta væru "Bakþankar" en ekki frétt. Þetta er engu að síður óúthugsað, barnalegt þvaður að mínu mati.

Þú átt bara vera ánægður með þessa kjaftaþv ælu í kellingunni og halda kúlinu, það hlaut að koma að þessu.

MR-ingar eru VÍST snobbaðir. Ég þekki ófáa og get sagt þetta með góðri sannfæringu. Það er ekki þar með sagt að það sé slæmt. Menntasnobb þarf ekki að vera af hinu illa, elsku Hákon.

En það er gaman að Borgó hafi unnið MR. Vegna þess að endalaus sigurganga eins skóla er bara leiðinleg.
Eftir margra ára sigurgöngu MA, hérna fyrir margt löngu, var gaman að sjá aðra fá hljóðnemann í hendurnar. Ég segi þetta en er samt að norðan og ætti þar með að halda með mínum mönnum!
Ég vil persónulega frekar sjá "litla" skóla vinna, því þeir fá oft ómaklega útreið í samanburði við "stóru" nöfnin eins og MA, MR og Verzló. Það er gaman fyrir þá að vera góðir á einhverju sviði því það er mjög oft talað um mismunandi gæði náms í skólum og koma skólar eins og VMA, FE, Borgó, FB og jafn vel FÁ alltaf verr út en þessir gömlu, grónu skólar.

En ég held líka alltaf með minni máttar...

Elsku Hákon, ekki vera svona uppstökkur kæri vin.
Ég get hvergi lesið út úr þessu að manneskjan hafi verið í Borgó. Ég les þetta líka meira sem ádeilu á almennar skoðanir í samfélaginu en ekki endilega beinharðar skoðanir höfundarins. Er ég kannski að lesa of mikið á milli línanna???
En eins og ég segi, ég efast um að höfundurinn hafi verið í Borgó, þetta gæti þess vegna allt eins hafa verið skrifað af mér, gömlum MH-ingi... Svei mér alla daga, ef félagsritið þitt er bara ekki besta dæmið um hörundsæri MR-inga... Nei í alvöru Hákon minn, við skulum elska friðinn og strjúka kviðinn, burt með þennan ríg.

Ég sé ekki að verið sé að upphefja Borgó heldur les ég út úr þessu að Þorbjörg sé löngu búin að viðurkenna yfirburði MR-inga, á þessu sviði sem öðrum.
Fyrst það gildir ekki lengur hlýtur eitthvað mikið að vera í gangi - þjóðfélagið að breytast og allt það...

Hexia, ég skil ekki hvernig þú sérð hörundsæri út úr þessu. Það eina sem fer í taugarnar á mér er að þegar Borgó vinnur (loksins) MR, þá þruma allir fingrum sínum að næsta MR-ingi og segja honum að "núna geti hann sko hætt þessu menntasnobbi" þegar það var ekkert fyrir. Hún setur MR líka í flokk með gömlum gildum, komin langt fram yfir síðasta söludag einungis vegna þess að Borgó náði að sigra MR-inga.

Er fólk ekki að bregðast aðeins of harkalega við?

Ég held ekki. Ég held að MR sé ennþá lang besta menntastofnun á framhaldsskólastigi (ég gekk ekki í MR) og því er mikill áfangi að sigra þá.

Varðandi snobbið þá held ég að menn séu svolítið að horfa yfir gleraugun ef þeir þykjast ekki kannast við að mjög margir sem ganga í MR líta oft á tíðum stórt á sig í samanburði við margar aðra (t.d. þá sem ganga í Iðnskólann).

LIFI MR.

-

Sammála Limbra. Ég gekk ekki í MR, en það er og var samt bezti framhaldsskóli landsins, eftir því sem ég bezt veit. Með eða án snobbs.

Hver þykir sinn fífill fagur

Ég er ekki sammála því að MR „sé“ besti skóli landsins. Hann er bara gamalgróinn og það sækja margir námshestar utan hverfis í hann hefðarinnar vegna. Ég er líka algerlega ósammála Hákoni um að fólk sé að þruma þetta bara af því að MR tapaði. Fólk er að þruma þetta af því að það er gaman að sjá að einn allra yngsti skóli landsins skuli vera kominn með jafn gott lið og raun ber vitni. Ég fletti upp í morgunblöðum frá því fyrir nokkrum árum og staðfesti grun minn um að Örvar Gröndal nokkur hefði skrifað grein sem lagði til að MR yrði vikið úr keppni sökum yfirburða sinna. Það taldi ég alltaf rangt og ósanngjarnt en við þessi skrif Örvars lagðist MR á hvolf og fór að rífast og skammast. Ég bar þetta undir vin minn sem eitt sinn var í MR og fylgist með vef Framtíðarinnar og sagði hann mér að vefurinn hefði snúist um þetta all lengi. Seinna kom á daginn að þessi Örvar var víst ekki til og MR-ingar drulluðu eftirminnilega í skóna sína með því að æsa sig yfir einhverjum fábjána sem var augljóslega að reyna að kveikja bál! Þessir bakþankar í Fréttablaðinu eru mjög skemmtilegir og byggja á sagnfræðilegum heimildum. Davíð Oddson, Steingrímur Hermannsson, Vigdís Finnbogadóttir og líklega Steinunn Valdís borgarstýra gengu öll í MR og sjáum hvar þau eru í dag, núverandi eða fyrrverandi leiðtogar á landinu. Hún Þorbjörg var líka að velta því upp á svolítið íronískum og jafnframt gamansömum nótum að kannski hafi Borgó tekið við sem leiðtogaskólinn. Það sem Hákon var að gera núna er nákvæmlega það sama og gerðist hér um árið þegar Örvar Gröndal skrifaði grein sína, gera óþarfa mál úr eilitlum vangaveltum. Hákon, ég gekk í MH og Iðnskólann. Mér er hlýrra til MH en ég brjálast ekki ef MH tapar í gettu betur eða öðrum bezzerwizzerasportum.

Limbri: greindi ég það að þú værir að tala um Iðnskólann í niðrandi merkingu með því að tala um að iðnskólanemar líta ekki stórt á sig? Ég ætla rétt að vona ekki. Sem dæmi má nefna –til glöggvunar og til að koma í veg fyrir Iðnskólafordómana sem viðgengist hafa allt of lengi– að sveinspróf í iðngreinum er mikið hærra skrifuð utan Íslands heldur en stúdentsprófið. Það hefur hins vegar alltaf verið viðtekinn hugsunarháttur hérlendis að Iðnskólinn sé annars flokks skóli. Frekari umfjöllun um þetta bíður fjelaxrits.

En spennandi spjall.

Ívar : Margir góðir vinir mínir hafa farið í Iðnskólan, systir mín einnig. Ég sjálfur geng í Tækniháskóla núna. Það að þú teljir að ég líti niður á iðnmentun tek ég inn á mig og sárna. Ég var aftur á móti að segja að ég hafi þá skoðun að vissir MR-ingar líti niður á Iðnskólafólk. Ég sagði ekki að sjálfsálit MR-inga væri sterkara en þeirra í Iðnskólanum. Ég sagði að það beindist að vissu leiti í að gera lítið úr öðrum í stað þess að líta stórt á sjálfan sig. Á meðan t.d. Iðnskólafólk reynir frekar að bæta sjálfa sig í stað þess að "ráðast" að öðrum.

Ef þessar útskýringar eru nógu skýrar kemur félagsrit bráðlega.

-

Eins og kom fram Limbri þá var þetta einungis spurning en ekki fullyrðing og því tel ég útskýringu þína fullnægjandi. En álit fólks á Iðnskólanum er ennþá á þennan veg, því miður!

Hákon, vorum við örugglega að lesa sömu grein? *klórar sér í höfðinu* Ég sá allavega engan fingur sem var þrumað að MR-ingum, og enn síður að þeim væri sagt að hætta einhverju menntasnobbi. *klórar sér enn meira...*

Nei, punkturinn er sá að MR-ingar eru alls ekki eins sárir og margir halda. Hinsvegar virðast margir halda það og hún Þorbjörg virðist reyna að velta sér upp úr því.

Það að MR-ingar eru sárir yfir því að aðrir haldi þá sára bendir til þess að þeir (MR-ingar) séu sárir án þess að vita það.

hmm... Góður punktur.