Mikið guðslifandi er ég feginn yfir því að þetta jólalagasession sé yfirstaðið. Það munaði minnstu að ég missti vitið.
Jólalögin í ár voru eins og við mátti búast - hvert öðru lélegra. Birgitta Haukdal lét ekki á sér standa og dillaði sér og sönglaði í Kringlunni við gamalt jólalag. Það er svosem hægt að segja að Jón Sigurðsson, fyrrv. Idol api, hafi komið með jóladisk sem var hrein kvöl að hlusta á. Hrein kvöl.
Mér þótti þó undarlegt að stjörnuhrap ársins, Kalli Bjarni, hafi ekki komið með jólalag. Kannski er hann að reyna að bæta sig. Gott hjá honum.
Jólalögin í heildina litið voru öll skelfileg, utan við eitt sem kallað er "Betlehlemm" sem kreisti fram bros hjá mér - og eilítinn jólaanda.
Jólalagasmíðar virðast vera staðnaðar. Þessir söngvarar syngja bara þessi 20 ára gömlu lög sem hafa komið út 20 sinnum áður. Það er eitthvað mikið að. Ég gef þessum jólalögum 1 stjörnu, og það er fyrir "Betlehlemm".