ég vil geta breytt fólki
ég vildi að það hætti að keppast
að það hægði á
væri laust við reiði - án gremju
ég vildi að fólk gæti elskað sig skilyrðislaust
að því þætti jafn vænt um annarra framgang og því þykir um sinn
að því væri hreinlega og algerlega ómögulegt að skaða aðra
að það kæmi fram við hvort annað af virðingu, auðmýkt og einlægni
að fólk ætti sig ekki sjálft, heldur einungis alla aðra
án kvíða og ótta
án vangaveltna um rétt og rangt
án ásakana
án blygðunar og án dóma
engin biturð
engin brot
aldrei sorg
óflekkuð ást
engin samviska -
ég óska þess að fólk væri hlæjandi innantómar plastskeljar,
sykurhúðaðar og með óendanlega ábyrgð
ilmandi með glimmeraugu og "push here" takka
til að fá stafrænan gleðihlátur
laust við kaldhæðni
laust við tvíræðni
án neikvæðni og niðurrifs
án hræsni, án tvískinnungs
hvergi undirförult, falskt eða grunnhyggið
aldrei svik eða skammir
engin öfund eða andúð, ekkert hatur eða óbeit
án hæðni án baktals
án hjartasorgar
án sorgar
- án hjarta
ég vildi óska að fólk væri fífl
hamingjusöm andskotans hjartalaus fífl sem vita ekki glóru
samviskulausir aumingjar sem eru bara glöð og góð við hvort annað því,
skinnin mín, þau vita ekki betur
---
en ég fæ engu breytt, fólk veit allt of vel - að það vill ekki breytast
Þetta er áhugavert í laginu.
Hvað ætli gerist ef maður tekur Fouriervörpun af þessu?