Ég sit hér í hugleiðingum um hvað mitt fyrsta félagsrit eigi að snúast um. Ég fæ mér tesopa og velti því fyrir mér hvernig síða þessi hefur tekið á móti mér og hvernig mér hefur líkað hún. Eftir smá stund er svarið augljóst. Síða þessi hefur með snilligáfu sinni og kærleika algjörlega heillað mig. Sjaldan kemst maður í tæri við jafn viturt og kurteist fólk og hér er að finna. Fróðleiksmolarnir hellast yfir mig úr öllum áttum og bæði leikir og umræður hér eru hreinasta afbragð og er ég glaður að hafa loksins ratað inná þessa ljómandi síðu. Kynni mín við gestapóa hér eru ekki bara vinsamleg heldur einnig afar fróðleg og upplýsandi. Það þarf líka ekki einhver ótrúleg myndagæði eða hraða spilun til að búa til príðisgóða tölvuleiki. Leikir eins sniðugir og teningaleikir, nafnaleikir, spurningaleikir og ekki má gleyma Mafíu eru hin hreinasta snilld og geta skemmt manni klukkustundum saman. Og þegar maður byrjar að lesa greinar og félagsrit annarra gestapóa getur maður algjörlega gleymt sér. Ég lík við tebollan minn og vil þakka öllum meðlimum Baggalúts sem hafa sýnt mér góðmennsku og hjálpsemi með þessu ljóði.
Gestapóar góðir verða
gala afar fagran söng.
Nýliða þeir ávalt herða
þó að stundin verði löng.
Afbragðsvitrir dáðadrengir
ey má gleyma fögurm frúm.
Fléttast þarna klókir fengir
kunnir öllum heimsins trúm.
Skólastofu skaltu sækja,
skoða nokkur innlegg þar.
Stuðlamálið sterkt svo rækja.
<Stendur upp og fer á bar...>
<... inn>
Ég er nú ekki mikið skáld en er þó ávalt að læra og mun reyna að bæta skáldagáfu mína um ókomna tíma.
Velkomin ég ar alltaf sammála öllum alltaf hér því það verður maður alltaf að gera
Varið yður á því að þér munuð ánetjast umræðusvæðinu allverulega, og vart geta slitið yður frá því. Sú er í það minnsta reynzla allflestra þeirra er hingað koma. Gangi yður vel að aðlagast og vegni yður vel í ljóðsmíðalærdóminum.
Velkominn. Regína drekkur líka te, en hún er flinkari í bragfræðinni. Gestapó er náttúrulega einstakt, þar hefurðu aldeilis rétt fyrir þér.
Aulinn þinn! Gaztu ekki látið vera að hnoða þennan leir í lok þíns annars meðalgóða félagsrits?
Sæktu þér meiri leikni og þekkingar áður en þú dritar svona á skeiðvöll ljóðlistarinnar.
Þú átt eftir að ná tökum á ljóðlistinni ennþá, það er greinilegt. Hinsvegar ertu efnilegur nýliði sem hlýtur að verfa enga stund að tileinka sér grunnatriði ljóðagerðar. Velkominn.
[Hengir öskupoka á bakið á Örvari]