Fyrsta hagyrðingamót nýs árs.
Hugmyndin var að hafa mótið annaðkvöld. Eftir á að hyggja finnst mér frekar stuttur fyrirvari á því. Hvað segið þið um að hafa það á miðvikudagskvöldið?
Ef engin harkaleg mótmæli verða við því þá verður mótð sett klukkan 21:34 miðvikudagskvöld.
Yrkisefni mótsins verða:
1) Hefðbundin kynning.
2) Hughreisting. (Þú hittir mann á bar sem tapað hefur öllu. Hvað getur þú sagt til að honum líði betur.)
3) Nígeríusvindl. (Semdu eitt gott Nígeríusvindlbréf í bundnu máli)
4) Væntingar. (Hvað vilt þú sjá á nýju ári)
5) Afsögn í bundnu máli. (Gefum okkur það að við berum ábyrgð og segjum af okkur)
6) Óvænt yrkisefni (uppgefið við upphaf móts)
Ég verð hugsanlega upptekin á miðvikudagskvöldið. Vonandi þó heima hjá mér, svo þá kemst ég kannski í tölvuna seint og um síðir.
Viljið þið þá frekar hafa það annað kvöld?
Hér eru strax komnir 4 fastagestir sem erfitt er að halda mót án.
Ég get verið hvaða kvöld sem er... held ég, en annað kvöld finnst mér helst til stuttur fyrirvari.
Frábært, æðislegt, líst dúndurvel á efnin. Annað kvöld hentar sjálfum mér betur, en þó geri ég allt til að komast á mið. verði hann fyrir valinu.
Lítur út fyrir að vera skemmtilegheit hin mestu. Kannski verður hagyrðlingurinn ég komin með einhverja vísurindla þegar þetta byrjar en a.m.k mun ég fylgjast með.
Áhugavert, ég er mikið að spá í að mæta á mitt fyrsta mót. Á ég að taka með mér snakk?
[Setur upp gasgrímuna og mótmælir harkalega]
Vanhæfur mótsstjóri! Niður með hagyrðingamót! Helvítis fokking fokk! Hristið hughrystynga! Kjósum strax nýja mótsstjórn!
(Ég sumsé verð upptekinn á miðvikudagskvöld.)
Ég er desværre hræddur um að ég komist hvorki annaðkvöld né á mivikudaginn. Bið kærlega að heilsa þeim sem þátt taka.
Hvað segiði um mánudagskvöld klukkan 19:45? Þá kemst ég að vísu ekki, en vísa því á bug að ég sé krækiberjavísir...
Já já... Andþór er búinn að ákveða miðvikudagskvöld og auðvitað heldur hann það á miðvikudagskvöldið... ég kem ef ég verð búinn að gera það sem ég þyrfti nauðsynlega að gera annað kvöld... mögulega mæti ég seint...
Byrjar þetta ekki eftir 5 mín eða svo.. ég verð náttúrulega bara á áhorfendapöllunum sko!
Ætlarðu að halda það aftur
afturhalds fyllerísraftur?
Þig spyr ég nú
spáðíðí þú.
Andþór þú andremmukjaftur