Þú skalt ekki aðra hafa guði´ en mig.
Ekki skaltu rífa kjaft né ybba þig.

Þú skalt ekki leggja nafn Drottins Guðs þíns við hégóma.
Látum ekki kirkjusjóði verða galtóma.

Minnstu þess að halda hvíldardaginn heilagan.
Hafa skaltu prestinn fullan, heimskan, tregan.

Heiðra föður þinn og móður þína.
Þó þú búir meðal svína.

Þú skalt ekki morð fremja.
En konu þína máttu lemja.

Þú skalt ekki drýgja hór.
Nema eftir sjötta bjór.

Þú skalt ekki stela.
Ef ekki næst að þýfið fela.

Þú skalt ekki bera ljúgvitni gegn náunga þínum.
Með einelti við betur, lengur pínum.

Þú skalt ekki girnast hús náunga þíns.
Þetta er sama´ og boðorð tíu, án gríns!

Þú skalt ekki girnast konu náunga þíns, ekki þræl hans eða ambátt,
ekki uxa hans eða asna né nokkuð það sem náungi þinn á.
Ekki skaltu elta þína drauma, vertu bara metnaðarlaus og gerðu það sem þér er sagt auminginn þinn svo einhver (sennilega náungi þinn) hagnist á því enda er hann mikið betur ættaður og menntaður og á að hafa það betra en þú akurhænan þín.
-------

Mér leiðist hið eilífa vesenisvæl,
vanvitans, neyslunar peningaþræl.
Því getið þið alls ekki unað við sæl?
Elskað og lifað og dáið.
Hvað þarf að gerast svo loksins þið sannleikann sjáið!

Ég þoli´ekki andskotans aumingjatuð,
asna og ræfla sem brúka enn snuð.
Ég neita að trúa á gagnslausan gvuð!
glaður skal fara´ eitthvað annað.
Í helvíti´ er sýnist mér vægast sagt mun betur mannað!