Afsakið mig neikvæðan
Mér er flökurt eftir að hafa horft á laugardagslögin. Sérstaklega varð mér um að sjá þessa þrjá alltof jákvæðu álitsgjafalabbakúta upphefja ömurleikann og skeina sér í tónlistarvitund þjóðarinnar.
Þeir sem bera ábyrgð á þeim lögum sem þarna voru flutt hafa ekki aðeins eyðilagt sitt mannorð heldur einnig orðið þess valdandi að fæddir eða ófæddir erfingjar þeirra munu þurfa að skammast sín niður ofan í tær fimm kynslóðir fram í tímann. Mér er skapi næst að skrá mig úr símaskránni svo nafn mitt sé örugglega hvergi skráð í sömu bók og þeirra. Önnur eins svívirðing hefur ekki komið frá íslenskum tónlistarmanni síðan ég átta ára gamall samdi snöggdauð tourettsvaldandi popplög á skemmtarann minn sem ég fékk í jólagjöf frá ömmu, með endurteknum valstrommuslætti syngjandi frumsamda texta um allt sem var mér fyrir augum þá stundina.
Þetta var svívirða, svívirða segji ég!
Fær samt þrjár stjörnur því Ragnhildur Steinunn er svo sæt.
Ætti þátturinn ekki að fá eina stjörnu í viðbót fyrir gríðarlegan þokka sveitunga míns, Gísla Einarssonar.
Já kæri Megas ég veit a þú ert fúll yfir því að komast ekki að, og sjálfur hefði ég miklu frekar vilja heyra lag eftir þig í þessari keppni.
Ég styð það að senda gamla sem var í þættinum í kvöld... hafa bara almennilegt harmonikkuband með honum og Gísli gæti dansað með. Það væri helvíti flott!
Eftir að hafa séð tvö lög eftir Svölu Björgvins í þessum þáttum þá er ég endanlega búin að ákveða að þessi kona Á EKKI að fá að semja lög... jájá rosa gott hjá henni að berjast gegn átröskun og svona... en það núllaðist út þegar hún sat fyrir í þessari HRÆÐILEGU auglýsingu fyrir Barbie loves MAC snyrtivörur.
"Fyrir allar alvöru dúkkur." stóð þarna. Og hún eins og barbí í laginu með dúkkusvip á sér.
Þessi manneskja fer ólýsanlega mikið í taugarnar á mér. Því miður.
Um hvað eruð þið eiginlega að tala? Laugardaxlögin? Það er stafsett: ,,Laugardalslaugin"! Svo er hún ekki opin fyrr en í fyrramálið...
Hvað með þjóðskrá, hagstofuna?! Mér finnst líklegt þú verðir að sækja um annað ríkisfang.
Horfði ekki og er stoltur að segja að ég hef aðeins horft á þáttinn þar sem ákveðinn snillingur fór hamförum með einn ágætan sóp eins og frægt er orðið.
Enda er þáttur með þessu nafni á þessum miðli á þessum tíma dæmdur til að vera ömurlegur.
Það er ekki ólíklegt að þetta sé réttardrama í anda þáttanna um Næturdómarann sem var í RÚV fyrir fullt af árum síðan. [ Klórar Vlad í höfðinu] Skyldi Björgúlfur fjármagna þetta? Ætli þetta sé um Hafskipsmálið?
Álitsgjafalabbakútarnir eru til að bjarga geðheilsu lagahöfundanna sem vita það sjáfir að þeir hafa samið ömurlegt lag sem var verið að flytja í beinni útsendingu. Svo þegar Barði kom með sitt frábæra súrhey reyndu kútarnir að bjóta hann niður. M.a. reyndu þeir að fá hann til að fara úr að ofan þegar það er allveg augljóst að hann er með algerlega flatann brjóstkassa (ekki það að ég var að gá að því sérstaklega).
Ég hef ekki horft á einn þátt af þessum hryllingi, hef aðeins séð örstutt brot úr svona þrem þáttum og hafði það bara ekki í mér að horfa lengur.
Svo er ég líka viss um að maðurinn minn horfir bara á þetta því Ragnhildur Steinunn er svo sæt.
Í lesblindu minni las ég Laugardalslaugin.
En nei ég hef ekki ennþá nennt að horfa á þetta, og ekki er upphafsmaður innleggsins beint að vekja áhuga hjá mér.
Ragnhildur Steinunn er samt alltaf sæt.
Bojnk bojnk, hvar á Plánetunni Mars, í Helli, með augun lokuð og banana í eyrunum, ert þú búinn að vera síðustu mánuði Kargur?
Ég fékk einu sinni banana í eyrun (holurnar). Ég var voðalega svekktur, því ég sáði eplafræjum.
Hér er það eina sem ég ætla mér að sjá og muna af þessu...
http://www.youtube.com/watch?v=oBDwK6oix-A
Ragnhildur Steinun er fyrrum forpokuð og virðuleg kastljósdama en er í dag sexý og hot kvikmyndastjarna.
[Syngur Yfirlýsingu Magneu Matthíasdóttur með örlítið breyttum texta]
Líkami minn er ekki laugardalslaug
að þú getir svamlað þar
þér til hressingar
gegn vægu gjaldi ástarorða
Oh takk fyrir að minna mig á þetta svakalega skemmtilega ljóð.
Laugardagslögin eru ákaflega misjöfn og þátturinn í kringum þau alveg skelfilega tilegerðarlegur. Það voru fengnir einhverjir hot and sweet lagahöfundar til að semja þrjú lög hver og síðan voru sex valdir úr hópi fólks sem sendi inn, hver fékk að senda eitt lag (Ósanngjarnt fannst mér að þau fengju ekki að sitja við sama borð og hinir) Lögin í gær voru ákaflega misjöfn. Fyrsta lagið kom beint frá hjarta lagahöfundar og þótti mér það best. Hin tvö eru júróteknóhommablöðrur sem allir gleyma. Ekki svo að skilja að ég sé að tala niður til homma en þetta er bara tónlist sem búið er að spyrða við þá.
Laugardagslögin eru skelfilega misheppnaður þáttur. Fyrir það fyrsta er hann svona hálftíma til klukkutíma of langur. Sköllótti maðurinn er gersamlega út og suður (durumm tshh!) og á ekkert heima þarna. Húmorinn og skemmtilegheitin eru skelfilega þvinguð (f. utan tvíhöfða). Álitsgjafarnir eru gagnslausir og mig er virkilega farið að langa til að kýla frosið brosið af þessum sköllótta poppara þarna. Síðan eru einungis þrjú lög í hverjum þætti, hver öðrum ömurlegri. Það er bara allt of lítið fyrir svo langan þátt. Svo eru þessi oftast nær ferlegu lög endurtekin svona 5 sinnum fyrir kosningar sem enginn nennir að taka þátt í. Sviðsmyndin er síðan greinilega tekin óbreytt úr 20 ára gömlum hemma gunn þætti. Það vantar bara gulu handriðin.
Þetta eru misheppnaðir þættir sem ætti þó að vera hægt að bjarga með smá nostri og breytingum. Hingað til hefur það eina góða við þessa þætti verið súperstjarnan Barði.
Ég tek vel undir orð Hakuchi... ég hef samt reyndar alldrei neitt betra að gera á laugardagskvöldi þannig að ég þrauka þetta... Hrúturinn Hreinn er náttúrulega snilld (eða hvað?)...