Símamenn tóku upp á því fyrir rúmri viku að fikta við símstöðina í mínu hverfi, sem er svosem ekki í frásögur færandi nema fyrir þær sakir að tilgangurinn var að stækka og bæta nettengingar á kerfi Símans.
Ekki tókst þeim betur til en svo að tengingin mín hvarf úr kerfinu. Kannski varð hún svo stór að hún fór einfaldlega í hring og endaði aftur á núlli?
Ég tek það fram að mín netþjónusta er ekki hjá Símanum, en netveitandi minn kaupir sínar línur eða tengi þar.
Eftir 9 daga af símtölum og dellu fatta Símamenn það að einhver maðkur er í mysunni og gefa spyrja heimskulegra spurninga eins og "Hefurðu reynt að tengjast netinu?".
Hverslags hálfvitaspurning er það?
Auðvitað hef ég reynt. Það var á endanum starfsmaður netveitanda míns sem sá vandamálið og gat leitt þá Símamenn í gegnum viðgerðina, en það broslegasta er að hann sá þetta á innan við mínútu...Simamenn höfðu rýnt í þetta í níu daga.
Símamenn fá spark í rassinn fyrir heimsku sína og mín netveita fær fálkaorðuna fyrir að sparka í rassinn á þeim.
Einnig fá þeir 5 stjörnur fyrir glaðninginn sem beið mín þegar tengingin fór aftur í gang...
Bara dæmigert fyrir vinnubrögð símanns. Mætti halda að þeir væru ekki starfi sínu vaxnir.
Ég hata símann... er búin að vera með gsm hjá vodafone í tæp 5 ár vegna þess að síminn sendi mér árið 2000 reikning upp á 30.000 fyrir talhólfi sem ég lét gera óvirkt 1998!!!!!!
Hata hata hata símann!!
Tek undir það. Sendu mér 100.000 króna reikning fyrir notkun á GSM númeri. Málið var bara að ég var ekki með þetta númer, heldur hafði einhver fengið númer út á mitt nafn.
Ég hata símann og bíð spenntur að sjá hvernig hive.is mun spjara sig. Spenntur ójá!