Vindáttin hefur breyst. Ljúfi sunnan andvarinn sem ég fann fyrir hér hefur sent mig heim í fjölskyldufaðminn.
Mey ein fögur á Bagga býr
birtist mér í draumi
Uppveðraður allur sem nýr
elskaði hana í laumi
Ég sendi henni lítið ljóð
Leitaði stíft og fann
Himneskt er hið blíða fljóð
hjartað í mér brann
Á Gestapó við gátum átt
gæfustundir saman
Almúginn sá frekar fátt
en ferlega var gaman
Oft í huga mín draumadís
dögum hefur bjargað
Ballarhafið blóðið frýs
Á blíðuna hef ég gargað
Nótt sem dag var hugur hjá
henni fegurst meyja
Í land ég kom og lítið strá
löngun vakti mín freyja
Besta dýrðar dísin mín,
dásamlegust allra
Ljós þitt yfir landi skýn
og leiftur manna snjallra
Komið er að kveðustund
kæra Dula besta
Sæll ég seinna á þinn fund
sanna ást mun festa
Vertu sæl þú vænsta mær
vetur er ei liðinn
Tárin þerrar saltur sær
senn ég fer á miðin
Það held ég að Dula eigi eftir að brynna músum yfir þessu. Ágætis kvæði.
Hvar er Dula?
Takk fyrir ummælin Herbjörn Hafralóns. Ert þú ekki konungur í höllinn hennar Dulu?
Jæja þá, ég veit nú ekki alveg hvort ég eigi að fara að útbýta númerum hér eða tárast yfir snilldinni.
En kveðjan er falleg og ég bið að heilsa.
[þerrar pínulítið tár]
Létt og nett kveðjuorð til hennar Dulu minnar.
.
.
Ekki tárast elskan mín
enginn er þess virði
Slægi öllu uppí grín
aðeins ef ég þyrði.
Það væri nú rökréttast að slá þessu upp í grín held ég. Þetta er allavega búið að vera fullkomlega órökrétt hingað til. [klórar sér í skallanum]
Líst mér sem Mikki Mús hafi þetta kveðið eftir illvirki ósmátt, e.t.v. svona:
.
Leið hún nið'rum leðjuborð,
lét hann falla kveðjuorð.
Kyngdi ná og keðju storð.
Kunni fólið sveðjumorð?
.
.
Sveðjumorðið Mikki kann.
Meiriháttar stúlku ann,
Hjartað í mér heitt það brann,
hamingjuna þó ekki fann.
Greip þá fast í tímans tól,
tárin þurkaði fyrir jól,
Hentist í mitt heima skjól
til hennar sem börn mín ól.
Segðu okkur sögu þína alla og dragðu ekkert undan.
Þetta er allt orðið svo dularfullt og óljóst.
ég held svei mér að hann ætti að heita Dularfulli maðurinn en ekki ég. Ég kem líka af fjöllum.
Saga mín á Gestapó er stutt og ekki merkileg.
Mér hættir þó til að blanda einkalífi mínu inn í kvæðin mín. Er það sú saga sem ég ætti að segja?
Æ, yfirleitt eru nú sterk skil á milli hér á Gestapó. Þú gætir einbeitt þér að búa til og bæta við Karakterinn Mikka Mús. Það er mjög skemmtileg iðja.