Mér finnst nú blaðamenn ekkert hafa farið neitt voðalega yfir strikið með Bubba. Þetta Bubbamál fannst mér nú bara orðaleikir og orðhengilsháttur.

Þeir fóru nú oft ljótar yfir strikið með annað á DV og fara sjálfsagt enn og eftir öllu að dæma þá munu þeir halda áfram.

Hver er þessi Bubbi?

Æ greyis kallinn hann Bubbi Morthens. Var nú einhver leiðinlegur við hann? Hann sem hefur aldrei verið annað en góður við alla.

Satt að segja vildi ég óska að Bubbi væri fallinn... hann færi þá kannski aftur að gera plötur sem hlustandi er á...

Og enn heldur farsinn áfram (enda ekki nema von).
Í Fréttablaðið skrifar blaðamaður sem telur sig almennt vera ofurskutlu, en svo hafi ekki verið á fermingardaginn. Hún ætlar því að innkalla allar myndir úr fjölskyldualbúmum fermingarsystkina sinna þar sem vera hennar á altarismyndum þeirra sé lýti á hennar ofurskutluímynd.
Þetta er ekki blaðamennska, heldur MORFÍS-aulahúmor. Skamm.

krossgata: Já, og Blaðið virðist vera að færa sig inn á þessa braut. Klámauglýsingarnar sem voru í DV eru nú komnar þangað inn.

Kargur: Það skiptir engu máli.

Isak: Ekki vorkenni ég Bubba, hann getur svarað fyrir sig sjálfur. En ég vorkenni blaðamönnum að taka sér Árna Johnsen til fyrirmyndar og þræta fyrir brot sitt út fyrir gröf og dauða.

Grágrímur: Það er til nóg af öðru frambærilegu tónlistarfólki.

Það hefur hingað til ekki þótt frétnæmt þó einhver falli á tóbaksbindindinu, svo flestir sem lesið hafa greinina hafa átt von á einhverju enn meir krassandi. Ef fréttamenskan fer að fara út í það hverjir reykja og hverjir reykja ekki er óvíst að lesendur nenni að lesa blaðið. Þessi fyrirsögn var villandi og flestir sem flétta yfir hér og nú láta sér nægja að lesa fyrirsagnirnar þannig að flestir mistúlkuðu greinina og hefðu eflaust aldrei vitað sannleikan ef Bubbi hefði ekki kært þá.

Margir túlkuðu svo greinina bara ekki neitt og þurftu því ekki leiðréttingu á hálfkveðnum vísum, sem þeir voru bara ekkert að spá í. Hvaða máli skiptir það þó einhverjir hafi gert sér hugmyndir um að Bubbi hefði dottið úr stiga, fallið á reykingabindindi eða væri dottinn í það? Ég segi það enn og aftur, blaðamenn hafa gert verri hluti en þennan orðaleik.

En eins og Skrækir segir, er það verst að þeir skulu flestir ef ekki allir neita að kíkja í eigin bakgarð og athuga hvort þeir gætu ekki lagað aðeins til.

Ég vissi nú ekki einusinni að Bubbi hefði hætt að reykja. Man ekki eftir opinberri hættutilkynningu. Og auðvitað datt manni ekkert annað í hug en að Bubbi væri farinn að dópa aftur þegar maður las "Bubbi fallinn" Ég mæli með að Bubbi og blaðamaðurinn útkljái þetta í boxhringnum !!

Þetta var fínn dómur. Ég sé hann sem eins konar komment á DV/Hér og nú (sama batteríið) viðbjóðinn sem hrellti þjóðina á sínum tíma og endaði í sjálfsmorði.

Ég las nokkrar setningar eftir Illhuga Jökulsson þar sem hann var auðvitað að reyna að mótmæla þessu, enda eru hans hendur blóðugar af þessum blaðamennskustíl. Aldrei hefur nokkur maður fallið eins mikið í áliti og hann sem ritstjóri DV. Nú ber ég álíka mikla virðingu fyrir honum og rottunni sem bar með sér svarta dauða. Ómarktækur bavían.

Hey... rottan sem kom með svarta dauða var allavega það heiðarleg viðurkenna glæp sinn og fremja harikari í beinni útsendingu... á Bylgjunni...

Ég treysti mér ekki til að taka afstöðu varðandi dóminn sjálfan.
Á hinn bóginn þykir mér það enn einn vítislogandi votturinn um hraðfara hnignun prentmiðlanna að nú þyki sjálfsagt mál að opinbirta á prenti nánast hvaða hroða sem verkast vill, & skýla sér svo bakvið svokallað tjáningarfrelsi. Þeir sem fara með dómsvaldið standa í nógu ströngu, þó ekki bætist ofaná að þurfa að velta vöngum yfir tittlingaskít & hundraðföldum handvömmum rasandi ritvillinga sem stíma í stöðugum vindleysandi vatnsglasastormi - undir fölsku frelsisflaggi skynblindra skippera á prófarkarsnauðum pappírspésabátum.

Fleira var það nú ekki.

Takk.

Ég tek undir með Grágrími; Ef maðurinn færi að dópa aftur yrði tónlistin máske áhlustanleg á ný. Og hann hætti jafnvel líka að koma fram í auglýsingum.

Kallinn er frægur, við eigum hann, hann gaf okkur sig, við megum fara með hann eins og við viljum... en ég vil bara ekki fara illa með greyið. Ljótt að hrekkja einfalda. Látið Bubba í friði!

[Ljómar upp, hættir að hrekkja einfalda, og lætur Bubba í friði]

Sammála The Shriek.