Eflaust fjörug yrkjum við
eftir fremur skamma bið
glaðleg undir gleðiklið
glæsiljóð um mör og svið.

Glæsilegt framtak Regína, en á ekki að yrkja um Riddararaddir?

En, ég mæti og skal svo sannarlega kveða nokkrar hrundir upp í ból mitt.

Riddararaddir falla hér með undir fjórða lið.

Styrk mér stuðlar léðu
er stökuna ég orti.
Þó að þriðju kveðu
þessa alveg skorti.

þ.e.a.s.: þótt í þriðju kveðu,
Döh.

Skyldi nokkur mæta?

<Íhugar að fresta mótinu>

Ég veit líklega ekki fyrr en á þriðjudaginn hvort ég kemst.

eru limrur þá alveg bannaðar?

Hehe, nei, þær eru leyfðar. Það er nú ekki hægt annað en gera vissar undantekningar.

Ég ætla alltaf að mæta en gleymi því líka alltaf.

Ég ætla alltaf að gleyma því að mæta en gleymi því líka alltaf.

Ég verð vist að boða forföll. Verð veikur næsta þriðjudagskvöld. Líklega einhver lungnapest því ég er svo andlaus þessa stundina.

Það er alveg hægt að slaufa þessu, eyða félagsritinu og láta eins og þetta hafi aldrei verið til. En þá týnast þessar flottu vísur sem eru komnar í belgina.
Svo er spáð skítakulda svo þið hafið ekkert annað að gera en að sitja inni í ullarsokkunum með blýant í króklopnum fingrum að yrkja á blað, með eitthvað hlýjandi í glasi.
Ég krossa bara fingur og vona það besta og held áfram að undirbúa mig.

Er þetta ekki svolítið eins og halda áfram með hið árlega hagyrðingamót í Kolbeinsey eftir að hún er sokkin í sæ?

Það er náttúrlega alveg brilljant! Hvenær eru þau haldin?

Stefni á að mæta, en óundirbúinn.

Endurkomu ekki hugði
á ég neitt í bráð.
En kannski þetta þjóðráð dugði,
þéttort verður skráð!

Eigi teljumst vjer beinlínis til hagyrðinga; er þó eigi með öllu óhugsandi að vjer rekum aðeins inn nefið.

Glæsilegt!

Ég mæti..

Best að reka inn fésið.

Afsakið, en auðvitað gleymdi ég þessu.