[verður hálforðlaus] Vá takk fyrir þetta. Einstaklega fróðlegt að sjá hvaðan sum orð eru komin. Og páskar er orð sem hefur alltaf verið mér ráðgáta... þar til nú.
Gleðilega páska

Ég sem hélt að þetta væri stytting á Pá(ll Ó)skar.

Tarna var merkilegur fróðleikur um páskana og alveg eftir Kidda Finna að luma á honum. En smá athugasemd má ger við útgangspuntinn hjá Grágrími:
Eintalan af páskar er ekki “pásk” heldur “páskur”, samamber stóri páskur og litli páskur, staðbundið er líka til “páski”.
Hver vegna páskar eru í fleirtölu gæti svo orðið efni í annað innlegg.

Kiddi , vá nú kiknaði ég í hnjánum.

Getur verið að þetta hafi eitthvað með Joe Pesci að gera?

Takk fyrir ábendinguna Sófus minn, uppfærði ritið eftir því. Þér verður boðið uppá Jaloviina við tækifæri.

Pásk finnst mér akkúrat ekki vera eintalan af orðinu páskar. Það væri páski, eða páskur eins og Sófus segir. Pásk er hvorugkynsorð, og væri fleirtalan þá mörg pásk, eða páskin...

En fínt rit!

Með því að ég hef unnið mér inn Jaloviina með fyrra inleggi mínu vil ég bæta aðeins við um fleirtöluna.
Fleirtala páskanna stafar væntanlega, eins og Kiddi Finni segir, af því að páskurinn er ekki einn heldur eru þeir jafnan tveir saman, stóri og litli páski. Jólin eru svo annað dæmi um hátíð í fleirtölu enda þótti fyrri mönnum á Íslandi varla taka því að “drekka jólin” nema nokkra daga í senn.
Athylgisvert er svo að páskar eru í eintölu á finnsku “pääsiäinen” alveg eins og jólin “joulu”, þegar allskonar annað tilstand er yfirleitt í fleirtölu á finnsku, svo sem afmæli, jarðarför, veisla, partí og brúðkaup. Gæti verið að Finnar séu eða hafi verið veisluglaðari en Íslendingar?

"Gæti verið að Finnar séu eða hafi verið veisluglaðari en Íslendingar?"

Þeir eru ekki veisluglaðari, en þeir hafa örlítið betra drykkjuþol.

Jarmi veit hvernig landið liggur.
Sófus bendi á að á finnsku er brúðkaup, jarðaför, partí ofl. oftast á fleirtölu. Mér var kennt í gaggó að það sé útafþví að þar er oftast margt fólk; hvort er einhver lógik í því, er aftur annar handleggur.