— GESTAPÓ —
Í uppáhaldi:
Félagsrit:
Dula
Heiðursgestur.
Pistlingur - 6/12/07
Einu sinni var...

Sonur minn sem byrjar í sex ára bekk í haust er strax kominn með greiningu sálfræðings um hitt og þetta, hann er víst með greindarvísitöluna 83 sem er undir meðallaginu sem er 100 stig. Ég vona að þetta sé ekki miðað við sænsku kúrfuna um venjuleg börn því þá hlýtur sonur minn að vera í slæmum málum. <br /> Af því að vaxtarkúrfulega séð hafa flest börn sem ég þekki náð svo langt yfir meðaltalið að það er eiginlega bara hægt að hlæja að þessu sænska kúrfustandi sem ekkert er miðuð við íslensk börn.<br /> Eldri sonur minn fór í vaxtarmælingu í fyrra og hjúkkan hringdi og boðaði mig á fund . Sagði mér svo mjög áhyggjufull að sonur minn væri nú í ofþyngd miðað við aldur. Ég spurði hana hvort þetta væru sænsku kúrfurnar frá 1974 alveg um leið, hún játti því .<br /> Þá hló ég við og sagðist hafa grunað það því sonur minn hefði aldrei passað inní þá kúrfu fæddur tæpar 18 merkur og 53 cm og alltaf verið vel massaður og hávaxinn miðað við jafnaldrana.<br /> <br /> Hún benti mér samt á það að hann hefði bara gott af því að fá undanrennu ásamt létt&laggott ofaná rúgbrauðið sitt og borða bara banana , skyr og gúrkur.<br /> Mér fannst þetta nú ekkert ógirnilegur matseðill fyrir venjulega konu sem þarf 1500 - 2000 hitaeiningar á dag en fyrir vaxandi ungling sem þarf 3000 hitaeiningar bara til að funkera eðlilega þá var mér brugðið. Að fara að setja krakkann á eitthvað sérfæði svona rétt í miðjum vaxtakipp. Glætan !<br />

Hvað er málið að vera að koma inn megrunaræði í höfuðið á unglingi sem er að vaxa og þroskast, með því að telja viðkomandi trú um hann eigi við offituvandamál að stríða miðað við sænsku kúrfuna að það sé bráðhætt við hjartaáfalli þá og þegar.
Já endilega hafið unglingana ykkar þannig að þau séu einsog lauf í vindi með enga mótstöðu fyrir veikindum.

Já allt svo þau passi nú inní vaxtarkúrfuna sænsku fyri sænsk börn frá árinu 1974, sem er enn í dag (2008) notuð til viðmiðunar við íslensku börnin....endilega hreint.

Af því að í gamla daga *lesist með nöldrandigömlukonurödd* var allt miklu betra en nú til dags, í gamla daga þá voru engin börn feit eða ofvirk, í gamla daga var engin einstæð móðir til, í gamla daga voru bílarnir mikið betri og í gamla daga var maturinn líka miklu betri og hollari og enginn gat farið og keypt eitthvað tilbúið uppsóp af einhverjum skítugum veitingastað.

Þetta segir amma mín sem er 85 ára gömul alltaf og sýður handa mér fisk kl tvö á sunnudegi ef ég kem heim til hennar.

Já þetta er kannski ekki alltaf rétt og satt sem þau gömlu segja, en mér finnst að þetta sé farið að snúast ansi mikið uppí einhverja vitleysu samt.

Í nútíma þjóðfélagi má bara ekki anda á neinn því þá er það orðið ofbeldi, foreldrar eru ekki lengur að ala börnin sín upp, þau eru að rolast við að malda í móinn þegar ofverndaði ofvirknisboltinn þeirra brýtur sjónvarpið í 56 sinn og þá fara þau bara aftur með hann til sálfræðingsins. Sem spyr svo barnið hvernig því líði.
Foreldrarnir spyrja svo litla ofdekraða engilinn sinn að því hvort það vilji ís eða pítsu í kvöldmatinn af því allt annað er svo mikið vesen.

Kannski var allt betra hér í gamla daga því þá voru hlutirnir einfaldir og fólk vissi ekki svona fansý smansý orð einsog OFVIRKNI og ATHYGLISBRESTUR, ef barn hagaði sér illa þá var það rasskellt eða barið og sent í sveit þar sem það lærði að vinna.
Ofbeldi hefur samt ekki leyst neitt þó tímabundin áhrif séu vissulega áhrifarík. , en það er munur á aga og ofbeldi.

Börn sem samsvara sér vel og eru hraust og eðlileg í hreyfingu eru bara í hinum bestu málum þó sænska kúrfan sé eitthvað ekki að passa utanum það. Andskotans kúrfurugl.

Já þessi sænska kúrfa hefur alltaf farið í mínar fínustu taugar, í fyrsta lagi er hún frá því á árinu 1974 og er því 34 ára gömul, í öðru lagi er hún miðuð við þá tíma þegar þótti sjálfsagt að reykja og drekka á meðgöngunni og í þriðja lagi eru íslensk börn stærri og eiga töluvert stærri foreldra en þau sænsku, því við á þessu skeri hér höfum alist upp við alltaðrar aðstæður og erum skikkuð til að taka lýsi og borða fisk frá blautu barnsbeini.

Ég tók eftir því að ef einhver vinkona barnapíunnar minnar var enn hrein mey (15 ára) þá var sú hin sama sögð alltof feit eða ljót, (öll 55 kílóin) .
Nú ef hún var beinagrind og fötin löfðu á henni einsog hún væri herðatré þá var hún bara æðisleg.
Þetta er greinilega viðtekin venja hjá skólahjúkrunarfræðingunum að tönnlast í sífellu á holdafari og vaxtarlagi unglinganna.

Og tölum aðeins um heilu og hálfu meikdollurnar sem er á enninu á flestum unglingsstúlkum, hvernig væri að einhverjur fræðingar í skólunum tækju að sér að kenna þessum stelpuskjátum að mála sig eða bara bera á sig krem yfir höfuð. Er það ekki meira áhyggjuefni að vera að eyðileggja á sér húðina fyrir tvítugt.
Húðin er nú ekki til að hrópa húrra fyrir á þessum aldri og það verður að byrja á því að taka meikleifar gærdagsins af áður en næsta lag er borið á (með smjörhníf eða sparslspaða að mér hefur sýnst).

Um daginn kvartaði unglingur í mömmu vinar síns um að hann væri alltaf látinn bera svo mikla ábyrgð heima hjá sér, sú kona tók upp símtólið og hringdi beint í barnaverndarnefnd.
Og þar sem þetta mál var útá landi þá brást sú nefnd þar við fljótt og vel og bannaði móður unglingsins að láta hann passa litlu systkini sín eða sjá um nein húsverk þar sem hann væri ekki orðinn sextán ára.

Mér blöskruðu þessi vinnubrögð þar sem ég hef nú orðið vör við alvöru vandamál í minni vinnu , ég talaði við eina vinkonu mína sem vinnur hjá BVN hér í bæ og hún hristi hausinn og sagði að ef hún væri í þessum hártogunum alla daga þá hefðu þær stöllur ekkert við tímann að gera.
Þær væru í alvöru málum þar sem dópistar og ofbeldisseggir væru aðalvandamálið.

Unglingar nú til dags eru uppteknir af kynlífi, megrun, nýjustu tækjum og tólum, hneyksla fullorðna og reyna að komast upp með ALLT samanber JACKASS félagana.
Hver leyfði unglingnum sínum að fara á svokallað LAN mót í Egilshöll yfir heila helgi.. nú allir eðlilegir foreldrar sem eru vel upplýstir um þarfir unglingsins.
Allt er leyft og upplýsingar liggja á lausu um hvernig á að gera hvað sem er. Hver hefur ekki séð leiðbeiningabæklinginn og leiðandi verðskrá um eiturlyfin sem birtist fyrir hverja verslunarmannahelgi í fréttablöðunum.
Sumir unglingar skrá sig meðvitað inná einkamál.is til að DJÓKA í barnaperrum og þeim finnst það alveg ótrúlega fyndið að sjá gamla kalla runka sér í webcaminu.
Og með dyggri aðstoð barnaverndarstofu og nefnda og alls þess sem sér um hagsmuni barna ,komast þau upp með hvaða rugl sem er í skjóli þess að agi sé það sama og ofbeldi...já já það er til allskonar ofbeldi, peningalegt ofbeldi, andlegt ofbeldi, líkamlegt ofbeldi, fatalegt ofbeldi, tæknilegt ofbeldi, kynferðislegt ofbeldi og svo mætti lengi telja og allt er það greinilega í höndum foreldranna.
En ég veit nú alveg um ofdekruð krakkaskrímsli sem beita foreldra sína samskonar ofbeldi.

Þessar tegundir ofbeldis komu mér einnig skringilega fyrir sjónir fyrst þegar ég heyrði þær nefndar, en þetta er víst það sem við konur lærum þegar við förum í kvennaathvarfið til að klaga maka okkar um ofbeldi heima fyrir, þá erum við fræddar um tegundir ofbeldisins og til útskýringar er til dæmis fatalegt ofbeldi það þegar makinn neitar að gefa okkur pening eða leyfi til að fá okkur föt.

Já það er ekki öll vitleysan eins.
Við verðum að vega og meta sjálf hvar okkar börn eiga að stoppa og hvaða upplýsingar streyma inn í þau.

   (45 af 46)  
6/12/07 12:01

Jarmi

"Þú færð sko engin fleiri föt kona! Þú ert búin að kaupa fyrir 360.000 í þessum mánuði!"

"Hjálp hjálp! Ofbeldi, maðurinn minn segir nei við því sem ég vil!"

6/12/07 12:01

Texi Everto

Ég varð einu sinni fyrir asnalegu ofbeldi. Mig langar ennþá í asna.

6/12/07 12:01

Dula

Hehe já, þetta er skandall. Asnalegt fataofbeldi.

6/12/07 12:01

Vladimir Fuckov

[Fölnar upp við tilhugsunina um kóbalt-, plútóníum- og tímavjelaofbeldi]

6/12/07 12:01

Billi bilaði

<Ákveður að „Skrabba“ ritið>

„Konan mín sem byrjar í sex ára bekk í haust...“

Nei, þetta er allt of langt. <Dæsir mæðulega>

6/12/07 12:01

Dula

[skellihlær] Mér þætti ólíklegt að einhver reyndi þetta á þessu ofboðslega langa félagsriti.[glottir]

6/12/07 12:01

Vladimir Fuckov

Það væri reyndar fróðlegt að kanna hver hámarkslengd athugasemda við fjelagsrit er [Glottir eins og fífl].

6/12/07 12:01

Texi Everto

Ég sá einu sinni sætta skvísu á réttaballi - ég þráði líkama hennar - en hún hafnaði mér. Núna veit ég að hún beytti mig líkamlegu ofbeldi... [Brestur í óstöðvandi grát]

6/12/07 12:01

krossgata

[Byrjar á löngu svari sem er efni í 4 félagsrit]
Já og ekki má gleyma...

æ, ég nenni því ekki. En ég mun ekki láta tískusveiflur "pólitískt rétts hugsunarháttar" stjórna hvaða ofbeldi ég beiti í daglegu lífi.

6/12/07 12:01

Jarmi

Börnin mín eru heppin að vera ekki til.

6/12/07 12:01

illfyglið

Barð'ún þig í harðfisk fyrir það eitt að vilj'ana, Texi? Það var ljótan.

6/12/07 12:01

Galdrameistarinn

Ég hata uppeldisfræðinga sem halda sig vita allt um hvað börn þurfa eftir einhverjum fjandans stöðum. Hrokafullt pakk sem ætti að hnakkaskjóta opinberlega.

6/12/07 12:01

Salka

Við höfum oft gleypt upp eftir svíanum ýmsa staðla og kúrfur.
Bónuskerfið í frystihúsum kom frá Svíþjóð, þegar þeir voru að leggja það niður.
Hin frjálslega skólastefna sem tröllreið samfélaginu á tímabili kom frá Svíþjóð... þegar þeir voru að leggja hana niður.
Hvað er það með okkur og Svíþjóð? Erum við frændur eða erum við vinir?

6/12/07 12:02

Dula

Ætli við séum ekki ruslafatan þeirra.

6/12/07 12:02

Kiddi Finni

En heilbrigð skynsemi? Er það framleitt í Svíþjóð líka?

6/12/07 12:02

Dula

Nei , ætli það.

6/12/07 12:02

Nermal

IKEA er frá Svíþjóð og Volvo 245 station líka. En gerspillt krakkagerpi eru það sem virðist vera málið í dag. Það er alveg stranglega bannað að taka krakka hálstaki og bannað að nota piparúða. Svo eru þessi meðaltöl og kjörþyngdir voðalega asnaleg fræði. Ég hefði sennilega beyglað kúrfuna með minni 21 marka fæðingarþyngd. Og ef ég skoða minn svokallaða BMI stuðul þá er ég yfir þessari rækallans kjörþyngd. Ég verð að skella mér í megrun STRAX <Fær sjúklega komplexa>

6/12/07 12:02

Jóakim Aðalönd

BMI-stuðullinn var fundinn upp á fyrri hluta 19. aldar og var hugsunin alls ekki að reikna út kjörþyngd. Aðal atriðið er að hreyfa sig. Þá er ekkert að því að vera feit(ur).

6/12/07 13:00

Kargur

Kurva!

6/12/07 13:00

Garbo

Jamm og jæja...og svei mér þá ...og það er nú það ..o sei sei

6/12/07 13:01

Lopi

Ég hef orðið fyrir ofbeldi. Ég fæddist og lifi lífinu.

6/12/07 14:01

Offari

Ég byrjaði í megrun þegar ég var sex ára en samt hefur mér ekki enn tekist að ná þessari yfirvikt af mér.

Dula:
  • Fæðing hér: 18/1/06 17:09
  • Síðast á ferli: 10/11/23 13:19
  • Innlegg: 22400
Eðli:
Dula er mit nafn og ég er best. Og svo get ég verið orðheppin, kemur líka fyrir að menn hlæi jafnvel upphátt þegar ég tjái mig.
Fræðasvið:
Ég er mjög fróð um mjög margt. En kannski ekkert alltof vitur um neitt. En fæ oft hugboð og fer eftir þeim. Er berdreymin , það er að segja ef ég er ber þá dreymir mig um ber.
Æviágrip:
Ég er fædd í október er sérlega glæsileg. Allsherjar snillingur og matgæðingur. Þar að auki kosta og kynjamálaráðherra Baggalútíu, það þýðir að ég hef yfirumsjón með pörum og einhleypingum í Baggalútíu Og vil fá að vita hver hefur samfarir við hvern eftir alla merkilega atburði í baggalútíu.