— GESTAPÓ —
Fíflagangur
Óbreyttur gestur.
Gagnrýni - 2/12/05
Júró

Botninum náð í sögu Baggalútar

Ég varð þess vitni áðan að einhverjir unglingspiltar sem kenndu sig við Baggalút tóku þátt í spurningakeppni þar sem reyndi á þekkingu þeirra á svokölluðu "Júróvisjón" fyrirbrigði. Kom þar í ljós svo ítarleg þekking piltanna á fyrirbærinu að maður fyrirvarð sig fyrir að hafa álpast inn á síður þessar. Nú er svo komið að maður verður að hugsa sinn gang alvarlega og meta það hvort þorandi sé að bendla sig frekar við síðu þessa.

Niðurstaðan er samt sem áður sú að þeir hafi nú verið óttalega krúttilegir og staðið sig nokkuð vel. Líklegt verður að telja að þeir teljist til svokallaðra "kynvillinga" en sá flokkur manna hefur einkum verið þekktur fyrir þekkingu á þessum vísindum. Niðurstaða þessi snýr heimsmynd minni eiginlega á hvolf. Ég verð að fá mér annan vískí.

Stjörnurnar eru til Óla Palla fyrir algera fávisku á sviðinu.

   (20 af 24)  
2/12/05 05:00

krumpa

Ég skammast mín ofsalega fyrir að viðurkenna það en ég sá - auðvitað fyrir algera tilviljun - brot af þessum þætti. Þetta er auðvitað fyrirlitlegt þekkingarsvið - en... er þetta ekki bara fyrsta skrefið í algerum alheimsyfirráðum Baggalúts? Sé svo segi ég bara til lukku strákar og meira svona!

2/12/05 05:00

Isak Dinesen

Þeir eru bara svona fáránlega minnugir.

Verstur var dans Enters, það var alveg augljóst á teipinu að það var STEPP STEPP, H FÓTUR UPP - HRISTA, V FÓTUR UPP - HRISTA, STROKKA SMJÖR STROKKA SMJÖR, en ekki STEPP STEPP, H FÓTUR UPP - HRISTA, STROKKA SMJÖR, V FÓTUR UPP - HIRSTA, STROKKA SMJÖR

2/12/05 05:00

Isak Dinesen

(En fyndinn var hann - þó hann gengi ekki upp tæknilega.)

2/12/05 05:00

Vladimir Fuckov

Baggalútsmenn koma aldrei fram í eigin persónu í falsmiðlunum (með einni undantekningu er vjer minnumst en þar voru þeir með hauspoka til að þekkjast eigi).

2/12/05 05:00

blóðugt

Þeir völdu sér amk voða sæta leikara sem vissu mikið um júró.

2/12/05 05:00

Enter

Það er auðvitað sorglegra en tárum taki að sigra í keppni sem þessari. Niðurlægingin er alger. Mistökin lágu vitanlega í því að ráða atvinnulausa leikara, efalítið allkynvillta, til að sinna svörun - því enginn veit jú meira um þessa andstyggilegu keppni lágkúru og glysgirni en sá sem ekkert veit.

(Og Isak, ég breyti þér í halakörtu ef þú rifjar aftur upp þennan meinta dans á opinberum vettvangi).

2/12/05 05:01

Offari

Glæsilegt afrek, greinilegir yfirburðir, og svo fengum við úti á landi liðið að sjá goðin.
Liðið sem þeir kepptu við innhélt helstu sérfræðing á sviði tónlistar, þ,e,a,s, Atvinnumenn í faginu. Glæsilegt Takk.

2/12/05 05:01

Nermal

Þetta sannar bara yfirburði Baggalútíu á öllum sviðum. Þarna voru lagðir með glans tveir að helstu tónspekingum landsins, Dr. Gunni og Óli Palli plús nottlega fuglahræðan hún Magga Stína sem er leiðinlegasta sjónvarpskona landsins. Það er bara að vinna þetta 100% engin spurning með það!! Áfram Baggalútía.

2/12/05 05:02

Lopi

Ég heppinn. Misti af þessu. En það er nú kostur að fyrst botninum er náð að þá liggur leiðin eingöngu upp á við.

2/12/05 06:00

Jóakim Aðalönd

Til hamingju með sigurinn, sykurpúðarnir mínir. Þið fáið 2% afslátt á Club 5K.

2/12/05 06:01

Númi

Hvaða þvæla er þetta? Þessi sigur var stórglæsilegur og yfirburðirnir algerir - eins og alltaf í öllum keppnum sem Baggalútur bendlar sig við. Átti Baggalútur e.t.v. að tapa? Auðvitað ekki!

2/12/05 06:01

fagri

Stórkostlegir yfirburðir og næsta skref þá væntanlega að vinna þessa andstyggilegu keppni.

2/12/05 06:01

Hakuchi

Þetta var skólabókadæmi um hve djúpt fólk með besserwisseraáráttu getur sokkið. Nú hljóta Baggalútar að hugsa sinn gang ef þeir eru svo illa haldnir að þeir neyða sig til að drekka upp fróðleik í eins lágkúrulegu skólpi og Júróvísjóntrívíu til þess eins að fá athygli fyrir að vita betur en sköllóttur rostungur, ofmetinn útvarpsbjálfi og grettygrýla.

Og að láta þessi atvinnulausu leikaragrey muna allan þennan viðbjóð sem ykkar fulltrúar - þið ættuð að skammast ykkar. Nær væri þeim að læra Ibsen.

Til hamingju annars.

2/12/05 06:02

Ívar Sívertsen

Veistu, ég held að það væri næstum skárra að láta þá læra verk Geirs Ólafssonar heldur en þetta...

2/12/05 07:01

Steinríkur

Hvaða keppni var þetta?
verður hún endursýnd, eða kemst maður í hana á netinu?

2/12/05 07:01

Hexia de Trix

Snilldina má sjá hér næstu daga: http://dagskra.ruv.is/streaming/clip/?file=4285941
Njótið!

Já og til hamingju kakósnúðarnir mínir! [Ljómar upp]

Fíflagangur:
  • Fæðing hér: 22/8/03 13:35
  • Síðast á ferli: 24/9/11 11:06
  • Innlegg: 82
Eðli:
alltaf fullur
Fræðasvið:
lög
Æviágrip:
ætíð fullur