Best í heimi. Þetta er fullyrðing sem hefur verið hamrað á við mig allt frá því að ég fékk málið. Allt sem íslenskt er af öðru
ber. Til glöggvunar ykkur sem hafið langdvölum hafst við í
framandi löndum er rétt að skerpa á góðleika mörlenskra.
T.d. er lambið best í heimi sem og mjólkin og skyrið , já og
landbúnaðarkerfið í heild sinni. Fólkið á rás 2 segir að íslensk
tónlist sé best í heimi, er ástæða til að rengja það?
Við erum fallegust, sterkust, víðlesnust, elst, heilbrigðust,
ríkust, framsæknust, útsæknust, vinnuglöðust, fisknust,
óspilltust, netvæddust, adsl-væddust, gsm-væddust,
bíl-væddust og skuldugust svo tæpt sé á mjög fáu.
Af hverju heita " Bæjarins Bestu" ekki bara Heimsins Bestu?
Jú það er af því að við erum lítillátust. Ég er a.m.k. hættur
við utanlandsferð fjölskyldunnar. Heima er best - í heimi.
Heill forseta vorum og fósturjörð.. húrra húrra!!
Verzt að þetta rit var ekki bezt í heimi líka.
En ég hef svosem séð mun verra. Velkominn fagri.
-
Ekki gleyma að við erum fjölmennust miðað við höfðatölu. [Hlær að eigin „fyndni“]
Og gleym ei að hjer er höfðatölusamanburður notaður oftar en hjá nokkurri annarri þjóð, a.m.k. miðað við höfðatölu.