— GESTAPÓ —
Í uppáhaldi:
Félagsrit:
Vladimir Fuckov
Friðargæsluliði.
Heiðursgestur og  sagnaþulur.
Pistlingur - 8/12/03
Ný félagsrit

Nær allt snýst um það sama hér

5.8.2004

Að undanförnu hefur nánast allt það efni er birst hefur hér í Nýjum félagsritum snúist um eina persónu og megnið af efninu hér verið frá þessari einu persónu, Omegaone. Finnst oss það almennt eigi eðlileg notkun á Nýjum félagsritum að sami gestur komi jafnvel oft á dag með efni þar.

Stór hluti þessa efnis Omegaone teljum vér að ætti frekar að birtast sem innlegg í þráðum ef það þarf endilega að birtast hér á Gestapó. Enn betra væri þó að það birtist alls ekki hér. Þar kemur tvennt til. Í fyrsta lagi hefur komið skýrt fram að það er eigi mikill áhugi á þessu efni hér. Í öðru lagi er efni þetta bæði mikið og langt og þess eðlis að það ætti miklu fremur heima á heimasíðu eða sem 'blogg'. Viljum vér hér með skora á viðkomandi að taka þá vinsamlegu ábendingu til athugunar. Afar einfalt er að koma upp heimasíðu eða bloggi (eins og eigi er ólíklegt að viðkomandi sé kunnugt).

   (70 af 102)  
Vladimir Fuckov:
  • Fæðing hér: 20/8/03 21:21
  • Síðast á ferli: 23/8/23 21:21
  • Innlegg: 19773
Eðli:
Forseti Baggalútíu. Kóbalt- og hergagnaframleiðsluráðherra og viðskiptaráðherra Baggalútíu. Æðstiklerkur Skipulagsstofnunar Hreintrúarflokksins. Eigandi sálar Ég sjálfs (eða hvernig sem það nafn fallbeygist). Rocket scientist. Stofnandi Nátthrafnasamtaka Baggalútíu (NHS-B). Erkilaumupúki.Flöt jörð, slétt föt, hrein trú !
Fræðasvið:
Rocket science, life, the universe and everything
Æviágrip:
Vjer fæddumst í Rússlandi, að líkindum seint á 19.öld eða snemma á síðustu öld en munum eigi hvenær, vorum of ungir er það gerðist til að muna eftir því. Snemma hófum vjer tilraunakenndar eldflaugasmíðar og vorum óvart næstum búnir að þurrka megnið af Síberíu út við tilraunageimskot í Tunguska. Þar vorum vjer þó heppnir þvi eigi komst hitinn og eldurinn í kóbalt vort. Síðar lukum vjer doktorsnámi í eldflaugaverkfræði og efna- og eðlisfræði kóbalts svo og í notkun tölva til stjórnunar á gjöreyðingarvopnum og flúðum að því loknu land til að stunda tilraunir á eigin vegum víðsvegar um heim. Seint á árinu 2003 urðu tímamót í rannsóknum vorum er vjer skruppum í svaðilför mikla til Rússlands og stálum þar gjöreyðingarvopni því er elipton nefnist. Er vopn þetta núna mikilvægur liður í því að tryggja stöðu Baggalútíu sem stórveldis og hefur því stöku sinnum verið beitt gegn óvinum ríkisins. Nýlega hófum vjer síðan umfangsmiklar rannsóknir á hagnýtingu plútóníums, einkum til hálkuvarna og götulýsingar, t.d. á Hellisheiði.