— GESTAPÓ —
Í uppáhaldi:
Félagsrit:
Vladimir Fuckov
Friðargæsluliði.
Heiðursgestur og  sagnaþulur.
Dagbók - 4/12/03
Léleg hlerunartæki

Þola eigi örbylgjur

10.04.2004

Nú á dögunum komumst vér fyrir tilviljun á snoðir um að hjá keisara vorum stæði til að koma fyrir öflugri sprengju í húsakynnum biskupsins í Baggalútíu. Þóttu oss aðgerðir þær allar bera vott um helst til mikinn ungæðishátt hjá annars ágætum keisara vorum. Ákváðum vér að meira gagn væri af því að koma fyrir hlerunartækjum hjá biskupnum í stað sprengju og gripum því lítillega inn í atburðarásina. Bæði var þetta til að komast að því hvort einhver hætta fylgdi því að hafa yfirlýstan stjórnarandstæðing í stöðu biskups og ekki síður til að komast að því hvort tengsl væru milli hans og To**s Cli****s, þ.e. hvort biskupinn hefði í reynd kveðið niður þennan draug eða hvort um samsæri væri að ræða.

Því miður mistókst þessi ráðagerð lítillega er hlerunartækið, er komið var fyrir í tebolla biskups, lenti inni í örbylgjuofni. Kom í ljós að það þolir eigi örbylgjur og sprakk það með hvelli miklum. Höfum vér þegar sent formlega kvörtun til framleiðanda og væntum viðbragða í formi endurbættra tækja.

   (86 af 102)  
Vladimir Fuckov:
  • Fæðing hér: 20/8/03 21:21
  • Síðast á ferli: 23/8/23 21:21
  • Innlegg: 19773
Eðli:
Forseti Baggalútíu. Kóbalt- og hergagnaframleiðsluráðherra og viðskiptaráðherra Baggalútíu. Æðstiklerkur Skipulagsstofnunar Hreintrúarflokksins. Eigandi sálar Ég sjálfs (eða hvernig sem það nafn fallbeygist). Rocket scientist. Stofnandi Nátthrafnasamtaka Baggalútíu (NHS-B). Erkilaumupúki.Flöt jörð, slétt föt, hrein trú !
Fræðasvið:
Rocket science, life, the universe and everything
Æviágrip:
Vjer fæddumst í Rússlandi, að líkindum seint á 19.öld eða snemma á síðustu öld en munum eigi hvenær, vorum of ungir er það gerðist til að muna eftir því. Snemma hófum vjer tilraunakenndar eldflaugasmíðar og vorum óvart næstum búnir að þurrka megnið af Síberíu út við tilraunageimskot í Tunguska. Þar vorum vjer þó heppnir þvi eigi komst hitinn og eldurinn í kóbalt vort. Síðar lukum vjer doktorsnámi í eldflaugaverkfræði og efna- og eðlisfræði kóbalts svo og í notkun tölva til stjórnunar á gjöreyðingarvopnum og flúðum að því loknu land til að stunda tilraunir á eigin vegum víðsvegar um heim. Seint á árinu 2003 urðu tímamót í rannsóknum vorum er vjer skruppum í svaðilför mikla til Rússlands og stálum þar gjöreyðingarvopni því er elipton nefnist. Er vopn þetta núna mikilvægur liður í því að tryggja stöðu Baggalútíu sem stórveldis og hefur því stöku sinnum verið beitt gegn óvinum ríkisins. Nýlega hófum vjer síðan umfangsmiklar rannsóknir á hagnýtingu plútóníums, einkum til hálkuvarna og götulýsingar, t.d. á Hellisheiði.