— GESTAPÓ —
Í uppáhaldi:
Félagsrit:
Vladimir Fuckov
Friðargæsluliði.
Heiðursgestur og  sagnaþulur.
Pistlingur - 1/11/04
Tilkynning um úthlutun vísindastyrkja

Stóra tækifærið fyrir fjölmarga vísindamenn Baggalúts

Það er alkunna að hjer á Gestapó er að finna ótrúlegan fjölda vísindamanna í allra fremstu röð á fjölmörgum sviðum. Forsetaembættið og starfslið þess hefur þar eigi látið sitt eftir liggja. Sökum fjölmargra gjafa er forsetaembættinu bárust í tilefni 10000. innleggs vors er fjárhagsstaða embættisins nú ívið skárri en venjulega. Hefur því verið ákveðið að úthluta styrkjum á vegum embættisins til vísindarannsókna. Til að sækja um er mælt með að þeir er áhuga hafa stofni þráð í Vísindaakademíunni um rannsóknir þær er um ræðir, geri þar grein fyrir þeim og komi svo rannsóknunum af stað ásamt umræðum um þær. Einnig má ræða rannsóknirnar hjer. Hverjum sem er er heimilt að sækja um. Niðurstaða úthlutunarnefndar verður síðan tilkynnt einhverntíma síðar á þessu ári. Rannsóknirnar mega snúast um hvað sem er en sem dæmi um rannsóknir er forsetaembættið hefur komið nálægt og/eða hefur áhuga á má nefna eftirfarandi (og er gestum að sjálfsögðu frjálst að sækja um styrki til hliðstæðra rannsókna en einnig mega rannsóknirnar vera á allt öðrum sviðum):

(1) Rannsóknir á skrumgleypinum ógurlega og aðferðum til að gjöreyða honum. Hjer er um afar brýnt mál að ræða því ógnvaldur þessi, er í reynd er agnarsmátt svarthol, hefur þegar gleypt nokkra Bagglýtinga með húð og hári. Sumir þeirra hafa sloppið út aftur en eigi hafa allir verið svo heppnir. Óvíst er um heppilegar aðferðir en eigi ólíklegt að kóbalt komi við sögu og jafnvel tímavjelar.

(2) Hagnýtar rannsóknir á sviði tímavjela og framandlegs efnis ('exotic matter'). Um hagnýtt gildi þessa þarf ei að fjölyrða, t.d. hefur forsetaembættið stundum reynt að fara fram í tímann til að kanna fyrirfram hversu vel árshátíðir Baggalúts o.þ.h. muni heppnast en þau tímaferðalög hafa enn sem komið er gengið brösuglega. Nú standa t.d. yfir athuganir á árshátíðinni 2006 en þær ganga afar illa, bæði er tímastillir tímavjelarinnar ónákvæmur og svo er tímasetning árshátíðarinnar óljós. Einnig leikur grunur á að einhver gestanna á árshátíðinni sje með búnað á sjer er truflar nálægar tímavjelar. Eigi getum vjer ímyndað oss tilganginn með því. Grunur leikur hins vegar á að umræddur gestur sje vjer og þætti oss fróðlegt að fá tilgátur um hvað þetta eigi að þýða hjá oss. Erum vjer að íhuga að skreppa fram í tímann til að spyrja oss þessarar spurningar.

(3) Rannsóknir á vandamálum er fylgja því að einstakir gestir hjer verði tvöfaldir (líkt og vjer um daginn) eða jafnvel margfaldir. Þetta getur skapað margvísleg vandamál. Mikilvægt er að rannsaka hvort þessu fylgi einhver hætta og sömuleiðis fylgja þessu málfarsleg og málfræðileg vandamál.

(4) Mælingar á lengd miðnæturfrosts og rannsóknir á hugsanlegum orsökum þess og leiðum til að stytta það. Ýmislegt bendir til að eftir 20-30 ár verði lengd miðnæturfrostsins farin að nálgast 24 klst. Hvað gerist er lengdin fer upp fyrir 24 klst. er óljóst en hugsanlegt er að þá taki tíminn að líða afturábak. Sje svo kann liður þessi að tengjast (2).

(5) Hagnýting plútóníums sem orkugjafa. Þegar hefur verið skýrt frá notkun plútóníums í snjóbræðslukerfum í götum og gangstjettum (sjá http://www.baggalutur.is/profile.php?mode=viewprofile&u=176&n=2219 ). Einnig lofa tilraunir með notkun þess í stað hefðbundinna ljósapera afar góðu því eigi þarf rafmagn og allar snúrur og víraflækjur verða óþarfar. Einn minniháttar galli er þó á þessu, þessar perur eru enn sem komið er nokkuð fyrirferðarmiklar (sú minnsta er hólkur sem er 1,8 metrar á lengd og 75 cm í þvermál) þar að skerma þarf plútóníumið af til að hindra geislun.

(6) Notkun kóbalts sem orkugjafa. Um þetta þarf eigi að fjölyrða.

(7) Þróun gjöreyðingarvopna, t.d. eliptons, endurbættra kjarnorkuvopna o.fl. er auðvelda að það markmið náist að Baggalútía nái heimsyfirráðum.

(8) Rannsóknir og þróun á vetnisoxíðlausum drykkjum fyrir þá Bagglýtinga er orðnir eru leiðir á því mikla tilbreytingarleysi er af því hlýst að í öllum drykkjum er að finna vetnisoxíð.

(9) Hagnýtar undirbúningsrannsóknir vegna fyrirhugaðrar byggingar stjörnusambandsstöðvar.

(10) Veðurvjelar, einkum til notkunar í hernaði. Sambyggð veðurvjel og tímavjel gæti verið áhugavert fyrirbrigði.

Að síðustu ber að taka skýrt fram að forsetaembættið áskilur sjer rjett til að setja það skilyrði að niðurstöðum vissra rannsókna skuli haldið leyndum í þágu þjóðaröryggis því eigi er það t.d. þægileg tilhugsun að óvinir ríkisins komist yfir gjöreyðingarvopn.

   (33 af 102)  
1/11/04 17:02

Offari

Hef stundað ransóknir á sléttiefni þær ransóknir gætu komið að góðu gagni, þegar nýlenduhraðbrautin verður lögð.

Sæki hér um styrk til að klára ransóknarverkefnið.

1/11/04 17:02

Gísli Eiríkur og Helgi

Kæri forseti !
Get ég aumur Svíi sótt um styrk úr sjóði yðar
eða er þessi aur aðeins fyrir innlagða Íslendinga?
mig bráðvantar að styrkja veskið mitt . hvar eru umsóknar eyðublöðinn og hvenær verð ég að skila þeim?

1/11/04 17:02

Ívar Sívertsen

Ég hef verið að rannsaka umferð og hvernig hægt er að nota tímavélar, kóbalt og ákavíti til að liðka til og dreifa álagspunktunum.

1/11/04 17:02

Don De Vito

Ég hef verið að framleiða og þróa ný efnavopn sem bera heitið ,,hvæsibombur'' og styrkur væri vel þeginn fyrir fjöldaframleiðslu í ljósi þess hversu mörg lönd Baggalútía hyggst ráðast á á næstunni.

1/11/04 17:02

dordingull

Þeim leynilegu leynirannsóknum sem ég leynilega stunda verð ég því miður að leyna.
Sæki því leynilega um leynistyrk á leyniskjali no. (leyninúmer). Vona að þér sjáið yður fært að leggja leynilegar greiðslur leynilega inn á leynireikning minn í Leynibankanum. (Bankinn sem Baugur og Davíð nota)
f.h. Leynilegu leynirannsóknardeildar leyndarmála
DORDINGULL. (Leyninafn)

1/11/04 17:02

Gísli Eiríkur og Helgi

Besti ransoknir mínar í efninu hvesu langt maður geti gengið án þess að móðga Samkynhneigða neytendur gjafasæðis eru nú komnar að vegamótum og er ég í það nánast gjaldþrtota. Löng ganga blasir framundann og er þess brín nauðsin að öll meðul verði notuð til að fullnægja verki þessu

1/11/04 18:00

Glúmur

Afar spennandi félagsrit minn kæri Vladimir. Framgangur vísindanna er vitaskuld forgangsatriði.
Ég hef einmitt fyrirhugað að gera vísindalegar rannsóknir á massahámarki seðlaveskis áður en það fellur saman og myndar svarthol. Eins og gefur að skilja þarf ég rausnarlega fjárveitingu.

1/11/04 18:00

Sæmi Fróði

[Byrjar að blaða í dagbækur sínar] hver veit nema maður kíki á málið!

Er ekki rétt hjá mér að ef rannsókn ber með sér alla þætti þess sem þú nefnir, þá hafi hún yfirburðastöðu gagnvart hinum?

1/11/04 18:00

Texi Everto

Hvað með kóbaltkynbætur á íslenska kúakyninu?

1/11/04 18:01

Texi Everto

Ég hef nefnilega lúmskan grun um að fjólubláa Milka súkkulaðibeljan sé alin á kóbalti.

1/11/04 18:01

Hundslappadrífa í neðra

Háæruverðugi Valdimir,

Við lestur tilkynningar þessarar rákumst vér á efni sem vér teljum oss hafa hafið grunnrannsókn á:

[(1) Rannsóknir á skrumgleypinum ógurlega og aðferðum til að gjöreyða honum. Hjer er um afar brýnt mál að ræða því ógnvaldur þessi, er í reynd er agnarsmátt svarthol, hefur þegar gleypt nokkra Bagglýtinga með húð og hári. Sumir þeirra hafa sloppið út aftur en eigi hafa allir verið svo heppnir. Óvíst er um heppilegar aðferðir en eigi ólíklegt að kóbalt komi við sögu og jafnvel tímavjelar.]

Við vinnslu úttektar á ástarmálum Gestapó (sjá fjelagsritð X er skotin/n í Y) rákumst vér á tölfræðilegt fyrirbrygði er vér kjósum að kalla kynvísiafl, þar virðist vera um að ræða aðdráttarkraft sem sogar grunlausa Bagglýtinga til sín með ógnarfríðum sírenusöng og þegar hámarki er náð ýmist hverfa þeir eða ónæmiskerfi þeirra myndar móthvata sem vér nefnum æðruleysisvörpu. Þykir oss margt gefa til kynna að umtalaður skrumgleypir sé ástæða hvarfsins og sækjum því um styrk til nánari rannsókna þar á. Ætlunin er að hefja einangrun móthvatans sem vekur æðruleysisvörpuna. Teljum vér að með kerfisbundnum rannsóknum á þeim einstaklingum sem forðast hafa skrumgleypinn og reglubundnum kóbaltbólusetningum á nýliðum jafnt sem öðrum eftirlifendum sé lausn í sjónmáli.

Virðingarfyllst,
Hundslappadrífa í Neðra.

1/11/04 18:01

fagri

Hefi all lengi unnið að rannsóknum og mögulegri markaðssetningu á uppblásnu píluspili hvar kóbaltbætt hrágúmmí kemur við sögu.
Rannsóknarteymi vort hefir tjáð oss að einungis
lokahnykk vanti á að klára verkefnið.
Styrkir hvers kyns væru því þjóð vorri til heilla og framdráttar.
-- Fagri

1/11/04 20:01

Heiðglyrnir

.
.
.
.
.
Kóbaltbættan kveðskap skal
kynna og fá til styrki
Hætti Braga og hátta-mal
Heiðglyrnir skal færa í tal
.
Forzetanum fögur ljóð
frægð hans bera víða
Aldrei líða honum hnjóð
hér með sæki um digran sjóð
.
Embættis hans, heiður fer
hraðbyri um veröld
Kóbalt eðal kavaler
kvennagull og magister
.
Fræðimaður Forzeti
Fuckov „É" í salti
laumupúki og léttfeti
Lifir hann á kóbalti
.
.
Virðingafyllst
Sir Heiðglyrnir Hinn Hugprúði.

1/11/04 20:02

Vladimir Fuckov

[Ljómar upp]
Glæsilegt - þjer fáið himinháan styrk fyrir þetta.

Flest af því er nefnt er hjer að ofan er afar spennandi og skorum vjer á þá er að rannsóknunum standa að stofna þræði um þær í vísindaakademíunni.

Vladimir Fuckov:
  • Fæðing hér: 20/8/03 21:21
  • Síðast á ferli: 23/8/23 21:21
  • Innlegg: 19773
Eðli:
Forseti Baggalútíu. Kóbalt- og hergagnaframleiðsluráðherra og viðskiptaráðherra Baggalútíu. Æðstiklerkur Skipulagsstofnunar Hreintrúarflokksins. Eigandi sálar Ég sjálfs (eða hvernig sem það nafn fallbeygist). Rocket scientist. Stofnandi Nátthrafnasamtaka Baggalútíu (NHS-B). Erkilaumupúki.Flöt jörð, slétt föt, hrein trú !
Fræðasvið:
Rocket science, life, the universe and everything
Æviágrip:
Vjer fæddumst í Rússlandi, að líkindum seint á 19.öld eða snemma á síðustu öld en munum eigi hvenær, vorum of ungir er það gerðist til að muna eftir því. Snemma hófum vjer tilraunakenndar eldflaugasmíðar og vorum óvart næstum búnir að þurrka megnið af Síberíu út við tilraunageimskot í Tunguska. Þar vorum vjer þó heppnir þvi eigi komst hitinn og eldurinn í kóbalt vort. Síðar lukum vjer doktorsnámi í eldflaugaverkfræði og efna- og eðlisfræði kóbalts svo og í notkun tölva til stjórnunar á gjöreyðingarvopnum og flúðum að því loknu land til að stunda tilraunir á eigin vegum víðsvegar um heim. Seint á árinu 2003 urðu tímamót í rannsóknum vorum er vjer skruppum í svaðilför mikla til Rússlands og stálum þar gjöreyðingarvopni því er elipton nefnist. Er vopn þetta núna mikilvægur liður í því að tryggja stöðu Baggalútíu sem stórveldis og hefur því stöku sinnum verið beitt gegn óvinum ríkisins. Nýlega hófum vjer síðan umfangsmiklar rannsóknir á hagnýtingu plútóníums, einkum til hálkuvarna og götulýsingar, t.d. á Hellisheiði.