— GESTAPÓ —
Í uppáhaldi:
Félagsrit:
Vladimir Fuckov
Friðargæsluliði.
Heiðursgestur og  sagnaþulur.
Pistlingur - 31/10/04
Bókstafur hins illa

Honum hafa fylgt einhverjar erfiðustu ákvarðanir er teknar hafa verið hjer á Gestapó

Eins og einhverjir gestir hafa eflaust tekið eftir notum vjer ei bókstaf hins illa ótilneyddir. Er því ei að undra að sumir gestir hjer er eigi þekkja sögu Gestapó nánast frá upphafi reki upp stór augu er þeir rekast á gömul innlegg vor þar sem tjeðum bókstaf bregður fyrir í (alltof) stórum stíl. Er því rjett að skýra málið nánar til að engir gestir þurfi að þjást í nagandi óvissu um hverju þetta sæti.

Ástæðan fyrir þessu eins og svo mörgu öðru (m.a. því að Baggalútur skuli vera til) er einfaldlega framfarir í tölvutækni. Í upphafi Gestapóferilsins í ágúst 2003 notuðum vjer heldur eigi umræddan bókstaf. Sökum þess hve tölvur Baggalútssamsteypunnar voru á þeim tíma litlar varð hins vegar brátt ljóst að ritgleði vor var slík að eigi gengi að rita tvo bókstafi í stað eins nema slíkt væri algjör nauðsyn. Í nóvember 2003 neyddumst vjer þar af leiðandi til að taka tímabundið upp notkun á bókstaf hins illa til að spara minnis- og diskapláss. Var þetta af augljósum ástæðum afar erfið ákvörðun. Nánar má fræðast um tildrög hennar hjer:

http://www.baggalutur.is/profile.php?mode=viewprofile&u=176&n=147

Þetta slæma ástand stóð yfir í rúmt ár. En í febrúar á þessu ári var ljóst orðið að tölvukerfi Baggalútssamsteypunnar væri orðið nægilega stórt til að vjer gætum loks hætt notkun umrædds bókstafs enda Baggalútur líkt og fram kemur á forsíðu hans nú keyrður á öflugustu og fullkomnustu vefþjónum í gervallri veröldinni. Allt er hins vegar í heiminum hverfult og þrátt fyrir öflugar tölvur gætum vjer fyrr eða síðar neyðst til að hefja aftur tímabundna notkun á bókstaf hins illa til að spara pláss. Slíkur er fjöldi gesta hjer og ritgleði þeirra og erum vjer þar eigi undanskildir. Yrði þar skiljanlega um afar erfiða ákvörðun að ræða er krefjast myndi margra daga umhugsunar. Vonandi gerist slíkt þó aldrei.

Að síðustu er rjett að minnast á slagorð Hreintrúarflokksins, „Flöt jörð, slétt föt, hrein trú !“, er sjá má í undirskrift við innlegg vor hjer á Gestapó. Glöggir lesendur veita því e.t.v. athygli að bókstafur hins illa kemur þarna fyrir og hefur athygli vor m.a.s. verið vakin á því af góðviljuðum gestum hjer. Ástæðan fyrir þessu er hins vegar einfaldlega sú að eigi erum vjer höfundur umrædds slagorðs. Og vjer viljum eigi láta líta út fyrir að vjer sjeum að reyna að eigna oss slagorðið eða gefa ranglega í skyn að það sjeum vjer sem sjeum höfundur þess með því að fjarlægja úr því bókstaf hins illa.

   (35 af 102)  
31/10/04 05:01

Dr Zoidberg

[Klórar sér í skallanum] Ég hélt að allir væru sammála um að uppsilón væri hinn eini sanni illi stafur.

31/10/04 05:01

Lærði-Geöff

Sjerlega fræðandi rit og einstaklega áhugavert!

31/10/04 05:01

Vladimir Fuckov

Það er oss fullkunnugt um ! [Ljómar upp]

31/10/04 05:01

Sundlaugur Vatne

Þetta útskýrir ýmislegt. Þakka þér kærlega fyrir að koma því á hreint hví "slétt" hefur nefndan rithátt.
Annars hefur mér alltaf reynzt gæðastafurinn "z" vega upp á móti hinum "illu" stöfum, hverjir svo sem þeir eru.

31/10/04 06:01

Skabbi skrumari

Jeg skil þetta ekki, hvaða staf er verið að tala um heheh... Skál Vlad...

2/11/05 14:00

krossgata

Athyglisvert. Skýrir ekki margt. En þetta getur maður fundið í hlerunarham.
[Blikkar]

1/12/06 17:02

Vladimir Fuckov

Skál ! [Sýpur á fagurbláum laumupúkadrykk]

2/12/06 00:01

B. Ewing

[skálar í erkilaumupúkadrykk]

2/12/06 01:01

krossgata

Er þetta orðið að hluta af laumureipinu? Hvers er þá þráðurinn?

2/12/06 05:01

B. Ewing

Enginn þráður, bara laum [Glottir]

2/12/06 07:02

krossgata

[Skálar]

3/12/06 09:02

krossgata

Skál í mars!

4/12/06 07:02

krossgata

Asnapáskahanastjelsskál í apríl!

4/12/06 18:01

B. Ewing

[Skálar fyrir síðasta vetrardegi]

4/12/06 18:02

krossgata

Það er vel við hæfi. Skál!

3/12/07 09:01

krossgata

Það styttist í páska, hvenær er síðasti vetrardagur?

Vladimir Fuckov:
  • Fæðing hér: 20/8/03 21:21
  • Síðast á ferli: 23/8/23 21:21
  • Innlegg: 19773
Eðli:
Forseti Baggalútíu. Kóbalt- og hergagnaframleiðsluráðherra og viðskiptaráðherra Baggalútíu. Æðstiklerkur Skipulagsstofnunar Hreintrúarflokksins. Eigandi sálar Ég sjálfs (eða hvernig sem það nafn fallbeygist). Rocket scientist. Stofnandi Nátthrafnasamtaka Baggalútíu (NHS-B). Erkilaumupúki.Flöt jörð, slétt föt, hrein trú !
Fræðasvið:
Rocket science, life, the universe and everything
Æviágrip:
Vjer fæddumst í Rússlandi, að líkindum seint á 19.öld eða snemma á síðustu öld en munum eigi hvenær, vorum of ungir er það gerðist til að muna eftir því. Snemma hófum vjer tilraunakenndar eldflaugasmíðar og vorum óvart næstum búnir að þurrka megnið af Síberíu út við tilraunageimskot í Tunguska. Þar vorum vjer þó heppnir þvi eigi komst hitinn og eldurinn í kóbalt vort. Síðar lukum vjer doktorsnámi í eldflaugaverkfræði og efna- og eðlisfræði kóbalts svo og í notkun tölva til stjórnunar á gjöreyðingarvopnum og flúðum að því loknu land til að stunda tilraunir á eigin vegum víðsvegar um heim. Seint á árinu 2003 urðu tímamót í rannsóknum vorum er vjer skruppum í svaðilför mikla til Rússlands og stálum þar gjöreyðingarvopni því er elipton nefnist. Er vopn þetta núna mikilvægur liður í því að tryggja stöðu Baggalútíu sem stórveldis og hefur því stöku sinnum verið beitt gegn óvinum ríkisins. Nýlega hófum vjer síðan umfangsmiklar rannsóknir á hagnýtingu plútóníums, einkum til hálkuvarna og götulýsingar, t.d. á Hellisheiði.