— GESTAPÓ —
Í uppáhaldi:
Félagsrit:
Vladimir Fuckov
Friðargæsluliði.
Heiðursgestur og  sagnaþulur.
Pistlingur - 4/12/04
Nóg komið

Nú skulu óvinir hins baggalútíska heimsveldis fá að kenna á því

Að undanförnu hafa óvinir ríkisins haft sig óvenju mikið í frammi. Vísast þar til meðferðar þeirrar er keisarinn hefur mátt sæta af hálfu skottulæknis á þeirra vegum (sjá nýjasta fjelagsrit keisarans) en miklu fleiri alvarleg dæmi má nefna.

Í mars voru gerðar sýklavopnaárásir á forsetahöll Baggalútíu með tveggja vikna millibili. Sýklavarnir hallarinnar stóðust sem betur fer að mestu álagið en þó fengum vjer í kjölfar árásanna verstu kvefpest þessarar aldar og höfum vjer enn eigi náð oss alveg (örlítill hósti er enn eftir). Um svipað leyti var gerð efnavopnaárás á konungshöllina með torkennilegu ofskynjunarlyfi. Voru sýnilegustu áhrif þess undarleg hegðun drottningar Baggalútíu er sendi frá sjer falska, opinbera yfirlýsingu þess efnis að hún væri gestur (~*Gelgjan*~) er af og til hefur hrellt aðra gesti hjer undanfarnar vikur með and-baggalútískri framkomu.

Mun alvarlegri eru þó mannrán á vegum þessara skúrka. Talsvert hefur verið um að Bagglýtingar hverfi, sumir að því er virðist fyrir fullt og allt, sumir eru horfnir en munu væntanlega snúa aftur og sumir hafa horfið en snúið aftur í misjöfnu ástandi, allt frá eðlilegu ástandi yfir í óeðlilegt (sbr. keisarann).

Ljóst er að við þetta verður eigi unað lengur. Hyggst leyniþjónusta forsetaembættis Baggalútíu því innan skamms grípa til harðra og miskunnarlausra aðgerða gegn óvinum þessum og felast þær einkum í því að leggja þekkt aðsetur þeirra erlendis í rúst. Munum vjer í því skyni hverfa hjeðan fyrir fullt og allt seint í þessari viku og eigi snúa aftur fyrr en um næstu mánaðamót.

Lifi sannleikurinn !

   (45 af 102)  
4/12/04 20:01

Smábaggi

Sjáumst.

4/12/04 20:01

Vamban

Vér treystum yður fullkomlega til að jarða óvini vora og eyða þeim algerlega í eitt skipti fyrir öll. Munu þér því standa til boða stórkostlegar fjárveitingar frá Landbúnaðarráðuneytinu til að fjármagna þessar aðgerðir.

Skál!

4/12/04 20:01

Enter

Heyrðu, geturðu keypt líter af Camparí fyrir mig í fríhöfninni - já og karton af Capri? Bara þetta venjulega.

4/12/04 20:01

Vamban

Capri?!?

Hvernig gengur annars hormónameðferðin Enter minn? Já, og hvenær ferðu í kynskiptiaðgerðina?

4/12/04 20:01

Enter

Það tekur því nú ekki að vera að splæsa í svoleiðis vitleysu. Ekki meðan ég hef þig.

4/12/04 20:01

Skabbi skrumari

Gangi þér vel Vladimir... það er engum betur treystandi í þetta verk, en vonandi kemstu aðeins á Gestapó í þessari ferð svo við fáum að frétta af þér...

4/12/04 20:01

Vladimir Fuckov

Enter: Því miður eru svona stórir hlutir eigi til sölu í fríhöfninni svo oss sje kunnugt en gaman væri að innlima eyland þetta í Baggalútíu [Ljómar upp].

Varðandi fjárveitingar frá Landbúnaðarráðuneytinu - jú, líklega er rjett að vjer sljettum yfir sprengigígana og ræktum á þeim fagurgræna akra. Það verður eflaust rándýr framkvæmd.

4/12/04 20:01

Vamban

Gott komback Enter!

4/12/04 20:01

Hakuchi

Sýndu enga miskunn væni.

4/12/04 20:01

hundinginn

Öldungis vel mælt!

4/12/04 20:02

Gísli Eiríkur og Helgi

Einhvur jeús sagði firir laungu að keisarinn ætti að fá það sem keisarinum tilhheyrði, fór út á sjó labbaði þar ánþess að bleyta tærnar og plataði helling að fólki að þau skildu södd verða á nokkrum síldum og fáeinum fransbrauðum

4/12/04 20:02

Nornin

En hvar er Mosa?

Vladimir Fuckov:
  • Fæðing hér: 20/8/03 21:21
  • Síðast á ferli: 23/8/23 21:21
  • Innlegg: 19773
Eðli:
Forseti Baggalútíu. Kóbalt- og hergagnaframleiðsluráðherra og viðskiptaráðherra Baggalútíu. Æðstiklerkur Skipulagsstofnunar Hreintrúarflokksins. Eigandi sálar Ég sjálfs (eða hvernig sem það nafn fallbeygist). Rocket scientist. Stofnandi Nátthrafnasamtaka Baggalútíu (NHS-B). Erkilaumupúki.Flöt jörð, slétt föt, hrein trú !
Fræðasvið:
Rocket science, life, the universe and everything
Æviágrip:
Vjer fæddumst í Rússlandi, að líkindum seint á 19.öld eða snemma á síðustu öld en munum eigi hvenær, vorum of ungir er það gerðist til að muna eftir því. Snemma hófum vjer tilraunakenndar eldflaugasmíðar og vorum óvart næstum búnir að þurrka megnið af Síberíu út við tilraunageimskot í Tunguska. Þar vorum vjer þó heppnir þvi eigi komst hitinn og eldurinn í kóbalt vort. Síðar lukum vjer doktorsnámi í eldflaugaverkfræði og efna- og eðlisfræði kóbalts svo og í notkun tölva til stjórnunar á gjöreyðingarvopnum og flúðum að því loknu land til að stunda tilraunir á eigin vegum víðsvegar um heim. Seint á árinu 2003 urðu tímamót í rannsóknum vorum er vjer skruppum í svaðilför mikla til Rússlands og stálum þar gjöreyðingarvopni því er elipton nefnist. Er vopn þetta núna mikilvægur liður í því að tryggja stöðu Baggalútíu sem stórveldis og hefur því stöku sinnum verið beitt gegn óvinum ríkisins. Nýlega hófum vjer síðan umfangsmiklar rannsóknir á hagnýtingu plútóníums, einkum til hálkuvarna og götulýsingar, t.d. á Hellisheiði.