— GESTAPÓ —
Í uppáhaldi:
Félagsrit:
Vladimir Fuckov
Friðargæsluliði.
Heiðursgestur og  sagnaþulur.
Pistlingur - 2/12/04
Lausn á hálkuvandanum

Hálkan er auðleystara vandamál en margur hyggur

Vjer hyggjum að ei hafi framhjá Bagglýtingum farið hve oft hefur verið hált hjer á Fróni í vetur. Byrjun þess dags er nú er á enda runninn er gott dœmi um það. Þá má einnig minna á umræður um upphitun vegarins yfir Hellisheiði að viðbœttum kröfum um lýsingu hans. Það hefur hinsvegar farið framhjá flestum að hin fullkomna lausn á þessu vandamáli er fyrir löngu fundin - lausn er eigi kallar á rándýrar virkjanir, heitavatnslagnir undir veginum eða víraflœkjur sje hugmyndin að nota rafmagn.

Þessi fullkomna og augljósa lausn er að sjálfsögðu að setja einfaldlega plútóníum undir vegi, götur og gangstjettir. Plútóníum er nokkuð mikið geislavirkt og gefur því 'sjálfkrafa' frá sjer hita áratugum og jafnvel öldum saman. Eigi þarf því neitt að sinna því eftir að það er komið undir vegyfirborðið og aldrei koma upp vandamál á borð við rafmagnsleysi eða stíflaðar vatnsleiðslur. Þessu fylgja líka ýmsir kostir til viðbótar hitanum. Hitann má í fyrsta lagi nota 'aukalega' til að framleiða rafmagn á staðnum. Í öðru lagi fæst með notkun plútóníums á einfaldan hátt götulýsing með því að hafa vegyfirborðið úr gegnsæju eða hálfgegnsæju efni. Þessi lýsing er reyndar óvenjuleg að því leyti að hún er í veginum sjálfum en eigi frá ljósastaurum. Gæti því þurft að hreinsa veginn með reglulegu millibili svo skítur og drulla skyggi ei á ljósið.

Einungis einn minniháttar ókostur fylgir þessari lausn, þ.e. geislavirkni. Þarf því að einangra plútóníumið vel undir veginum svo eigi stafi hætta af. Það er hinsvegar auðleyst mál og er því eigi eftir neinu að bíða að hefja plútóníumvinnslu. Plútóníum ku finnast í miklu magni í námunda við Hnífsdal auk þess sem kaupa má það frá hinum ýmsu ríkjum. Er því alveg ljóst að samanborið við þessar hugmyndir er það hrein og klár tíma- og peningasóun að koma á fót sk. vetnissamfjelagi. Að koma á fót fyrsta plútóníumsamfjelagi heims er miklu betri hugmynd [Ljómar upp í fagurblárri birtu frá nálægri tilraunaplútóníumgangstjett]

Plútóníum í götu vora - strax í vor !

   (49 af 102)  
2/12/04 16:02

bauv

Einn galli það mengar og þá mun ferðaþjónusta minnka og Ísland fær tekið sem "Bandaríkin" og hvar mundum við ná í plútóníum

2/12/04 16:02

Þarfagreinir

Geislavirkni er ofmetið sem umhverfisskaðvaldur. Ekkert að þessu.

2/12/04 17:00

Steinríkur

Það er heilmikill sparnaður í þessu. Þegar við erum orðin nægilega geislavirk getum við sparað stórfé í lýsingu með því að lesa í bjarmanum frá sjálfum okkur.

2/12/04 17:00

Z. Natan Ó. Jónatanz

Já, ég er ekki frá því að mér lítist barasta ansi vel á þetta...

2/12/04 17:00

plebbin

haha, þú ert svo ágætur Vlad.

Þetta plútóníum þarna fyrir vestan er djöfulsins rusl. Mæli eindregið með því að við flytjum þetta inn.

...og þá mun ferðaþjónusta minnka og Ísl... oooonei, það myndu allir vilja keyra á plútóníum-vegi.
"vegurinn er bara grænn og læti!"

2/12/04 17:00

Vestfirðingur

Mér skilst að sykur geri sama gagn og salt. Fer það að auki ekki jafn illa með bíla, fatnað og gróður. Þannig að framtíðin mun bjóða uppá sykraðar en ekki saltar götur.

2/12/04 17:00

Texi Everto

Ef þetta verður gert væri eflaust hagkvæmt að reisa kjarnorkuver á Hellisheiði í leiðinni. Það er miklu hagkvæmara en þessar endalausu holur oní jörðina.

2/12/04 17:01

Smábaggi

[Klappar] Það er reyndar sé galli við plútóníum en það er ekki jafn bragðgott og kóbalt. Ég mæli hreint ekki með plútóníum í matrétti, en það ætti að vera í lagi í þessu tilfelli.

2/12/04 17:01

Smábaggi

Þ.e.a.s. við hitun á gangstéttum.

2/12/04 17:01

Texi Everto

Ég sé að vinna við þetta mál er komin á fullt:

http://www.ruv.is/main/view.jsp?branch=2574128&e342RecordID=98 601&e342DataStoreID=2213589

2/12/04 17:01

Heiðglyrnir

Herra Vladimir Fuckov leiðangur codename "UKplútó" hepnaðist framar öllum vonum.

2/12/04 17:01

Ég sjálfur

Frábær hugmynd! Hvar værum við stödd ef Vlad nyti ekki við?

2/12/04 17:01

Montessori

Það er líka bara hægt að ganga út og sprauta með þar til gerðri sprautu með kóbaltbláum frostlegi í. Þannig litast klakinn og verður blár. Allir sjá bláan lit á gangstéttum og götum og forðast þau svæði í hvívetna. Svo er hægt að fara í leikinn bannað að labba á bláu. Með tímanum ættu allar götur og stígar að verða fagurbláir og öllum til yndisauka. Takk fyrir, samt sem áður, góða hugdettu.

2/12/04 17:02

Vladimir Fuckov

Það tilkynnist hér með opinberlega að tengillinn sem Texi gaf upp virkar eigi því í honum er eyða aftan við aftasta &-merkið. Sé eyðan fjarlægð má sjá umrædda frétt. Að öðru leyti neitum vér að tjá oss um efni fréttarinnar.

Vladimir Fuckov:
  • Fæðing hér: 20/8/03 21:21
  • Síðast á ferli: 23/8/23 21:21
  • Innlegg: 19773
Eðli:
Forseti Baggalútíu. Kóbalt- og hergagnaframleiðsluráðherra og viðskiptaráðherra Baggalútíu. Æðstiklerkur Skipulagsstofnunar Hreintrúarflokksins. Eigandi sálar Ég sjálfs (eða hvernig sem það nafn fallbeygist). Rocket scientist. Stofnandi Nátthrafnasamtaka Baggalútíu (NHS-B). Erkilaumupúki.Flöt jörð, slétt föt, hrein trú !
Fræðasvið:
Rocket science, life, the universe and everything
Æviágrip:
Vjer fæddumst í Rússlandi, að líkindum seint á 19.öld eða snemma á síðustu öld en munum eigi hvenær, vorum of ungir er það gerðist til að muna eftir því. Snemma hófum vjer tilraunakenndar eldflaugasmíðar og vorum óvart næstum búnir að þurrka megnið af Síberíu út við tilraunageimskot í Tunguska. Þar vorum vjer þó heppnir þvi eigi komst hitinn og eldurinn í kóbalt vort. Síðar lukum vjer doktorsnámi í eldflaugaverkfræði og efna- og eðlisfræði kóbalts svo og í notkun tölva til stjórnunar á gjöreyðingarvopnum og flúðum að því loknu land til að stunda tilraunir á eigin vegum víðsvegar um heim. Seint á árinu 2003 urðu tímamót í rannsóknum vorum er vjer skruppum í svaðilför mikla til Rússlands og stálum þar gjöreyðingarvopni því er elipton nefnist. Er vopn þetta núna mikilvægur liður í því að tryggja stöðu Baggalútíu sem stórveldis og hefur því stöku sinnum verið beitt gegn óvinum ríkisins. Nýlega hófum vjer síðan umfangsmiklar rannsóknir á hagnýtingu plútóníums, einkum til hálkuvarna og götulýsingar, t.d. á Hellisheiði.