— GESTAPÓ —
Í uppáhaldi:
Félagsrit:
Vladimir Fuckov
Friðargæsluliði.
Heiðursgestur og  sagnaþulur.
Pistlingur - 1/12/04
Að gefnu tilefni

Félagsrit vort í gær um menninguna á Gestapó vakti skiljanlega nokkur viðbrögð og er full þörf á að skýra málið aðeins varðandi viss atriði. Því er rétt að taka eftirfarandi skýrt fram:

(1) Um skoðanir vorar og tillögur var að ræða til að fá umræðu, m.a. til að hugsanlega kæmi í ljós hvort stór meirihluti væri sammála eða ósammála vissum atriðum. Vér ráðum að sjálfsögðu engu einir um hvort eitthvað af því er vér nefndum gerist eður ei og ekki heldur einhver hópur gesta. Einungis ritstjórn Baggalúts hefur hér öll völd.

(2) Vér sjáum núna að orðin Þetta getur einnig breytt hittingum þannig að sé 'ójöfn dreifing' í mætingu getur verið að aðallega mæti stór hópur er þekkst hefur lengi utan Gestapó í pistlingnum geta hugsanlega misskilist á vægast sagt óheppilegan hátt [Verður skömmustulegur]. Vér viljum því taka skýrt fram að vér vorum einungis að benda á ákveðna breytingu er gæti orðið. Að þetta gerist skiptir hinsvegar litlu máli sé um skemmtilegt fólk að ræða. Vér höfum hitt hluta umrædds hóps og höfum ekki undan neinu að kvarta. Hafi einhver tekið þetta til sín á neikvæðan hátt biðjumst vér afsökunar.

(3) Athugasemd vorri um fjölda norna var eigi beint gegn neinum ákveðnum gesti og þá sér í lagi ekki Norninni (með stóru N) er var ef vér munum rétt fyrsta nornin hér og á því síst allra að taka umrædd orð til sín. Vér vorum fyrst og fremst að hugsa upphátt um ákveðna þróun varðandi alteregó og segja að oss finnst fjölbreytni og jafnvel 'fáránleiki/hugmyndaflug' í alteregóum skemmtilegt. Hér er hinsvegar ekki um stórmál að ræða.

(4) Eigi vorum vér að leggja til að einhverjum þráðum yrði hent eða að einhverjir ákveðnir þræðir yrðu ritskoðaðir sérstaklega. Vér vorum einungis að láta í ljós þá skoðun að 'svipaðir' þræðir eigi að vera á sama umræðusvæði, e.t.v. með því að færa einhverja þræði milli svæða.

Lifi sannleikurinn - skál ! [Sýpur á fagurbláum drykk og býður öllum viðstöddum drykki]

   (51 af 102)  
1/12/04 12:01

Skabbi skrumari

Lifi sannleikurinn... Lifi Baggalútur... Skál

1/12/04 12:01

Ég sjálfur

Skál!

1/12/04 12:01

litlanorn

ég biðst hér með afsökunar á ófrumleik mínum og skorti á hugarflugi *sendir vladimir kláðaára og stóra bólu á rassinn*

1/12/04 12:01

Vladimir Fuckov

[Bölvar lítilsháttar kláða á ónefndum stað. Veltir fyrir sér hvers vegna þurfti 20 sinnum meira ný-últrakóbaltsduft en eðlilegt er til að fá einhvern - en þó eigi alveg fullkominn - bata]

1/12/04 12:01

litlanorn

ég býð þér frítt í fyrsta tímann í heilsusetrinu mínu vladimir minn, það ætti að slá á mesta kláðann. lofa samt engu. veit ekki hvernig últrakóbaltduftið fer með andleysisleðjuna

1/12/04 12:01

Þarfagreinir

Skál, Vlad!

1/12/04 12:01

Stelpið

*þiggur drykk*
Skál!

1/12/04 12:01

Vladimir Fuckov

Vér þiggjum boðið varðandi heilsusetrið en kysum að fleiri frá forsetaembættinu fengju að koma líka. Vonum vér að þessari frumlegu (ófrumlegu ?) deilu okkar sé þar með lokið.
[Veltir fyrir sér hvort útkoman úr því að blanda kóbalti við andleysisleðju verði tóm steypa]
Skál !

1/12/04 12:01

Nornin

Þakka þér fyrir Vladimir... mér sárnaði ögn (eins og fleirum) en hef nú tekið gleði mína á ný.

1/12/04 12:01

litlanorn

skál! auðvitað er öllum hjá forsætisráðherraembættinu boðið! við gætum farið í hinn ágætasta leðjuslag

Vladimir Fuckov:
  • Fæðing hér: 20/8/03 21:21
  • Síðast á ferli: 23/8/23 21:21
  • Innlegg: 19773
Eðli:
Forseti Baggalútíu. Kóbalt- og hergagnaframleiðsluráðherra og viðskiptaráðherra Baggalútíu. Æðstiklerkur Skipulagsstofnunar Hreintrúarflokksins. Eigandi sálar Ég sjálfs (eða hvernig sem það nafn fallbeygist). Rocket scientist. Stofnandi Nátthrafnasamtaka Baggalútíu (NHS-B). Erkilaumupúki.Flöt jörð, slétt föt, hrein trú !
Fræðasvið:
Rocket science, life, the universe and everything
Æviágrip:
Vjer fæddumst í Rússlandi, að líkindum seint á 19.öld eða snemma á síðustu öld en munum eigi hvenær, vorum of ungir er það gerðist til að muna eftir því. Snemma hófum vjer tilraunakenndar eldflaugasmíðar og vorum óvart næstum búnir að þurrka megnið af Síberíu út við tilraunageimskot í Tunguska. Þar vorum vjer þó heppnir þvi eigi komst hitinn og eldurinn í kóbalt vort. Síðar lukum vjer doktorsnámi í eldflaugaverkfræði og efna- og eðlisfræði kóbalts svo og í notkun tölva til stjórnunar á gjöreyðingarvopnum og flúðum að því loknu land til að stunda tilraunir á eigin vegum víðsvegar um heim. Seint á árinu 2003 urðu tímamót í rannsóknum vorum er vjer skruppum í svaðilför mikla til Rússlands og stálum þar gjöreyðingarvopni því er elipton nefnist. Er vopn þetta núna mikilvægur liður í því að tryggja stöðu Baggalútíu sem stórveldis og hefur því stöku sinnum verið beitt gegn óvinum ríkisins. Nýlega hófum vjer síðan umfangsmiklar rannsóknir á hagnýtingu plútóníums, einkum til hálkuvarna og götulýsingar, t.d. á Hellisheiði.