— GESTAPÓ —
Í uppáhaldi:
Félagsrit:
Vladimir Fuckov
Friðargæsluliði.
Heiðursgestur og  sagnaþulur.
Dagbók - 2/11/02
Deyfð og drungi

Óupplífgandi forsíða, pennaleti og nöldur

25.11.2003

Ósköp er allt dauflegt hér þessa dagana, pennaleti mikil og lítið að gerast. Og forsíðan á GESTAPÓ eigi mjög upplífgandi, umræður allar síðan í gær eða þaðan af eldri. Ný félagsrit einkennast af nafnlausum og/eða jafnframt tómum ritverkum og ósýnilegum höfundum. Það vandamál skánar með þessu dagbókarbroti. Annað einkenni er neikvæðar fyrirsagnir á borð við "búinn að fá nóg". Það vandamál skánar víst eigi með þessu dagbókarbroti. Aðrir verða að sjá um slíkt á þessum drungalega vetrardegi. Og jólin eru nýbúin því líkt og margir hér tókum vér forskot á sæluna og héldum upp á þau í síðustu viku. En nú er víst mál að nöldri þessu linni.

   (98 af 102)  
3/12/06 09:00

Billi bilaði

Það mætti halda að þetta félagsrit væri skrifað um þessar mundir, en ekki fyrir rúmum þremur árum síðan. [Dæsir mæðulega og starir út í loftið]

3/12/06 09:02

krossgata

Það er einmitt svo líflegt í dag.
[Klórar sér í höfðinu]

3/12/07 09:01

krossgata

Ár síðan hér var lagt orði í belg. Það virðist ekki ætla að lifna yfir laumupúkun á laumupúkadeginum sjálfum.

9/12/07 05:01

Álfelgur

Mér finnst þessi dagur miklu betri í laumupúk heldur en laumupúkadagurinn.

Vladimir Fuckov:
  • Fæðing hér: 20/8/03 21:21
  • Síðast á ferli: 23/8/23 21:21
  • Innlegg: 19773
Eðli:
Forseti Baggalútíu. Kóbalt- og hergagnaframleiðsluráðherra og viðskiptaráðherra Baggalútíu. Æðstiklerkur Skipulagsstofnunar Hreintrúarflokksins. Eigandi sálar Ég sjálfs (eða hvernig sem það nafn fallbeygist). Rocket scientist. Stofnandi Nátthrafnasamtaka Baggalútíu (NHS-B). Erkilaumupúki.Flöt jörð, slétt föt, hrein trú !
Fræðasvið:
Rocket science, life, the universe and everything
Æviágrip:
Vjer fæddumst í Rússlandi, að líkindum seint á 19.öld eða snemma á síðustu öld en munum eigi hvenær, vorum of ungir er það gerðist til að muna eftir því. Snemma hófum vjer tilraunakenndar eldflaugasmíðar og vorum óvart næstum búnir að þurrka megnið af Síberíu út við tilraunageimskot í Tunguska. Þar vorum vjer þó heppnir þvi eigi komst hitinn og eldurinn í kóbalt vort. Síðar lukum vjer doktorsnámi í eldflaugaverkfræði og efna- og eðlisfræði kóbalts svo og í notkun tölva til stjórnunar á gjöreyðingarvopnum og flúðum að því loknu land til að stunda tilraunir á eigin vegum víðsvegar um heim. Seint á árinu 2003 urðu tímamót í rannsóknum vorum er vjer skruppum í svaðilför mikla til Rússlands og stálum þar gjöreyðingarvopni því er elipton nefnist. Er vopn þetta núna mikilvægur liður í því að tryggja stöðu Baggalútíu sem stórveldis og hefur því stöku sinnum verið beitt gegn óvinum ríkisins. Nýlega hófum vjer síðan umfangsmiklar rannsóknir á hagnýtingu plútóníums, einkum til hálkuvarna og götulýsingar, t.d. á Hellisheiði.