— GESTAPÓ —
Í uppáhaldi:
Félagsrit:
Vladimir Fuckov
Friðargæsluliði.
Heiðursgestur og  sagnaþulur.
Pistlingur - 31/10/03
Yfirburðasigur

Svíar niðurlægðir á Laugardalsvelli

Hvað í brennisteinsvetnislyktandi branduglum á það að þýða að eftir flestalla knattspyrnuleiki hefja ávallt sömu niðurrifssinnuðu og nöldursjúku nefaparnir upp skerandi raust sína þrátt fyrir stórglæsilegan árangur ? Eftir stórkostlegan árangur gegn Svíum í kvöld er auðvelt að sjá fyrir að þetta muni gerast enn og aftur því ávallt finna þessir niðurrifsseggir eitthvað neikvætt til að benda á, í þetta sinn eflaust að sigurinn hafi eigi verið nógu stór. Já, sigurinn segjum vér því Svíar eru 32 sinnum fleiri en Íslendingar og unnu Íslendingar því glæsilegan 32-4 sigur sé höfðatölureglunni beitt á réttan hátt. Nú kann einhverjum að koma þetta spánskt fyrir sjónir en vér blásum á slíka vitleysu. Svíar eru 32 sinnum fleiri en Íslendingar, þar eru því um 32 sinnum fleiri knattspyrnumenn og að sama skapi margfalt fleiri leikmenn í heimsklassa. Eigi Íslendingar einn slíkan eiga Svíar 32. Þessu til viðbótar eru 90 mínútur fáránlega langur tími fyrir einn leik á þessum tímum hraða og streitu. Miklu eðlilegra er að líta á þetta sem upphitun í fyrri hálfleik en að sjálfur leikurinn hafi verið í seinni hálfleik (stundum er þetta reyndar öfugt). Þá skoruðu Svíar ekki eitt einasta mark allan leikinn og niðurlæging þeirra algjör.

Að lokum viljum vér gagnrýna annars ágæta ritstjórn fyrir að setja örgustu öfugmæli á borð við "jafnvel þó við getum ekki neitt" inn í alþekkt stuðningslag. Ekkert er fjær sanni. Ussussuss !

   (61 af 102)  
31/10/03 13:02

Haraldur Austmann

Nú líður mér mikið betur.

31/10/03 13:02

krumpa

Var ekki heldur búin að gera mér grein fyrir þessu. Til hamingju öll sömul ! Dettum í það og upphefjum húliganalæti. Skál !

31/10/03 13:02

Finngálkn

Hættið þessum látum ég er að reyna að sofa!

31/10/03 13:02

Ég sjálfur

Ég tapaði veðmálinu...

31/10/03 13:02

Skabbi skrumari

Ég ætla að fá mér drykki í tilefni þessa stórsigurs, þakka þér fyrir Vladimir, þú reddaðir deginum ...Salút

31/10/03 13:02

Limbri

Það var náttúrulega löngu búið að fara yfir þetta sama mál. Og vegna þeirrar umræðu var ég löngu búinn að gera mér grein fyrir þessari niðurstöðu. Reyndar var ég ekki alveg viss hvort staðan hefði verið 32-4 eða 63-4. Ein af reglunum sem áður hafði verið rætt um, snérist um að bæta einum við báðar tölurnar, margfalda svo með margföldunarmismun þjóðanna (sem gæfi (1+1)*32 á móti (4+1)*1.) og að endingu draga þennan eina frá.
Semsagt Ísland : ((1+1)*32)-1 Svíþjóð : ((1+4)*1)-1

31/10/03 13:02

Mikill Hákon

Ég fékk nú reyndar út að við hefðum unnið 8-1
en þetta er svosem ekkert verra.
Kemur líka eins út á endanum.

31/10/03 13:02

Mikill Hákon

(290.000/8,986,400) * 4 = 0,129...
margföldum svo þessa tölu með 8 (til þess að komast sem næst einum) og gerum slíkt hið sama með mark íslendinga.
Þá fáum við út 8-1.
En ef þið prófið svo að margfalda þetta með 4 til þess að halda markfjölda svía réttum, þá koma út 64 mörk hjá íslendingum, sem er það sama og Limbri fékk út.

31/10/03 14:00

hundinginn

Ég verð nú bara að viðurkenna, að ég skil ekki þessar tölur allar. Enda er ég bara ólærður skrefill!

31/10/03 14:01

Semmning Semmningsen

2/11/05 01:01

Hvæsi

Neisko, félagsrit forseta um íþróttir.

Allt er nú til.

Hann finnur mig varla hérna ?

2/12/06 01:01

Vladimir Fuckov

Fundinn ! [Ljómar upp]

2/12/06 13:00

krossgata

Af hverju er Hvæsi að fela sig út um allan Baggalút? Gerðirðu eitthvað af þér Hvæsi?
[Klórar sér í höfðinu]

3/12/06 07:01

B. Ewing

Hvæsi klikkaði illilega þarna [Bendir á Hvæsa]

3/12/06 09:02

krossgata


Mikið um ferðalög hjá þér í fyrradag herra B.

3/12/07 09:01

krossgata

Nei sko, enn einn þráðurinn sef hefur sofið í ár.

3/12/07 18:01

hvurslags

3/12/07 18:01

hvurslags

3/12/07 18:01

Billi bilaði

9/12/07 05:01

Álfelgur

Vladimir Fuckov:
  • Fæðing hér: 20/8/03 21:21
  • Síðast á ferli: 23/8/23 21:21
  • Innlegg: 19773
Eðli:
Forseti Baggalútíu. Kóbalt- og hergagnaframleiðsluráðherra og viðskiptaráðherra Baggalútíu. Æðstiklerkur Skipulagsstofnunar Hreintrúarflokksins. Eigandi sálar Ég sjálfs (eða hvernig sem það nafn fallbeygist). Rocket scientist. Stofnandi Nátthrafnasamtaka Baggalútíu (NHS-B). Erkilaumupúki.Flöt jörð, slétt föt, hrein trú !
Fræðasvið:
Rocket science, life, the universe and everything
Æviágrip:
Vjer fæddumst í Rússlandi, að líkindum seint á 19.öld eða snemma á síðustu öld en munum eigi hvenær, vorum of ungir er það gerðist til að muna eftir því. Snemma hófum vjer tilraunakenndar eldflaugasmíðar og vorum óvart næstum búnir að þurrka megnið af Síberíu út við tilraunageimskot í Tunguska. Þar vorum vjer þó heppnir þvi eigi komst hitinn og eldurinn í kóbalt vort. Síðar lukum vjer doktorsnámi í eldflaugaverkfræði og efna- og eðlisfræði kóbalts svo og í notkun tölva til stjórnunar á gjöreyðingarvopnum og flúðum að því loknu land til að stunda tilraunir á eigin vegum víðsvegar um heim. Seint á árinu 2003 urðu tímamót í rannsóknum vorum er vjer skruppum í svaðilför mikla til Rússlands og stálum þar gjöreyðingarvopni því er elipton nefnist. Er vopn þetta núna mikilvægur liður í því að tryggja stöðu Baggalútíu sem stórveldis og hefur því stöku sinnum verið beitt gegn óvinum ríkisins. Nýlega hófum vjer síðan umfangsmiklar rannsóknir á hagnýtingu plútóníums, einkum til hálkuvarna og götulýsingar, t.d. á Hellisheiði.