— GESTAPÓ —
blóðugt
Heiðursgestur.
Pistlingur - 1/11/07
Langlundargeð

Langlundargeð: (no. hk.) 1. Hrottaskapur, 2. Ótuktarskapur.

Langlundi (fræðiheiti: feministus hrottus) er fugl af svartfuglaætt, og af ættkvísl lunda. Latneska heitið feministus merkir „loðinbredda“ og vísar til óvenju mikils fjaðrahams fuglsins (einkum á bakinu) er hann reiðist, en fuglinn er líka oft kallaður „frekjufugl“ eða „lesbía“ á íslensku.

Goggur lundans er marglitur og röndóttur um fengitímann, en langlundar eru þó taldir mjög kyndkaldir fuglar. Þá sjaldan að þeir verpa, verpa þeir í stórum nýlendum í holum sem þeir grafa í jarðveginn. Kvenfuglinn er töluvert stærri og vill sem minnst með karlfuglinn hafa og rekur hann iðulega á brott með hörku um leið og frjóvgun er lokið.

Langlundar eru drápsfuglar sem myrða sér til matar, en algengt er að kvenfuglarnir leggi sér karlfuglana til munns. Einnig eru dæmi þess að kvenfuglinn éti lappirnar undan karlfuglinum, skilji hann eftir ósjálfbjarga, og komi svo reglulega og fylgist með honum veslast upp og drepast - jafnvel þótt það taki marga daga, en langlundinn er mjög þolinmóður fugl. Orðið langlundargeð er þó eigi dregið af þolinmæði langlundans, heldur frekar af illgirni hans, hrottaskap og almennum leiðinlegheitum.

   (1 af 27)  
1/11/07 04:01

Wayne Gretzky

Ertu femínisti?

Úrvalsrit samt...

1/11/07 04:01

Tigra

Hahahaha.

1/11/07 04:01

Þarfagreinir

Ekki er langlundinn skyldur prumphænsninu? Hvernig var það nú aftur?

1/11/07 04:01

Jóakim Aðalönd

Það mætti halda að þú sért eitthvað bitur út í feminista. Ekki lái ég þér það svosem...

Góð saga.

1/11/07 04:01

Huxi

Þetta voru mér mjög nytsamar upplýsingar.
Takk fyrir mig.

1/11/07 04:01

GerviSlembir

Þetta félagsrit allt er hrein og tær snilld.

1/11/07 04:01

Kiddi Finni

Alltaf gaman af fuglafræði. Takk, Blóðugt!

1/11/07 04:01

krossgata

Hahaha. Og illfygli?

1/11/07 04:01

Kiddi Finni

Er illfygli eitthvað skylt henni óheillarkráku?

1/11/07 04:01

Upprifinn

Loðinbredda=Feministi?

1/11/07 04:02

Vladimir Fuckov

Alltaf er gaman að fá svona fróðleik hjer á þessum miðli sannleikans og fer þetta í flokk með svipuðum fróðleik er birst hefur um aðalloðfíla, morðfje o.fl.

Skál !

1/11/07 04:02

Skabbi skrumari

Ég er að spá í að fara í fuglaskoðun... hvar finnur maður þessa fugla?
p.s. takk fyrir fróðleikinn...

1/11/07 04:02

gregory maggots

Fleiri svona rit, takk.

1/11/07 05:00

Z. Natan Ó. Jónatanz

Það mun líklegast vissara að forðast svonalöguð illfygli, eða hvað... annars mætti líka hugsa sér orðið ´langlundarógeð´ - sem hefði þá aðra & mun jákvæðari merkingu.

Skál fyrir góðum pistli !

1/11/07 05:01

blóðugt

Já, skál!

1/11/07 05:01

feministi

Hva, var þetta ekki trúnaðarmál? Þú hefur komist í skýrsluna um mig.

1/11/07 05:01

blóðugt

Ha? Trúnaðarmál? Ég veit ekki hvað þú ert að tala um!

1/11/07 07:00

Sæmi Fróði

Áhugaverð fuglategund, er hún af ætt ólunda?

31/10/09 02:02

Sannleikurinn

Ég styð eindregið hvers kyns aftökur á fólki sem þér finnst þess virði að vera fórn.
En , ég mæli með að fórnin sé prófuð - ef hún stenst ekki prófina - þá er líf hennar þitt til að taka ákvörðun um hvort að þú viljir taka það eða ekki. Það eru til tvenns konar prófraunir sem ég tel að fórnir þurfi að ganga í gegnum - hugrekkispróf - stenst fórnin hugrekkisprófið? Þá hefur viðkomandi sannað sig og er ekki þarfar á að vera tekinn af lífi.
Þekkingarpróf - besta leiðin til að prufa alla sem þú villt prufa hvort sem þú villt taka einhvern af lífi eður ei.
En þú verður að leggja sjálf fram línurnar - alveg eins og hver lundi.

31/10/09 03:01

Sannleikurinn

Fórn = ´Opfer´

blóðugt:
  • Fæðing hér: 28/9/05 21:23
  • Síðast á ferli: 4/2/19 14:42
  • Innlegg: 8170
Eðli:
Sverðgyðja. Verndari vopnanna. Herská með eindæmum.
Fræðasvið:
Sverð, notkun þeirra og umhirða.